هذه بعض الأبيات لشعراء القبيلة ذاع صيتها حتى صارت أمثالاً وسارت بها الركبان في عموم قبائل الجزيره العربية:
منها قول الشاعر الكبير عوض الله بن رجاء البريماني الجعيد رحمه الله التي اصبحت مثلا :
لياجا للفتى عشرين عـام=ما ينطح وجيه الموجبـات
لا تشفق علاه انكان حـي=ولا تبكي علاه ان قيل مات
وعوض الله بن رجاء شاعر الجعده الكبير له كثير من الاشعار المشهوره في تاريخ الجعده والمحفوظه من الصغار والكبار ولكن اشهرها علي الاطلاق قصيدته المشهوره بأسم البيعه والتي بايعت بها قبيلة الجعده الملك عبدالعزيز بعد دخوله للحجاز وفي اول ابيات قصيدة ابن رجا وصف رائع للذلول
قال الجعيد اللي ليا قال ما تاع=كلامه احلى من شراب العدودي
واحلى من البن اليماني ليا فاع=في مجلس فيه النشاما قعودي
واكن سري بين قلبي والاضلاع=وان هاض صدري رد زين الردودي
يالله ياللي للمخاليق سماع=ياجيد ما مثلك احدن يجودي
ياللي ليا مديت مدتك في ساع=مدك ولا مد البخيل الحسودي
طالبك من نوء سحابه ليا ماع=يسقي الديار المسنيات الخمودي
ياراكب من عندنا فوق مطواع=وقم الرباع مشر هينه قعودي
يشدي الفريد ليا تميز من القاع=ما عاود الا في عدام النفودي
ودوا كلامي ياموديت الاسماع=ودوه لال سعود اهل كل جودي
الحكم لال سعود ماهو بداع=موارث لابوانهم والجدودي
ياما بدوا بالجمع مع روس الارواع=وكل شرب يوم اصطفاق الورودي
هدوا ومدوا يوم مدات الابواع=لين قر الحكم بين الحدودي
لين كل كال بالمد والصاع=مازعزعوهم بايقين العهودي
هدوا وردوا الين راع الخطاءراع=لين قر الحكم بين الحدودي
وموج البحر مايقطعه غير شراع=حظ الفتي من يوم هو في المهودي
وان جاء الولد من مركز الجود وأسباع=يصبح كماهم فالمجالس قعودي
ترى عريب الجد ينشي وبتاع=يطلع كما جده ويرقي سنودي
بيت الشجاعه للشجيعين مرجاع=والسلم ما يحفظ يقع بالعدودي
والصقر له في ماكر الصقر ميقاع=مايبدي الا في طويل الحيودي
والبيت مايبنى بلا اطناب واشراع=ماينبني الا بالذرى والعمودي
والراس ما يومي بلا جنب وذراع=والجنب عزه من شديد العضودي
والحق له سده وله باب واسناع=مافيه بيع ومشترى بالنقودي
وان كان جاء فالحق شاري وبياع=يضيع بين المدعي والقعودي
اوصي هل الذمه مدورت الاطماع=علي رضا الله حدهم فالوجودي
لا بد يوم فيه نزله ومطلاع=ولا شاهد الا الله خيار الشهودي
يوم ما للعبد عاني وفراع=غير العمل ومبيحات السدودي
هذا كلام الصدق ماهو تبراع=لا هو كرم مني ولا هو حشودي
الصدق اله وازن وان مانوزن ضاع=يضيع بين اثنين ما فيه فودي
والصدق ما يوجد يقع عند صناع=يضيع كما رمي ام خمس الركودي
والكذب مايشرى ولا هو بمنباع=دايم كما حب الرحاه اللكودي
تسعين عام موزن الهرج ماضاع=حافظ جوابي ماتبيح سدودي
ردوا عليه ياهل الذرع والباع=في ما عليه تنقدون الردودي
انا كلامي لا يوديه تواع=ترى كلامي للقبائل فيودي
