الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات العامة > تاريخ قبائل الجزيرة العربية

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 06-Jan-2010, 02:24 PM رقم المشاركة : 1
معلومات العضو
ولدعساف

مشرف سابق


الصورة الرمزية ولدعساف

إحصائية العضو






التوقيت


ولدعساف غير متواجد حالياً

Arrow قصة ابو زيد الهلالي سلامة وتغريبة بني هلال بالقصيد (( الجزء 1 ))

من قصص بني هلال

المقدمه:


القصه اللي انا ابي اتكلم عنها عباره عن محصله من عدة روايات عن بني هلال وقصة الجفاف اللي صابهم ومعاركهم وانا المسؤل عن الرواية وما يذكر فيها من احداث وقصائد واعتبر نفسي مصدر طرح هذه القصة بهذا الاسلوب حفظاً وليس كتابه لان اكثر الاحداث سمعتها وحفظتها ولم اجدها في أي مصدر مكتوبه علما ان عندي اربع مصادر من كتب غيرما تمكنت من جمعه من مصادر اخرى

في البدايه ابي اتكلم عن قصة الحب اللي حصلت بين ابو زيد الهلالي واسمه الحقيقي (سلامه) وعليا واسمها كامل عليا بنت الشيخ جابر العبيدي القحطاني
أول احداث القصه يوم شاف ابو زيد عليا اعجب فيها وجن جنونه انهبل جمال وجسم وبنت شيخ قال في نفسه ماخذها ماخذها بس العقبه الوحيده قدامه ان شيخ بني هلال مانع شباب بني هلال ما ياخذون الا من بنات بني هلال (وطبعا عليا بنت الشيخ جابر من عبيده من قحطان )راح لأميرهم واسمه حسن بن سرحان وطلب منه يسمح له يتزوج من عليا
عرض فكره الزواج من عليا على الأمير رفض الامير واصر ابو زيد ألا يتزوجها وقال للأمير انت بس شفها وتعذرني رفض الامير وارسل ناس يشوفونها ويوصفونها له جوه المراسيل ولا مدحوها له يقولون نحيفه ولهي على وصف ابو زيد

رفض الامير مره ثانيه وكرر عليه ابو زيد وطلبه انه يروح يشوفها بعد كثر الالحاح قال الامير بينه وبين نفسه ليه ما اروح اشوف هاللي خذت قلب ابو زيد وابو زيد معروف عنه انه فارس ولا يفكر في الزواج ولا يفكر انه يجي له عيال ابداً

ابو زيد كان يوصف عليا عند الامير حسن بن سرحان يقول عليا إذا وقفت من اوسط البنات بالطول وإذا جلست تكون اطولهن ( يقصد بكلامه أن فخوذها كبار إذا جلست ترفعها ) راح الامير يشوفها واخذ معه واحد اسمه ابو العلا وكان الامير راكب ناقه يوم شافها انبهر من جمالها ما يدري يمشي في أي اتجاه بالعربي ضيع نزل من ناقته وراح يمشي ويردد قصيده يقول فيها :





ابا العلا قدلي مع الدرب ناقتي .......بحسناك والا ناد لي من يقودها
يقولون لي عليا نشاش دقاقـه ......وانا اقول ريان من الغي عودها
ان وقفت دق العسيلي بوركهـا.........وان دنقت ما رده الا نهودهـا
قولو لطراد الهوى يطرد الهوى........وانا كفيلك عن بلاوي حسودها



قولوا لأبو زيد ياخذها


العسيلي هو نوع من الجلد المقوى على شكل حزام وسيع على شكل حجل في الوسط ويقصد بالبيت ان وسطها ضامر مافيه شي يرد الحزام
على كذا يسمح لابو زيد ما لا يسمح لغيره طبعاً هذا ابوزيد الهلالي من قده
تزوجها ابو زيد


