مقتطفات من شعر الشيخ/سند الحليس

[الامير حريبيش]

الفارس الشيخ/ سند الحليس شيخ قبيلة الحلسه من اولاد علي من الطفحه من برقا من عتيبه كان رحمه الله من خيار الرجال نزيه العرض، كريم النفس ،مفرطاً في الشجاعه ،مدافعاً عن قبيلته بلسانه وسلاحه وكان شاعرأ مفوهاً يعد في طبقة شيخ شعراء الحجاز بديوي الوقداني ولقد اكثر الشيخ سند من الشعر الجزل وكان اغلبه في وصف الابل والخيل وكذلك في وصف القهوة وله بعض الغزليات وله قصائد في قبيلته عتيبه وديارها وشيوخها ولكن اغلب شعره العذب فقد وقد توفي رحمه الله سنه 1328هـ وإليكم بعض من أشعاره التي حصلت عليها:

لومك علينا ان حل في الدار غيرنا ******** لو كــان حــددنا الديـــر بقبور

في هذا البيت يخاطب ديار قبيله عتيبه ان لها لوم عليهم ان سكنها غيرهم وان قبيلته عتيبه سوف تحمي ديارها ولو بالقبور (أي بالحرب)

القصيد الاولى:
قال الحليس اللي عطا مسلب الخلا **** من فوق حمرا للشداد صبور
يازيــن حرفتـــها وزين اوتلامـــها **** مثـــل ذخير بالفتيـــل يثــــور
حمدت اللي عطاني من القوم سربه**** بدو(ن) على عوص النضا وحضور
رضاي يرضيهم وغيضي يغيضـهم **** ليــــا نشرت البيرق المشهــــور
وان ضاق صدري قلت يااهل الركب نوخوا **** ارض(ن) من البيضا حيا ممطور
وفكـــوا ركايبهم ونـــادوا وديعـــها **** راعي الركاب الجيد المذكور
وقال ارجحنوا يااهل الركب واسكنوا **** واخذ الفرنج القدم يالمسحور
وقالــــوا له المسبار وايــق قذايلـــه **** من خوف اهل هجن وراه سبور
ودنـــوا لي الخمره ودنــــوا بناتـــها **** مصاف(ن) لطيفات وساع نحور
ومحماس جابوه العوارض من ارضهم**** وزباد(ن) علينا كل ساع يدور
وبن(ن) يمــــاني كن وصفه وحليتــــه **** يشدي رقوم(ن) في خدود الحور
شربنــــا وثنينا بوزعــــة خوينــــا **** من خوف لايلحق منه مسعور
.....الخ

القصيدة الثانية:

يالله يالمطلوب ياقايد الرجى **** يامن جميع الناس في رجواه
انك تضيفنا يالوهاب بالحيــا **** الحيــــا اللي تستبق ثمـــــراه
قال الحليس اللي ليا ناموا العرب **** وهو مراوس للجدي يتلاه
دنا ثلاث دلال والنجر غيـــرها **** وبن(ن) على جمر الغضى يصلاه
ومع فاحته بالهيل ابه فاح خاطري**** سواة جزاح الغدير بمــاه
كلام(ن) احلى من شراب(ن) من المطر **** للي طراه القاض لين اغشاه
واحلى من الصفري ليا جاد واستوى **** وعلى طلوع سهيل حل جراه
واحلى من اللي يوم يطلق صرارها **** تروي ولدها والقدح تملاه
وهذا وياراكب على طيب النسب **** سبحان رب(ن) صوره واسواه
وذرعته ذراعين وان ماقلت في زياده **** والله من اسباب العرب ياقاه
حر(ن) سوات القيف وان جاك منحني **** وكن الحبر ينزاح من علباه
واوذان مثل الخـــوص والخد كنــــه **** قمـر ثلاث ليا اشتهر مبـــداه
كن الوبـــاره غاشيات(ن) ردوفـــه **** سوات جــوخ نشر من مطواه
وفخوذ كما البيبان لألقت صروعها **** وذيل(ن) عطر كن القصب حلياه
والهــــــا علي الحر والها جوابــــه **** ومدري وش اللي حيره وابطاه
صروف الليالي بين يوم(ن) وليلــه **** تحقل بحـــب مـــاحذي بـــذراه
......الخ

القصيدة الثالثة:

قم يامحمد شب لي تالي الليل **** لاحل بعيون الرخوم الرقادي
شفي من الحاجات ست(ن) وثنتين **** ثمان ماش لها شدي يشادي
النجر والمحماس والبن والهيل **** وخمره ومصفاتين واربع زبادي
زين لها الحمسه وسقوتك بالكيل **** حتى يجي فنجالها اشقر يشادي
كنه ليا حول ببيض الفناجيل **** دم الغزال بروس بيض النفادي
الدول الاول قلطه للرياجيل **** وخلى الخصايص للوجيه البوادي
ربع(ن) يسرونك بليا هل الضين **** يعطون طلاب الحقوق الجوادي
وان جتك سمحه تمسح الورك بالذيل **** محنيت(ن) مثل الجمل بالهدادي
وليا اقبلت فزولها الربع الاقصين **** وخلا لها الترعه كبير الثنادي
عساه عند اللي لهم عندنا دين **** اهل البنادق والرماح الحدادي
لاجالين كربه ولا قاضين دين **** ولاهوب عن مجلي الانياب غادي
يسرح ويضوي في الغنم كنه القين **** وليا سرح وليا ان فيه سدادي

[الازوري]

يا سلام


يا سلام


الله يعطيك العافيه


يا حبذا يكون بينا اتصال اذا عندك مسنجر


احترامي

[أبو الوليد]

الأخ : الامير حريبيش
موضوع رائع ومهم وتكمن أهميته في أنه يتحدث عن علم من أعلام قبيلة عتيبة لم يأخذ حقه من الذكر والطرح ولم تذكر مناقبه التي سمعنا عنها الكثير وذكرت في أشعاره وأشعار غيره من الشعراء.
نتمنى منك المزيد من المعلومات عن هذا الأمير والفارس والشاعر الذي كان يمثل قبائل بني سعد في تلك الفترة وفي كثير من المحافل سواء لدى الأشراف أو القبائل الأخرى.
ونتمنى لو تحاول تجميع بعض قصائده المتناثرة وتطرحها في موضوع مستقل فهي جديرة بالاهتمام.
تقبل التحية والتقدير

التوقيع

https://twitter.com/abalwled عَظيمةٌ أنتِ يـا أرضَ الرسَـالاتِ = يا مهبطَ الوحي فِي خَتْـمِ النبـوَّات أنْتِ السُّعُوديَّةُ العَلْيَـاءُ فِـي شَمَـمٍ = تَعْلُو عَلَى كُلِّ مَنْ تَحْـتِ السَّمَـوَاتِ

[الهيـــــزع]

مشكوور يالامير حريبيش
وسند علم من اعلام الشعر في الحجاز
وذكره العصيمي في كتاب شعراء عتيبه الجزء الثاني على مااعتقد


الهيـــزع الجعيد

[ابوعكام]

مشكوررررررررررررررر

[ابو بتال]

الاخ العزيز الامير حريبيش

اذا تعرف قصيدته اللي يقول فيها


قال الحليس اللي تهيض بقافين
مثل العسل ولا حليب النياقي

اذا تعرفها اوردها لنا الله لا يهينك

[محمد العتيبي]

الله الله

الله يرحمه ويغفر له

نتمنى منكم اخواني المبادره في تجميع وطرح كل ما يخص الامير : سند الحليس

في موضوع مستقل ويتم تنظيمه لتسهل على المتلقي قرائته

فالأمير والفارس :سند الحليس

يهمنا جدا تنزيل وتثبيت مواضيعه هنا قي موقع قبيلته لتعم الفائده لنا ولغيرنا

من ابناء القبيلة ..

ولكم خالص الشكر والتقدير

التوقيع

للتواصل عبر twitter تويتر al_bargawy@

[راعي الشوشلية]

يعطيك العافيــه على الطرح الجميل


وتسلم أناملك اللتي سطر لنا الابداع


لك مني جزيل الشكر ،


دمت بــــود ..

[عبدالمجيد النفيعي]

ونعم بـ /الشيخ سند الحليس ،، يرحمه الله ،، ونعم بـ الطفحه نوماس للقبيله كلها

الله لايهينك ياالامير حريبيش وبيّض الله وجهك على اهتمامك بـ موروث أبنا عمومتك

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

[الحجاج]

لومك علينا ان حل في الدار غيرنا ******** لو كــان حــددنا الديـــر بقبور


بيت يدل على شجاعة قائله


موضوع مميز من عضو مميز