السلام عليكم ورحمة الله وبركاته.................
ذكر ابن خميس في كتابه معجم جبال الجزيرة , الجزاء الثالث , صفحة 163 , وقعة بين قبيله عتيبة بقيادة الشيخ عقاب بن شبنان بن حميد من جهه , وقبيلتي قحطان والدواسر من جهه , قرب مكان يقال له سناف الطراد بالقرب من هضبه تيما جنوب هجرة الشعراء , وقد استمر بينهم الطراد على الخيل لعدة ايام انتصرت فيه عتيبه على قحطان والدواسر , وقتل من الدواسر عدد كبير.
كما اورد هذه الوقعة صاحب كتاب:
المعجم الجغرافي للبلاد السعودية , عالية نجد , القسم الثاني , من حرف ( خ - ظ ) , تأليف سعد بن عبدالله بن جنيدل , ص 708 , وذكر انتصار عتيبة على قحطان والدواسر , وقتل عدد كبير من الدواسر.
وهذه الوقعة تسمى (( دلعة )) , وقد ذكرها مخلد القثامي عندما عدد بعض وقعات عتيبة , وقال:
والفصل جا فاربـع سنيـن مسمـاه=من عقبها سمـوى القبايـل طنينـي
منها النهار اللي على الضال واقصاه=من عجـه الضلعـان عيـت تبينـي
ومنها نهار فوق (( دلعه )) عبينـاه=مع ايسر الهضبـه عساهـا سنينـي
وعلى طلال الـدم الاشقـر نثرنـاه=يومنهم جونـا الضحـى سارحينـي
وقد اورد القصيدة , صاحب مخطوطة النجم اللامع للنوادر جامع , وهي اطول من ذالك
والحاضرين من عتيبة (( برقا )) فقط , وقد جسدها الفارس والشاعر مشيلح بن رويبح الفرهودي الشيباني , ووصف المعركة واطرافها.
يقول الفارس مشيلح بن رويبح الشيباني:
بديت ذكر الله على اول كلامي=على المقام وهجعتي في المنامي
الروح لابده محل الاثامي=ومانفعله يالله تكفينا سبايبه
انا على المعبود علقت عاني=ولاني بعارف غيبها في زماني
ادخل على الله من حوايم لساني=وياخالق روحي تهون عذايبه
قلته وانا مبداي في راس منواع=في في راس رجم للهبايب وملواع
بديت حيد للشياهين ميقاع=عسى صدوق الغيث يسقي شعايبه
طرى على قلبي مبادي ركونه=لوكان مايبديه سحاب يشونه
سقاه رواح الحيا من مزونه=يازين عند العصر مبدا شذايبه
رديت لي قاف حسين البنايا=ما ولفوه مكثرين الحكايا
احلى من البرني بروس الودايا=ينشط اللي كاثرات تعايبه
حلو سواة الذوب وسط الخليه=يقري منه لوكان ربع الوقيه
يبري الكبود اللي بهن الشكيه=من الصيف جانيه النحل في جنايبه
طاراً طرى في خاطري كل طاري=هوجاس عنها اللاش ماهو بداري
ذكرت لي يوم جرى منه جاري=ادرك احد واحد نجا من كرايبه
لا يانهار جا علينا ومنا=نؤه غطى روس الاقاذيل عنا
واحد درق في غيبته ماتمنا=يشق للقب المفقه رعايبه
خيل خياله يم خشم ذهلاني=من دون دلعه فرع قصر الاداني
روق ورقرق حول ذاك المكاني=ورنت رعوده في ستايم سحايبه
برقه سيوف الهند ورعوده الروم=وثعله غلب عود من العج مقتوم
وسيله حمر دم وربانه لحوم=وبرقة قطع وصل المحبب حبايبه
جونا هل الجنوب لحاسة الدم=وشيوخهم تقدى الجموع المردم
واللي يبا التوخير قالوا تقدم=وكل جمع قومه وجمع حظايبه
وكل لبس له لبسة يوم عني=وخيل بخيل بيننا روحني
اقفن بالفرسان ثم اقبلني=كم من صبي تقلعه في غرايبه