وكان معروف عن بني هلال انهم اهل طرب ورقص وفلة حجاج بس مافيه شي يدوم لانه جاهم اسبوع امطار الليل والنهار تصب عليهم ما قدروا يرقصون ولا ياخذون حريتهم من المطر قال لهم واحد( ويقال انها عجوز في اغلب الروايات ) اذا تبون المطر يوقف اسلخوا لكم بقره وهي حيه ويوقف المطر طبعاً هم ماصدقوا خبر سوو اللي قالته العجوز وفعلاً وقف المطر والوقفه الواقفه اخذوا ثمان سنين ما جاهم ولا قطره ولا هب عليهم الهبوب
ومن المواقف اللي صارت بسبب الجفاف ان ابو زيد كان هو وواحد اسمه عزيز ابن خاله رايحين يسقون ابلهم ونزل عزيز في البير يملا الدلو لخاله ابو زيد ( وكان يقال ان عزيز ولد ابو زيد من اخته وهذه المقوله لها قصه معروفه ولذلك سمي ولد خاله ولكن لسنا في سياق ذكرها في هذه القصه وكان ابو زيد لا يعترف به) نزل عزيز في البير مع نزوله قرصته حيه و (ون) منها وسمعه ابو زيد وقال له:




سمعت منك يا فتى الجود ونه .... عساك منها يا فتى الجود سالم



قال عزيز :




انـا سالـم منهـا ولانـي بسالـم ........والراس ما تطوى عليـه الغمايـم
أنا سالم لو ما ازرق الناب عضني......ضربنـي بنابـه واتقـا فالرقايـم
وانا خايف يا خـال هـذي منيتـي ........ومن رافقك يا خال مـا رد سالـم
وحلفت أنا يا خال لروي ركايبـك .....واخلي الماء من على الحوض عايم



قال ابو زيد





يا وليّد قم خم الرشا واحتزم به ........خل اظهرك عن بير فيه الصمايم



ملا عزيز الدلو وطلعه خاله من البير ويوم شاف ابو زيد ان الموت جا عزيز( ون) ابو زيد ويوم سمعه عزيز قال




يا خال خل الـدوح والنـوح خلـه .......واعمل بقبري يا عطيب الضرايـب
خل القبر في راس عيطـاً طويلـه...........وسيفي ورمحي حطهن لي نصايب
أغـدي بنـات الهلاليـه يجنـنـيي ............جذ على قبري بـروس الذوايـب
وداعتـك يـا خـال ورعٍ صغيـرٍ ..........يلعب مع الصبيـان وابـوه غايـب
احذرك انا يا خال عن ضربه العصا ........أو نهـرةٍ تـودع قليبـه حطايـب
وقولوا لبنت امي تغطى وتستحـي .......ليا جولها الخطاب فـوق النجايـب
وقولوا لبنت العـم ترحـل لاهلهـا ........حرم عليها اليوم شـوف الحبايـب

(بنت العم يقصد بها زوجته) مات عزيز ودفنه ابو زيد مثل ما وصاه وصب الدلو اللي طلعه عزير على قبره وقال ابو زيد فيه





دفقت على قبر الهلالـي قربتـه .....وخليتها تسق الرياض المجـادب
وحطيت على قبر الهلالي جوخته......وخليتها تـذرا عليهـا الهبايـب
وحطيت على قبر الهلالي فتخته.......في ما قع يشوفها كـل صاحـب
وعقلت على قبر الهلالي بكرتـه........وخليتها تعتب حـوالا النصايـب


أستمر الجفاف ثمان سنوات وبني هلال يشدون من مكان وينزلون في مكان يدورون الماء ويحفرون حتى في روس الجبال وكل مكان يشدون منه يدفنون فيه من موتاهم من العطش ولهم اثار كثيره في نجد والجنوب ومازالت ابارهم موجوده في كثير من مناطق المملكه وهذا من اكبر الادله على انه كان لهم وجود حقيقي وان القصص والكلام عنهم ليس من الاساطير ولكن استغلت شخصياتهم في كثيرمن القصص



ومن ما قيل بسبب الجفاف ما قاله الامير حسن بن سرحان:





ثمان سنين ما هوا نجـد قطـره .......ولا زلزل الرعد الرزين وزار
ولاهبت الغرى ولاهبة الصبـا ........ولا طار من اشعاف البكار غبار
حفرت فالبيـدا ثمانيـن قامـه .........ودورت انا الجم الغزير وغـار
يانجد وان طاح الحيا فازعجيلنا .......وشبي لنا براس المقوزي نـار
لك الله صبيان النشاما تغيـروا.......بنابٍ ضحوكٍ يعجـب الخطـار