ياجعل من وداه في غير الاسناع=يبات خائف في طويل اللحودي
واختم بذكر الله علي كل الانواع=عداد نوء من سحابه يقودي
نوء من المنشا يجيله تزعزاع=في الزعزعه جاله تزاهم رعودي
ومن الابيات التي اصبحت امثالا في انحاء الجزيره العربيه كذلك قول الشاعر سند الحليس شيخ الحلسة من الطفحة من عتيبه :
عساه عند اللي لهم عندنا دين=اهل البنادق والرماح الحدادي
وكذلك قول سند الحليس الذي اصبح مثلا
والهــــــاء علي الحر والهاء جوابــــه = ومدري وش اللي حيره وابطاه
وكذلك قول سند الحليس الذي اصبح مثلا
صروف الليالي بين يوم(ن) وليلــه = تحقل بحـــب مـــاحذي بـــذراه
وكذلك قول سند الحليس والذي اصبح مثلا:
سموه خبـلان القلـوب الهبايـل=رجـال لوهـو قاصـره يمـنـاه
من شان غزلن نابتن في عوارضه=والغزل ينبـت فالطلـي والشـاه
وهي من قصيدته المشهوره ومنها:
يالله يالمطلـوب ياقايـد الـرجـى=يامن جميع النـاس فـي رجـواه
انـك تضيفنـا وترزقنـا الحـيـا=غيث الحيا اللـي تستبـق ثمـراه
قال الحليس اللي ليا ناموا العـرب=وهـو مـراوس للجـدي يـتـلاه
دنـا ثـلاث دلال والنجـر غيرهـا=وبنٍ على جمـر الغضـى يصـلاه
ومع فاحته بالهيل ابه فاح خاطري=سـواة جـزاح الغـديـر بـمـاه
كلامٍ احلى من شرابٍ مـن المطـر=للي طـراه القـاض ليـن اغشـاه
واحلى من الصفري ليا جاد واستوى=وعلى طلـوع سهيـل حـل جـراه
واحلى من اللي يوم يطلق صرارها=تـروي ولدهـا والقـدح تـمـلاه
وهذا وياراكب على طيـب النسـب=سبحـان ربٍ صــور واســواه
متباعد العجرود عن ملتقى النحـر=وذرعته من اليمنـى ليـا يسـراه
ذراعين وان ماقلـت فيهـا زيـاده=والله مـن اسبـاب العـرب ياقـاه
يلحق ولا يلحق وسرعن ليا انثنـا=ويفـوت راع البنـدق المـوشـاه
حرٍ سوات القيف وان جاك منحنـي=وكن الحبـر ينـزاح مـن علبـاه
واوذان مثل الخوص والخـد كنـه=قمـر ثـلاث ليـا اشتهـر مبـداه
كـن الوبـاره غاشيـاتٍ ردوفـه=سوات جـوخ نشـر مـن مطـواه
وفخوذ كما البيبان لألقت صروعها=وذيلٍ عطـر كـن القصـب حليـاه
والها علـي الحـر والهـا جوابـه=ومدري وش اللـي حيـره وابطـاه
صروف الليالي بين يوم(ن) وليلـه=تحقـل بحـب مـاحـذي بــذراه
وعزاي مـن ليـه ليـا الحارثيـه=يـوم ان كلـن يـدعـي بـعـزاه
يا طيبهم لولا الفوت شرعتن لهـم=تـرى الفـوت مـا غايبـن مـداه
وهذا البيت اشتهر في باديه عتيبه جميعها اهل الجحاز واصبح مشهورا عندهم ويقولونه من باب الاعتداد بالنفس وهو للشيخ الشاعر سند الحليس والذي يقول فيه
من السراه ليا الطراه المذكره= يمشون طابور وراء طابور
وسلامتكم وسامحونا علي القصور ,,,,,,,,,,
آخر تعديل الامير حريبيش يوم 13-Aug-2011 في 01:18 AM.
« آخـــر الـــمـــشـــاركــــات »
13-Aug-2011, 01:16 AM
هذه بعض الأبيات لشعراء القبيلة ذاع صيتها حتى صارت أمثالاً وسارت بها الركبان
العرض العادي
