خبر وصلني الان ومصادر موثوقه جداً

[الحر2010]

المشاركة الأصلية كتبت بواسطة سلطان نايف العضياني

السعودي اللي يأخذ أهله ويسافر لديار الكفر والمجون يستاهل مايجيه!

ذكرتني يا سلطان بحادثه على طاري اللي ياخذ اهله , كنا على الحدود نبي نخرج خلاص

الا سعودي يسئل خلص طلعنا من الديره ؟ ماصدقوا اهله على طول كشفوا وجيههم

يعني الحيا مخلينه للديرة بس ,,ناس الله لا يبلانا ,, والمشكله يوم تروح لسوريا صرت تتعرف

على سعوديات اكثر من السوريات ,,اعذروني على صراحتي بس هذي الحقيقه

[بن جزيان السليس]

المشاركة الأصلية كتبت بواسطة الحر2010

كلام سليم يابن جزيان السليس, لكن المفروض نقاطع السياحة في سوريا ووالله انهم الا يترجونا

نروح عندهم ,وقبل كم فترة طلعت سوريا اغنى دوله عربيه وهذا جاء في مسابقة من سيربح المليون

على ما اعتقد ,والسبب الاموال الخليجيه وبالذات السعوديه,واكثر الاموال صرفت على المراقص

واحسن واحد (يفت ) اكثر والمبلغ مفتوح ,عشان كذا السعودي خروف بنظرهم لانه يدربي راسه

بس يبي يتونس ,والمشكله ان اكثرهم عيال قبايل ,والحضران تلقاهم بمصر ولا اوروبا ...

اما مسالة ان الخارجية تتصرف في هالموضوع ,اقول لاحياة لمن تنادي

يعني لاضرر ولا ضرار , ولاتلقوا بايديكم للتهلكه ,ليش نروح عندهم ونتبهدل ونهين انفسنا

اما انك تقضيها في ربوع بلدك او بلاش تروح سوريا دور مكان ثاني مصر ,عمان (زرتها والله حلوة)اما انك تروح سوريا عشانها رخيصه ,الله يلعن الفلوس اللي تذل صاحبها

واخيرا قاطعوهم كرامة لانفسنا ,

أخوي معليش منت جابر الناس على شي ما تقدر تحرمهم , فهمت علي



لكن الي وده يطلع يطلع اماكن عارفها و يعرف اهلها زين و الله ما راح تلقى مثل بلدك


يا شباب اتمنى من كل قلبي منكم تطلعون و تجلسون من 2 الى 3 شهور برا الدول العربيه أقسم بالله اذا رجعت للسعوديه أن أول من تقبل قبل رأس أبوك و أمك تقبل أرض السعوديه و تحمد ربك على النعمه .


لكن الأغلب يروح و لا يدري يرثع و ما يدري انه في نعمه كبيررره جداااا



عــمــان و ما ادراك ما عــمــان دووله كلها طبيعه , شباب اليمن بـ 5000 تعيش ملك هناك و هي الطبيعه (اب , تعز ..الخ) مدن طبيعه جبال


أفضل من الي عند سوريا ورب البيت ما استفدنا من سوريا الا شيئين (ترثع في البنات , و كيفية تنقط الفلوس) بس هذا الي يستفيد منه الشاب السعودي و لا هو يم السياحه و لا شي .


طيب أقولكم شي روحوا للبحرين في العطله و لا (الأربعاء و الخميس) و شف الشعب السعودي كله هناك و لا تلقا و لا واحد منهم في مثلا يتمشون سواء ملاهي او اي شي كان , تلقاهم نايمين النهار كله و يقومون الليل و على (المرقص) .