بعد ثمان سنوات من الجفاف ضاعت الحيله عليهم ما فيه أي شئ لرعي حلالهم ولا فيه أي شي يشربون منه قال الامير حسن لابو زيد نبيك تروح تعس ديار تونس وتجيب الاخبار منها لانهم سمعوا ان فيها خير وان ارضها مليئه الخضره والعشب وتشوف فيها حيا والا لا. وكان اختياره لانه يعرف ان ابو زيد اقدر الناس على السفر لتونس وكان السفر لها يستغرق ثلاثه اشهر حسب ما ذكر في قصائد ابو زيد وان شاء الله اذكره في الاجزاء الجايه لاني ما ابي اذكرها مقسمه ولا جاء موقفها اللي قال فيه القصيده

بعد محاولات واقناع وافق ابو زيد انه يروح بس اشترط انه يرسل معه عيال الامير حسن وهم يحيى ومرعي ويونس

اولا لانهم فرسان وثاني لانه يبي يشوف اذا الموضوع مهم عند الامير ولا يهم بمخاطرت ابو زيد فهو بيوافق يضحي بعياله ويخاطر بهم لان الطلب ماهو هين

وافق الامير على شرط ابوزيد وجهز عياله من كل شي يحتاجونه
وكان طريقهم مع الحره في الحجاز وذلك مذكور في قصييده ابوزيد
يقول فيها

سرنا مع الحرات تسعين ليله ,,, نقود الطوعات خلف الجهايم


توجه ابو زيد وعيال الامير لتونس وفي طريقهم مروا على عامر الخفاجي في العراق واللي ايدهم ووعدهم انه يوقف معهم اذا احتاجوه اوا احتاجوا منه شي وتوجهوا من عنده باتجاه تونس واللي كانت فيها قبله بني قابس


وصلوا لتونس وكان حاكمها يقال له خليفه الزناتي


اكرمهم الزناتي احسن اكرام مع انه ما كان مرتاح لهم لانه كان حالم له حلم مخوفه وشايفٍ فيه ان جايهم سحابه من الشرق وتمطر عيهم شوك



ويوم وصل ابو زيد واللي معه لديار بني قابس وعرف انهم جايين من ديار الشرق قال في نفسه أكيد ان لهم علاقه بحلمي وان شي بيصير لي منهم وقال ليه انا ما احبسهم لين اتحقق من صحة كلامهم وبعدين اقرر اطلق صراحهم

وامر بحبسهم والتحقيق معهم


سألوهم من اين انتم جايين ووين رايحين قالوا حنا من ديار عامر وراجعين من الحج ومر بنا الطريق على دياركم

بس الكلام ما كان مقنع ابد ولافيه شي من الصحه

ما صدقوهم وامروا بحبسهم

وبعد مده امر بنقلهم من السجن لقبوا في قصر الزناتي

لانه ما كان متطمن لهم ابد ومازال يحس ان لهم علاقه بالحلم

الزناتي كان له بنت واسمها سعدى وتلقب بالصفيرا وكانت كاهنه تخط على الرمل وتكهن

ومن ما شافته بالخط على الارض انهم بيغزون وبيجيهم ناس يذبحون ابوها وان اللي بيقتل ابوها واحد اسمه ذياب


جتهم سعدى وسالتهم وقالوا لها نفس الكلام انهم حجاج


ضحكت عليهم وقالت يالكذابين معي علمكم انكم ابو زيد ويحيى ومرعي ويونس عيال الامير حسن بن سرحان ما قدروا ينكرون واعترفوا لها
ويوم شافوا ان ما لهم مجال اعترفوا لها علها تساعدهم
وطلبوا منها انها تساعدهم وقالت اساعدكم بس بشرط انكم إذا غزيتوا علينا فيه واحد اسمه ذياب ( ولد اخت ابو زيد) بيذبح ابوي إذا عاهدتوني انكم تزوجونيه اساعدكم قالوا ان ولد اخت ابو زيد صغير ولهوب فارس ولاعمره شارك في حرب لانه وقتها كان عمره صغير على خوض الحروب وما كان له أي فعل وكان ابوه خواف وسيرد قصيده قايلتها ام ذياب في ولدها تنصحه لا يسمع كلام ابوه وتامره انه يعصي ابوه ويروح للحرب قالت صاحب الاسم ذا بيدبح ابوي وتزوجونيه سواء كان ولد اخت ابو زيد او غيره

