الجلاوي و السناني محسوب فالقلطه وشعارها

[سيف السليس]

السلام عليكم ورحمة الله وبركاته

أولاً مبروك عليكم الشهر ,
ثانياً أعتذر عن الغياب لـ سبب الظروف ,

وثالثاً عندي طاروق بين سلطان الجلاوي
و محمد السناني , ورأي أبو فايح والشعراء يهمني



سلطان الجلاوي

ياصاحبي يالسناني ماحصل لا يعود=تراك محسوب فالقلطه وشعارها
ترقص مع الشيعه اللي سمها فالكبود=إيران ماباقً الا ترفع شعارها

محمد السناني

تراي عندي ثقه والشعر ماله حدود=وعتيبه الله عطاني كامل اسرارها
احذر من الرافضه واحذر عيال اليهود=وانته تبا الحاجه اللي تلفت انظارها

سلطان الجلاوي

عندك ثقه بس لايمكن علينا تزود=وجهينه اعرف مكانتها من اخبارها
منت بـ على بعض الاشياء ياجهني بـ محدود=والناس زايد طمعها يعمي ابصارها

محمد السناني

ياكثر زوداتكم مع دولة ابن سعود=والغلطه اللي غلطتوا صعب تكرارها
مايمكن النار توقدها بليا وقود=من يزرع القنبله مايأمن اضرارها

سلطان الجلاوي

حنا قدم حكم أخو نوره نزود ونسود=يوم اكثر الناس ماتحمى حما جارها
عليك خمسة شهود وراشد من الشهود=شافوك في غرفةً مقفولها اسوارها

محمد السناني

ابن فهيد المنادي جعلكم فالوجود=قسّم عليكم جزور الحرب وافقارها
تبغا تدور مبرر وانت منت محسود=اصبحت مضغت كبار القوم واصغارها

سلطان الجلاوي

اقسامنا واضحه من عصر عاد وثمود=وقسمك مثل قسم من هي حطت خمارها
انته ملفك مع الضباط بعد الجنود=يمن السناني علاها طالت يسارها

محمد السناني

الا رضيتو بها عيدً عليكم يعود=الروقه استأذنت برقا بمقدارها
سود الليالي تجيب مبيحات السدود=والناس دون المواقف ترخص اعمارها

سلطان الجلاوي

مالك دخل يالسناني في فعول الجدود=النار تاكل بعض لا ما لقت غارها

[منبر اعلامي]

ابدع الشاعران يعطيك العافيه

[مرزوق الوذيناني]

ابداع من الطرفين

ومن وجهة نظري اعدها محاورة الموسم

[عزارم]

صح لسان كل من الشاعرين

[بشار2]

لم تطلع المحاوره وإضاهر إن هذا المنتدى يريد ان يرتقى على اكتاف زواره لا على الماده و المواضيع التي توضع في الاقسام من قبل الاعضاء ؟هذا القسم غيرمسموح لك لانه لم تتجاوز مساركاتك خمسين مشاركه وعلى هذا المنوال ؟الى متى العبث بأسماء القبائل وهل مشايخ وأمراء عتيبه تسمح بهذا العمل

[تركي الصفياني]

ياسلام طاروق مجنون


ابو صاهد يهدد السناني وينبهه في كلامن قاله فالطاروق اللي قبل

واذا تبون تشوفون الطاروق اللي قبل تحصلون في قسم محاورات الجلاوي في موقعه منزله انا


والسناني هذا مصيبه (( القصير اما جاك حكمه ولا نقمه ))

الظاهر السناني شل الثنتين

[مصعب العصيمي]

قاف كايف وشعراء كبار

[فهد الزهراني]

المشاركة الأصلية كتبت بواسطة بشار2

لم تطلع المحاوره وإضاهر إن هذا المنتدى يريد ان يرتقى على اكتاف زواره لا على الماده و المواضيع التي توضع في الاقسام من قبل الاعضاء ؟هذا القسم غيرمسموح لك لانه لم تتجاوز مساركاتك خمسين مشاركه وعلى هذا المنوال ؟الى متى العبث بأسماء القبائل وهل مشايخ وأمراء عتيبه تسمح بهذا العمل

اخوي الكريم

شغل المنتدى بمتصفح انترنت اكسبلورر راح تفتح معاك المحاورة

اذا شغلت متصفح الكروم او غيره لن تطلع وهذا لأنه غير مدعوم في المنتديات بصيغة التنسيق حتى الان

.......

واذا ما عندك رح للمشاركة الاولة وسو لها اقتباس وراح تطلع معاك الابيات اللي ما شفتها

[عثمان الثبيتي]

صح لسان كل من الشاعرين

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه

[الحافي 1]

الجلاوي يحاول الطلوع على اكتاف السناني
السناتي شاعر يدفن ولا يصلح مع الجلاوي الجلاوي سطحي اكثر من الازم