ما أقدر أقول الا الله يهدي الشباب و ينور بصيرتهم , و بالله و تالله أن لأمر محزن و يدمي له القلب


و الله يكتب فيه الخير للأمتين الإسلاميه و العربيه



فمان الله

[على الغيم]

لا حول ولا قوة الا بالله
لماذا السياح السعوديين يتعرضون لكل هذه المضايقات في الدول العربيه فقط
لكن اي دوله اوربيه او شرق اسيويه لا نسمع بهذه المضايقات والحمدلله
لابد من نظره للدول العربيه واسباب هذه الانتهاكات
لا بد من تدخل الحكومه والسفاره في كل بلد

[((ابو حمزة ))]

لا اعتقد ان الشعب السوري يؤيدون ما حصل

الله اعلم بالذي حصل فلا تتهمون احدا ولا تحرضوا على احد

[السراح الروقي]

على الرغم من هذا كله فيبقى في سوريا رجال كرماء لا يرضون بما صار وما حدث يعتبر تصرف خونة مسترزقه وربما هذه التصرفات متعمده لتحدث ارتباك وتوتر في العلاقات بين الشعبين والبلدين الشقيقين في ظل الظروف التي تعيشها المنطقة والمستفيد عدو للعرب والمسلمين ....


















يا ناشد عنا ترانا السراحيـــــن قومٍ على الطولات مثل الذيابــــــه

[الحر2010]

المشاركة الأصلية كتبت بواسطة السراح الروقي

وما حدث يعتبر تصرف خونة مسترزقه وربما هذه التصرفات متعمده لتحدث ارتباك وتوتر في العلاقات بين الشعبين والبلدين

ليست تصرفات مسترزقه ولا خونه بل ناس خارجه عن القانون ,يعني ناس ياخي ذابحها الجوع

والسعودي الضحيه ,ليس كل شيء هو مؤامره خلونا واقعيين شوي

حتى بالاردن تصير سرقات ,لكن الاردنيين عندهم حكومة قوية افضل من سورية

لكن في سوريا اذا انسرقت العوض على ربك ,,

[معتلي الهامه]

لان السعودي يحسب لاطلع بره كل شي جايز ولايحترم العوايل وبعدين ترى الي مسوين زحمه في سوريا مفتلين الشوارب من شلة باب الحاره (((((عى راسي عمو))))

[قناص الصحراء]

هذه الصياعـه الخارجيه .. عفوا السياحه لا مؤاخذه على العباره ، السعوديـه بمساحاتها الشاسعه ناهيـك عن وجود اطهر بقعه على البسيطه وهما مكة وطيبة الطيبه حرسها الله من كيـد الاشرار و السواريه ،أضافــه إلـى جنوب البلاد ما يحويه من اخضرار الشجر و احمرار الورد و السماء الصافيه والضباب الساقط على سفوح الجبال الشامخه و الهواء العليل الي يرد الروووووح خاصـةً مع شآي نعناع .

السعوديه يا صفيق الذوق والتفكير ما تشبع مزاجك ونهمك بعض الرُحل الاغبياء يدعي ان الغلاء موجود في السياحه الداخليه وانه ليس هناك ما يؤهل للنزهـه و الوناسـه ومشتقاتها في هذه البلاد المباركه ونسي تكلفـة التذاكر ذهاب وعودة اضافه الى ما يصرفه هناك و المخاطر التي يتعرض لها كما سمعنا في هذه القصـه المؤسفــه .

فمن هو ذاهب الى سوريا وغيرها يتعرضون في غالب الاحيان الـى النصب والتسذب والغش مجرد يناظرون لك ويعرفون انك سعودي ، يرونك برميل نفط يتدحرج على الارض . قصدي يمشي الهوينى على الارض ، راح ياكلونك و يعرمشونك ايما عرمشه ويمصك الى العظم وانت لا ناصر ولا معين لك الا الله جل في علاه ولكن من طلع من داره قل مقـداره ، وهذه الامور تحصل مع النفرات العزاب عندما يسافرون الى هذه المناطق من ناحيه السرقات والعنف والمواجهات وغيرها ، ولكن هذا رب أسره زوجـه وكم قطعة بزر لم يتركوهم في حالهم . الله المستعان مشكلـة عويصـة لا تقبل القسـمه على تو .


قناص الصحراء :~