وافقوا على شرطها وقالت انا بروح لبوي وبقول انك عبد ( تقصد ابو زيد لانه كان اصلع من لبس الدروع واسود من الشمس ) وبقول لابوي ان سجن العبد عيب اترك الاحرار الثلاثه في السجن وفك العبد واكدت لهم انها بتساعدهم وعاهدتهم على ان ابو زيد ليطلع باي طريقه

وقالت لابو زيد اني اذا قدرت اطلعك لا تقول لاحد انك ابو زيد ثم ما يفكك ونبهتته من حيل ابوها وانه ما راح يفكه كذا لانها عارفه ان ابوه ما تطمن لهم ابد واذا اكتشفوا انك ما انت عبد انك برجع للسجن ويمكن اتورط معك
راحت لابوها وقالت له يفك العبد وحاولت انها تقنعه انه عبد وبعد محاولات اقنعته انه يفكه ويراقبه ويتاكد انه عبد


وافق المسكين ما عرف حيلة بنته عليه

بس ما وافق بفكه كذا لكنه امر اشجع فرسان بني قابس ويقال له العلام وقاله انه يراقب كل تحركاته لانه ناوي يسوي له حيله وامره انه اذا اكتشف ان العبد ما طلع عبد يقطع راسه على طول

ويوم راحت تفكه نبهتته وقالت له عن حيلة ابوها وانه مراقب


وكانت حيلة الزناتي انه قال حطوا العبد ( يقصد ابوزيد ) عند القدور وخلوه يطبخ وانت راقبه يالعلام وخلوا الخيل تعرض من قدامه والفرسان يلعبون ان شفت العبد طنش القدور وراح اهتمامه مع الخيل اعرف انه فارس واقطع راسه على طول ولا تناقشه


عرضت الخيل قدام ابو زيد ويوم شاف الخيل والفرسان نسي نفسه وانطنخ معها فارس وشاف الخيل والفرسان ولا له في شغلة القدور


وش صار بين العلام وابو زيد في الجزء الثاني















التوقيع





قال أبوبكر الصديق - رضي الله عنه -
( الموت أهون مما بعده، و أشدّ مما قبله )

اضغط على الصورة لرؤيتها بالحجم الطبيعي


حسبي الله ونعم الوكيل

كتبت وقد أيقنت يوم كتابتي .. بأن يدي تفنى ويبقى كتابها
فإن كتبت خيراً ستجزى بمثله .. وإن كتبت شرا عليها حسابها
رد مع اقتباس
غير مقروء 06-Jan-2010, 03:53 PM رقم المشاركة : 2
معلومات العضو
مشاري الحبردي
ذيـب الـهـيـلا

الصورة الرمزية مشاري الحبردي

التميز 
إحصائية العضو






التوقيت


مشاري الحبردي غير متواجد حالياً

افتراضي

لاهنت على ذكرها















رد مع اقتباس
غير مقروء 09-Jan-2010, 09:19 AM رقم المشاركة : 3
معلومات العضو
السلمي العدناني
عضو فضي
إحصائية العضو





التوقيت


السلمي العدناني غير متواجد حالياً

افتراضي

تسلم أخوي وهذه هي الرواية الحقيقة لتغريبة بني هلال وبني سليم وقصة أبو زيد الهلالي وليس القصص المصرية والشامية الموجودة في الاسواق

مقتطفات مما أسمعه من الاباء والاجداد

تقول علياء لأبو زيد

أهيلي وراء الضلعان ضلعان بيشة ==== وأهيلك مغيب الشمس يوم تغيب




وأبو زيد له قصة هوه وذياب بن غانم الزعبي السلمي

حينما أراد ذياب ان يتزوج وحده وكانت من منسب ماهو بالحيل فقال ينصحه

أبوها يا ذياب وخالها ==== عيدان خروع غنع الماء رقابها

فقال ذياب

لن زان منها مشرب الماء وعينها === باقي المعاني ما حسبنا حسابها

فتزوجها ذياب وجاب منها عمير وبشير ومزيد

ثم قتل ذياب أبو زيد وبعد عمر طويل وذياب شايب جاء ولد أبو زيد ليقتل ذياب وكان ذياب قد شك ان هناك ولد لأبو زيد حيث ان ذياب قتل اولاد أبو زيد بعد مقتل ابيهم وجاء إلى حريم أبو زيد وكان أبو زيد عنده حرمتين وكلهن ببطونهن حمل فجابت واحدة ولد وواحدة بنت وحينما جاء لوحده منهم قالت جبت بنت وأرسلت البنت لبنت عمها الثانية وقالت دسي الولد ووريه البنت وبعد ما كبر الولد كانت أخته تدربه على الخيل فشك ذياب وأرسل بنته بهذه البيت وقال قوليه لبنت أبو زيد وهو

