من هي سبع القبــــــــايل؟

[فهد النفيعي]

ومن القاب الروقه ايضا
مرجحين الموازين
مطوعة كل فسقان
وتشترك مع برقا في لقب ذباحة الحايل لطامة العايل

[هضيباني]

ونعم في الروقه
واله لا يهينك يابوسعود
ويا بن هضيبان يا ولد عمي اتمنا ان الله يزرقني شي انت خابره
هههههههه
مع التحيه

[ذيب روق]

مايحتاج روق مرجحين الموازين وافعالهم بالوغا يشهد لها القاصي قبل الداني

[(@&الــثــبــيــتــي&@)]

والله ونعم بالروقه فعايلهم يشهدلها القريب والبعيد

[نـاصرالهمهم]

والنعم والله بالروقه مرجحين الموازين وأفعالهم يشهدلها البعيد قبل القريب

إذا مافيه مانع يا الهضيباني أن أثري الموضوع بقصيدة للشاعر عليق الشمري في قبايل الروقه

----------------------------------------------------------------------



يقول مـن عبـر بزينـات الامثـال
وزاهي القوافـي جايبينـه جميلـه
من جاش اديبٍ ينظم الشعر بالحـال
اخذ جزيل القـاف وارمـي هزيلـه
الفكر يحضر والحبر فوقهـن سـال
والقـاف مـازونٍ علـى مايبيـلـه
مثـائـلٍ ماولفـوهـن الانـــذال
ولانقلوهـن مدركـيـن الفشيـلـه
شاقن لنظم الشعر ماضين الافعـال
يـوم الزيـاره لـديـار الجميـلـه
يوم الخميس ثنين وعشريـن شـوال
جينا الرجـال الـي علومـه نبيلـه
اولاد0روق0الـي عريبيـن وثقـال
قبيـلـةٍ يـاحــي والله قبـيـلـه
اولاد روق الي لهم صيـت وفعـال
اهل السيوف المرهفـات الصقيلـه
و اهل بيوتٍ الراسيه كنهـا جبـال
عـز الرفيـق ومكرميـنٍ نزيـلـه
ذباحت الحائـل كريميـن الاشبـال
متوارثيـن الطـي نعـم القبيـلـه
شرهاتهم ماهي على جمعت المـال
فوق الصحـون يقلطـون الجليلـه
كبار الصياني والشحم فوقهـا سـال
اللابـه الـي يذبحـون المحيـلـه
وبيوتهم للضيـف مزبـن ومدهـال
وديارهـم كـم واحــدٍ يلتجيـلـه
لوننشد التاريخ ونشـوف وش قـال
يشهـد لهـم تاريـخ نجـدٍ وجيلـه
تاريخهم واضح على راس ماطـال
تاريخهـم بيـن وكــلٍ حكيـلـه
يومٍ علـى طـلال مايبهـج الحـال
ثار الدخن من حـر صلـو الفتيلـه
زادو على الهقوات يوم ادبر الفـال
يـوم الحرايـب والعـدو ترتكيلـه
ميزانهم يرجح علـى عائـلٍ عـال
وحريبهـم يـوم اللـقـى عزتيـلـه
قبيلـةٍ ماطاوعـوا قـول عــذال
قومٍ على الحـراب تشفـي غليلـه
رجالهـم ينطـح ثلاثيـن رجــال
وخيالهـم ينطـح جمـوعٍ وخيلـه
للزيـن زينيـنٍ وللضـد جـهـال
عـوق الخصيـم ليابدامنـه عيلـه
قومٍ يعرفه عاقـل النـاس والضـال
سقـم الحريـب ومقحميـن الدبيلـه
يشدون سيلٍ يضرب الجـال للجـال
واللي بوجـه السيـل لازم يشيلـه
ودخيلهم يلقـا المعـزه ماهـو ذال
وعـزالله انـه داخـل بـه دخيلـه
وصديقهم الى نشدتـه عـن الحـال
يقيـن مايعتـاض فيـهـم بديـلـه
وصديقهم عنـه المحاميـل تنشـال
تنشـال لـوان المحـامـل ثقيـلـه
وعدوهـم يسقونـه الـمـر وذلال
باليـل يسـهـر ماتهـنـا بليـلـه
وعدوهـم يـذوق تسعيـن غربـال
خلـوا علـى كبـده حـر ومليلـه
وعدوهم لوهوامـن الجيـش جمـال
بالمعركـه خلـوه يطـرق شليلـه
يردون حوض الموت جسرين الاقبال
فرسان لاركبـو ظهـور الاصيلـه
صولاتـهـم غـــدابـهـا كــــمـرجـال
وياويـل رجـالٍ تعـرض سبيلـه
وكم من عقيدٍ وسدو راسـه الجـال
وشيـوخ راحـو بالمعـارك قتيلـه
ولـو ابعـد فعولهـم مالهـا تـال
يصعب علي اعدادها مـن حصيلـه
يستاهلون المدح عربيـن الانسـال
نسل الرجال اللي علـوا بالطويلـه
شي لشوفـه زاد مدحـي بالاقـوال
والقول بعـد الفعـل اكبـر دليلـه
وجعل الخيال اللي نشى فوقه اخيـال
والغيث يمطر من حقـوق المخيلـه
على نفي امـع القـراره ولاجبـال
وتسيل كـل اشعابهـا مـن مسيلـه
حيث انها دار البطولـه والابطـال
دار الكـرم والطيـب للـي يجيلـه
دار لهم حامينهـا مـاض الاجيـال
من دونها ترخـص عمـارٍ طويلـه
يقولهـا اللـي ماتغيـر والامــال
قـول الحقيقـه والصراحـه يبيلـه
وصلاة ربي عـد ماواديـن سـال
وعداد بـراق بـرق فـي مخيلـه
على الذي سن الفرايض والاعمـال
نبينـا المخـتـار راع الفضيـلـه


أخوكم/ نـاصر الهمهم الثبيتي

[الهضيباني]

جزاكم الله خير علا الرد

[ذيب روق]

مشكور على التو ضيح والله ونعم بالاد روق اللي عريب جدهم وبالهيلا .

[الهضيباني]

جزاكم الله خير يا اخواني على الرد الجميل ونت يالعجمي ونعم فيك وفصلك ونا عيال خوالي عجمان عيال يام ......... ولاهنت علا الرد


اما انت يا بن ^هضيبان حسن ردودك يبن العم

^هههههههههههههههههههههه^

[طاوي الشوق]

ونعم بالاد روقه اعيال عمناااااااااا


ويستاهلون كل خير



وهم بقيادة الشيخ القائد مسلط


ولاهيب غريبه عليهم


وانعم واكرم


طاوي الشوق

[نبض عتيبه]

ارجو من المنتدى حذف اي موضوع يتطرق بخصوص برقا و روق
مما يحدث مشاكل وتفريق
وعتيبه قلب ونبض واحد