بسم الله الرحمن الرحيم
السلام عليكم ورحمة الله وبركاته.........
اعتذر للجميع عن هذا الانقطاع , وقلة المشاركة معكم في منتديات الهيلا , وذالك بسبب الارتباطات والظروف , واسئل الله ان يكون في عون الجميع...
يقول محمد العلي العبيد , في مخطوطته النجم اللامع للنوادر جامع : ( وكان جهز قد اغار على اباعر شمر وهم قاطنين على الدويحرة الماء المعروف بطريق الزلفي للخارج من عنيزة
فاخذ منهم 80 رعية , ولايعلم انهُ مضى مثلها ولامن الحكام , ورجع بها إلى عشيرة , ثم غزى ابوه هذال واغار على جيش محمد بن رشيد فوق الكهف , وهي القرية المعروفة بطريق حائل للمسافر من القصيم , فأخذه ورجع به الى عشيرة , وخلاصته ان هذال هذا , فهاماً نهاباً ومعطافا , واليك ماقاله به من الشعر , مخلد القثامي:
بديت ذكر الله على كل الاحوال=وذكر الرسول مختمً به كلامي
سبحان هادينا على رد الامثال=ومفهمٍ خلقه بخط الختامي
وخلاف ذا ياراكباً وسق مرحال=عمليةً من قاطعات المضامي
انص الامير وطقها عند هذال=لعل عودً عقبه لرحامي
وسلم على شيخً من الميل زعال=وخص الحرار النادرة بالاسامي
لزمن يقلطلك من البن فنجال=فيها بهارً بالدلال الحشامي
من مكرماتً نارها يشعل اشعال=مايهتني عمالها بالمنامي
مع منسفٍ من فوقه الصفو زلال=عليه من حيل الجلايل يدامي
في ربعةٍ يبديلها كل عيال=مدهال سمحين الوجيه الكرامي
تلقى اشقرٍ عنه الشياهين تنجال=وكره شواهيق الهضاب القطامي
صقرٍ تحدر من طويلات الاقذال=يديرها هاجوس عيد المرامي
شيخٍ يتل الخيل سمحات الاقبال=والجيش من حوله جراد التهامي
وان شاف غرات العدا جاه ونوال=رفرف بجنحانه ورقرق وحامي
كم شيخ قوماً زوله عقب الامهال=بيضه تنوحه نوح ورق الحمامي
وقلط سبوره يوم في الضحى مال=وجفه عجالاً حازم بغتنامي
يانجد لاترهب ترى الحرب ماطال=ترى شراع الحرب ماساع قامي
ابشر بخيلً قب وجموع وعيال=مازال ابوسلطان والراس (......)
وصبح يعزلهم مبندق وخيال=والنشر الادنى قنعوه العسامي
وركبوا عليها في ظهر كل مشوال=يردون حوض الموت والموت حامي
وتواجهة عجلات الاقفاء والاقبال=حمرً وصفراً مثل بلى العظامي
وعنده ليا يبسن الارياق محوال=بالمارتين منزحات المرامي
يانجد والله مانبيعك بالابدال=يامدهل الشقحى ردوم السنامي
بكرة ليا علك من الوسم همال=وصار الزهر غاشً ردون العدامي
اما تحدرنا من العرض وشمال=ولا علينا للطلايع ملامي
ضليت للدوشان مربا ومنزال=واليوم ذكرك مثل ذكر الحلامي
عابينه الراس المصعفق لياعال=لاسيقة العطفة نهار الزحامي
اما كلاب (.....) شينين الاعمال=ولا مطير اهل الجموع الزوامي
حنا عتيبة ربع الاقفاء والاقبال=نرمس ليا ناسن علينا العلامي
غاراتنا بدنى حريباً على البال=ومن ضامنا مايهتني بالمنامي
يابوجهز يازبن من حده الحال=امشي مع المظهور مثل النظامي
حقي عليكم حرةً تهذل اهذال=مكسوبةً من مال قوماً قيامي
ابردبها غل الحفا عقب الارجال=من مال شيخً زابنه مايظامي
وختم صلاةً كل ماقال قايل=على نبياً للخلايق امامي
)))))
المصدر: مخطوطة النجم اللامع للنوادر جامع , تأليف محمد العلي العبيد , صفحة 135......
تحياتي للجميع
« آخـــر الـــمـــشـــاركــــات »
29-Sep-2005, 09:40 PM
من مغازي الشيخ هذال ابن فهيد وابنه الشيخ جهز على شمر وابن رشيد
العرض العادي