الا ياديونن للسراحين عندنا === طال الزمن ماجانا لها طلاب

فردت عليها بنت أبو زيد وقالت موعدكم شريق الشمس

فجاء ولد أبو زيد على الخيل فقال ذياب تكفا يا بشير فقال بشير يابردت عظامك من بشير فقال تكفى يامزيد فقال ليتها تطلع بمزيد فقال تكفا ياعمير فقال ليت عمير يشفع لروحه ( وهذه الجملة صارت مثل بعد ذلك عند العرب يقال ليت عمير يشفع لروحه ) فقتل ذياب وأبناءه وتذكر ذياب نصيحة أبو زيد له


المعذرة لعدم ترتيب القصة وصياغتها لعدم توفر الوقت الكافي















رد مع اقتباس
غير مقروء 11-Jan-2010, 09:59 PM رقم المشاركة : 4
معلومات العضو
خويي الطنايا
عضو
إحصائية العضو





التوقيت


خويي الطنايا غير متواجد حالياً

افتراضي

لاهنت ياولد عساف















رد مع اقتباس
غير مقروء 27-Jul-2012, 05:41 AM رقم المشاركة : 5
معلومات العضو
صامل العصيمي

رابطة محبي الهيلا


الصورة الرمزية صامل العصيمي

إحصائية العضو






التوقيت


صامل العصيمي غير متواجد حالياً

افتراضي

حقيقة ممتعة جداً















رد مع اقتباس
غير مقروء 27-Jul-2012, 08:09 AM رقم المشاركة : 6
معلومات العضو
أحمد المالكي
عضو ذهبي
إحصائية العضو






التوقيت


أحمد المالكي غير متواجد حالياً

إرسال رسالة عبر مراسل MSN إلى أحمد المالكي
افتراضي

ديار بني هلال الاصل هي نجد ومنها تنقلوا في البلدان
بني هلال قبيلة عجيبة
شكرا لك على هذه المشاركة















رد مع اقتباس
غير مقروء 27-Jul-2012, 09:04 AM رقم المشاركة : 7
معلومات العضو
سعد حميد الثبيتي
شــــاعـر

إحصائية العضو






التوقيت


سعد حميد الثبيتي غير متواجد حالياً

افتراضي

امتعتنا بيض الله وجهك لك تقديري















رد مع اقتباس
غير مقروء 27-Jul-2012, 06:23 PM رقم المشاركة : 8
معلومات العضو
ابومحمد القوادي
عضو ماسي
إحصائية العضو






التوقيت


ابومحمد القوادي غير متواجد حالياً

افتراضي

رحم الله بني عامر بن صعصعه

تفرقو بالعالم

راحو بني عقيل للعراق وبقا بعضهم من ربيعه بن عقيل وعامر بن عقيل وعمرو ( خفاجة ) بن عقيل