جونا كما سيل نحى مع مسيله=اللي مع الجرعا يحده قفيله
من جاهز نؤ الثريا مخيله=وحنا كما نؤ يمزع هبايبه
بالكثر راعونا وحنا نروعهم=وجموعنا قرت وقرت جموعهم
ياشوف عيني يوم قمنا نلوعهم=بصافي الحديد اللي دقاق رقايبه
جوهم عزاتي للمنى مناعير=والخيل مردمة علينا طوابير
ولجة عزاوينا سواة الحدادير=يوم اشهب البارود ثارت حطايبه
ربعي مرزنة القلوب الشفاقا=برقا هل العادات يوم الملاقا
اهل المواقف يوم يبس الرياقا=يوم التمام السو تدني قرايبه
نادى علينا شيخنا بالحمايل=قام ونخانا بالجدود الاوايل
يقول هوشوا هوشة اهل الصمايل=والروح بخطوط القلم في كتايبه
قمنا وسبلنا غوالي العمارا=ماعندنا في اللي يجيها مدارا
نبيعها في سوق بيع الخسارا=سوق مذاريب النشامى جلايبه
ياغافل عن عصر هاك العشيه=ليتك تحلى عزوة لي دنيه
يوم اصطفاقات الجموع القويه=في يوم ضيق مبهمات نشايبه
يوم اعتزوا عليهم الاد شيبان=راحوا كما صيد من الجو شتان
والهوش منهم ضيعه كل ديقان=وكل نسى فتنه ومنزل قرايبه
الهوش مع شيخاننا عادة لنا=حريبنا من حدنا ماتهنا
من همنا مايمرح الليل منا=يسقى من السم المدرق شرايبه
نادى لنا عند الاله المنادي=مدبر الساعات والي العبادي
وقمنا عليهم مثل حوم الحنادي=شعيبهم بالدم تنبت عشايبه
والاد عاصم مع عيال المروحي=جمع لهم يوم التراييح روحي
حدوا سعد على طويل ملوحي=أبوي لا لاهم لزوا في زرايبه
الاد عاصم محكمين الحرابة=وافعولهم من يوم عصر الصحابة
طريحهم قعد عشى للذيابة=تاكل عصابينة وتاكل ترايبه
اسيوفهم يوم الحرابه تسله=تشيل راس اللي خصم من محله
ياسعد من هم باللقاء فزعتن له=خصيمهم قفى وكثرت مصايبه
الاد الفليحي يقصر الذم عنهم=ربع ليا ركبوا تقضوا دحنهم
كم سابق صوب ظهرها طعنهم=علم اليا قلته توثق حقايبه
على الخيول ارماحهم علقوها=وكم سابق عن جريها عوقوها
وكم جادل من شوقها طلقوها=غير الصويب اللي تجدد عصايبه
ربع على ايسرنا خذوهم طيارا=كل يعاين فعلهم بالقرارا
في دربهم ياكن جضع السكارا=جثايا هشيم دانيات حطايبه
الاد الكريزي لابعد الرب دارهم=ربع اليا ركبوا تقاطى مهارهم
كم من صبي طايح في كرارهم=سرواله التومان شقر ذوايبه
الله معاضدهم بحظ وسعاده=والهم على كسب النواميس عاده
كم فارس في نجد كبوا شداده=غدا عليه الذيب يقنب قنايبه
ومسلط على اليمنى حكم له جموعي=لباسة الجوخ الحمر والدروعي
يبا قفى جمع علينا يفوعي=ظاري بركضات تقطع عقايبه
حكمه بعيد ومحتض له حضية=حكله بعيد ولادري عنك نية
والله قضاها ساعه في شوية=مثل الطليب اليا خلص عن طلايبه
المصادر
1- ذكر ابن خميس في كتابه معجم جبال الجزيرة , الجزاء الثالث , صفحة 163
2- المعجم الجغرافي للبلاد السعودية , عالية نجد , القسم الثاني , من حرف ( خ - ظ ) , تأليف سعد بن عبدالله بن جنيدل , ص 708
تحياتي
« آخـــر الـــمـــشـــاركــــات »
12-Sep-2004, 03:25 PM
مناخ ( دلعة ) بين برقا من عتيبة واهل الجنوب
العرض العادي