وبقايا ربيعه بن عقيل هم ال محمد والوزران والملوح من بالزكور بسبيع الغلباء

وبقايا عامر بن عقيل هم بني عامر سبيع والجبور

وبقايا خفاجه هم بعض المجامعه وبعض العوائل برنيه وبيشه

فانظر الى زمان ماذا يفعل

وراحو بني هلال جماعة ابوزيد الهلالي لكن بقا الكثير

مثل الروبه من رويبه بن عبدالله بن هلال بن عامر بن صععصه


والصمله والعرينات والرياحات والرحمان والجمالين والقرامده وغيرهم

وراحو بني كلاب الشام ومابقا غير بني ابي بكر بن كلاب

مثل السهول والفراعنه والمجامعه والمراغين والمفالحه والمشاعبه والصنادله

وراحو بني كعب ومابقا غير سبيع الاساس وبني كعب الامارات والبقية تفرقو


وبني قشير منهم بقو وحالفو شهران ومنهم النبطه بسبيع

وراحو بني نمير ومابقا غير النمران وبقية خارج بالعراق والشام

فسبحان الله بالقرن الخامس وقبله كانو بني عامر بن صعصعه مستولين على نجد

ولكن الاغلبيه هاجرت وبقية تحالفت معا قبائل ولم يظل غير سبيع والسهول















رد مع اقتباس
غير مقروء 28-Jul-2012, 05:53 AM رقم المشاركة : 9
معلومات العضو
العتيبي السعدي الهوازني
عضو ذهبي
إحصائية العضو





التوقيت


العتيبي السعدي الهوازني غير متواجد حالياً

افتراضي

اقتباس:
المشاركة الأصلية كتبت بواسطة ابومحمد القوادي مشاهدة المشاركة
رحم الله بني عامر بن صعصعه

تفرقو بالعالم

راحو بني عقيل للعراق وبقا بعضهم من ربيعه بن عقيل وعامر بن عقيل وعمرو ( خفاجة ) بن عقيل

وبقايا ربيعه بن عقيل هم ال محمد والوزران والملوح من بالزكور بسبيع الغلباء

وبقايا عامر بن عقيل هم بني عامر سبيع والجبور

وبقايا خفاجه هم بعض المجامعه وبعض العوائل برنيه وبيشه

فانظر الى زمان ماذا يفعل

وراحو بني هلال جماعة ابوزيد الهلالي لكن بقا الكثير

مثل الروبه من رويبه بن عبدالله بن هلال بن عامر بن صععصه


والصمله والعرينات والرياحات والرحمان والجمالين والقرامده وغيرهم

وراحو بني كلاب الشام ومابقا غير بني ابي بكر بن كلاب

مثل السهول والفراعنه والمجامعه والمراغين والمفالحه والمشاعبه والصنادله

وراحو بني كعب ومابقا غير سبيع الاساس وبني كعب الامارات والبقية تفرقو


وبني قشير منهم بقو وحالفو شهران ومنهم النبطه بسبيع

وراحو بني نمير ومابقا غير النمران وبقية خارج بالعراق والشام

فسبحان الله بالقرن الخامس وقبله كانو بني عامر بن صعصعه مستولين على نجد

ولكن الاغلبيه هاجرت وبقية تحالفت معا قبائل ولم يظل غير سبيع والسهول

كلامك صحيح 100% وكذلك بخصوص تفرق هذه القبائل العامريه والهوازنية فلو بقيت قبائل عامر بن صعصعه وهوازن بشكل عام في ديارها ولم تهاجر لربما كنا نحن هوازن حكام الجزيرة او العرب الى الان لكن هذه قدرة قادر سبحانه وتعالى .

وهذي قصيدة شاعر هوازن عبد الرحمن العطاوي العتيبي السعدي الهوازني تفجرة من قلبه ذكريات الماضي عما حصل لقبيلة هوازن العدنانية من شتات وترحال داخل وخارج الجزيرة العربية وتفكك بطونها التي كانت متماسكه في الماضي البعيد وهي القبيلة التي ينحدر منها اصله وساسه العريق وما كان منه إلا أن يعبر عما في صدره بادءا في توضيح ديارها وبطونها في وقتنا الحاضر رابطا الفروع بالاصل وذلك في قصيدته الموسومة التي سماها
(ملحمة هوازن الجغرافية)


من يذاري للرياح الذاريات ....والرياح مبشرات وملحقات
ساقن المزن الثقيل من المحيط ....وأسبلن ثجاجهن المعصرات
الى تها من يودقهن هود ليل ...حن مثلي للقوافي في الغدات
واقبلن الطايعات من البحور ...يوم لين الندا صغت الوصات
يا منازل جوابي مني سؤال ...وين هم حصنوك من الغزات
من بقى في نجد من رحل ...من تحضرا في تهامه والسرات
من نزح منهم شمال ومن عبر ... يم تونس في ملافي ورزازات
عن ( هوازن ) خبريني يا ديار ... وين راحوا يالجبال الراسيات
قالت :أنت من أنت يا سايل واجيب ...قلت :شاعرهم ها أجيبي يا حلات
قالت: اللي غربوا بني ( هلال ) ...واشملوا منكم ( عقيل ) الى أيلات
وشف (غزيه ) في العراق وساعده ... ألف عام وهم على شط الفرات
و(العوازم ) كل من جده عطا ... في الكويت منزحين للعدات
وعن ( بني خالد ) تبي تسأل وأجيب ... من عنك ( خالد ) الى حمص وحمات
وأستمع ردي عن الغلبا ( سبيع ) ... هم هل العارض حميدين الصفات
وهم هل الوديان في الخرمه شيوخ ... وفي المحيط الهم فروع ثابتات
و( باهله ) في نجد مقرين الضيوف ... نازلينه في حدود المشرفات
ومن تهامه من ورا وادي طفيل ... الى شعيب الشمس وكميث ومرات
وراح شمال الى بريده والعيون ...ضاحي الاسياح ( لعتيبه ) ثبات
وشرق للزلفي ديار آلاد ( روق ) ...ثبت وسكاكا ويقعا ثابتات
ولو ( هوازن ) تجتمع يوم ٍ جميع ... مثل يوم حنين والا واردات
شيخها مافيه تشكيك وريب ... هو وريث دريد راعي المعجزات
شيخها نسل المحصن من قديم ... شيخ كل الحاظره هم والبدات
شملهم لبن ( ربيعان ) الجميع ... مل تغير لبت ترضي مزعلات
قلت :يا دار العرب توي رضيت... والله القادر على لم الشتات
وفي شمال افريقيا رحت أستبين...وأنشد الحاضر عن اللي ماضيات
وكل شيخ وكل شاعر له عنيت ... قلت :أبي تحقيق عما قبل فات
ومن سألته وين هم بني ( هلال )...قال :نحن وما سوانا جاليات
رحت موريتان والصحرا مشيت ... ورحت فالمغرب شمال الى صطات
ورحت للاطلس الى تطوان شرق ...والجزاير كلها مقلب حصات
وفي مدن تونس وصحراها مشيت ...والهلالي صرت أعفه بتهلات
وصرت أحب أفريقيا حب الفخور ...حيث فيها من ( هوازن ) وارثات
ثم أنصبت الشام وأدلجت المسير ...جعل تسقي هناك الارض المرزمات
وفي فلسطين العرب منا تجوع ...من ( عقيل ) ومن ( عتيبة ) قاطنات
جيت في عمان وأندبت الرسول ...يم غزه وأحضروا منهم ثقات
ثم عقدنا عشر مرات أجتماع ... كل يوم ألنا بناس ٍ مقابلات
أسفرت عما بحثنا باليقين ...وفي حماة وحمص زود محاورات
( أسعبه ) في الشام بطن من سبيع ... و ( الموالي ) و (الحديدي )هلالات
ورحت للباشات أدور للعلوم ... وعند عبدالله بحمص الشك مات
ونعم يا عبدالله أعني بن دهيش ... باشة يفني الغنم والمردمات
بيت خالد في الشمال مع القضاة ...القضات ونعم يا شيوخ القضات

عموما قصيدة العطاوي بها بعض الاخطاء حول نسبة بعض الفخوذ والعشائر والاشخاص الى فروع هوازنية ليست منها .

تحياتي لك يالقوادي الهوازني















رد مع اقتباس
غير مقروء 28-Jul-2012, 05:56 AM رقم المشاركة : 10
معلومات العضو
العتيبي السعدي الهوازني
عضو ذهبي
إحصائية العضو





التوقيت


العتيبي السعدي الهوازني غير متواجد حالياً

افتراضي

اقتباس:
المشاركة الأصلية كتبت بواسطة أحمد المالكي مشاهدة المشاركة
ديار بني هلال الاصل هي نجد ومنها تنقلوا في البلدان
بني هلال قبيلة عجيبة
شكرا لك على هذه المشاركة

عن عجيبه كلامك صحيح ولا يختلف به احد
لكن ان ديارهم الاصليه نجد لا يا اخي العزيز فديار هوازن جميعها في الحجاز والطائف وماحولها واعني بذلك الدار الاصل بل دار جميع العرب العدنانيين هو الحجاز
اما عرب قحطان فاليمن

تحياتي لك العتيبي السعدي الهوازني المضري العدناني















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »02:13 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي