رديه..قرن الغزال اللي على ريشة اغراب

[فهد العجمي]

القصر لــــــو له الف والفين من باب
......................................خسران راع القصـــر ياصار خايب
البيت يرفـــــــــع عالي بشد الاطناب
......................................ويبقى رفيـــع ٍ ما تهــــــــزّه هبايب
انا صغير وتو طالـــــــــــــع بي الناب
......................................واشوف راسي صايرن راس شايب
الجو صافي والقمـــــــــــر مابعد غاب
......................................واشـــــوف اذان الذيب كنّه نصايب
غربال غـــــــربلني وانا تـــوني شاب
......................................الســـــــــ ـمّ الازرق بالمعاليق ذايب
من شافني ينظـــــــر بنظراته اعجاب
......................................ويقول مبســــــوط ٍ من الذنب تايب
وجـــــدي كما وجد الذي ماله اقراب
......................................ولا حدٍ على وجــده سأل من سبايب
يالشمــــــــريّه بنت صقر ٍ بمـــــرقاب
..................................... يابنت ابـــــو خوذه عريب الصلايب
اسمك علم ينقش على الكـف بخضاب
......................................اللي سنين بباطـــــــــن الكف رايب
نصيحتك تاج ٍ ويوخــــــــذ له حساب
......................................هاتي مــــن بيوت النصايح عجايب



بقلم : بندر الشمري

************ردي عليه****************

يامرحبا حييت يانزه الأشانب
========= = اعداد مايومي الشجر بالهبايب
واعداد ماينزل من الغيم سكاب
========== على الجزيرة عد وبل السحايب
يابندر الضرغام يالصقر ياعقاب
========== نطاح فـي فعلك صعاب النوايب
الشمري لو مابعد شق له ناب
========== يرسي بفعله في كبار المصايب
ان كان تشكي من جميلٍ ونهاب
========== وقـلبك على المزيون ولّع لهايب
قبلك انا احب شيخٍ وجذاب
========== كـريـم شـهـم وعـز كـل القرايب
اسهر طوال الليل والقلب منصاب
========== عـلـى بن شـيخٍ للجزيلات جايب
حبه جرى بالدم ولاغيره احباب
========== حـتـى على قـبـري تغز النصايب
لكن نصيحه لك يازاك الأنساب
========== خـلّك حريصٍ بأخـتيـار الحبايب
ابعد عن الهفوات وعن شجرة الداب
========== واـبعد ـعن بيوت الرداء والخرايب
عليك ببنت الشيخ حلال الأنشاب
========== يـجي ولـدها ذيـب ماهو بهايب
وانا معك بالمال ومالذ اوطاب
========== ابـشـر وانا بنت الشيوخ النجايب

***********************

ودمتم

مها الجرباء (ام نواف)

__________________


مجاااراتي معهم

اقووول

وصرم هوا بالي على كل مطراب
طرا على بالي برد الكتايب

الليل مجهم في لياليه محراب
عاوي بها ذيب(ن) بفوق الشخايب

من عويته وده على تم الانصاب
من حيث ما يعلم بحاضر وغايب

لاني على ماقيل قاطع ومغتاب
انا على وصل الرسالات نايب

قرن الغزال اللي على ريشة غراب
قناصها صايب ولا هو بصايب

تنحت قرونه في محاسين وعتاب
تبغي بها ربح(ن) ولاهي كسايب

التجربه ما تلغي العلم وعراب
يلي تحوف العلم مثل اللهايب

نعم(ن) بكم قوم(ن) عريبين الانساب
يشهد على ماقول جاهل وشايب

نصيحتي لا تطرق الباب بسباب
ترا المجاهر مالها غير عايب

الناس مجموعه بطالب وطلاب
وانته على نيتك هايم وطايب


وسلااااااااامتكم وسامحونا على القصور

ومنكم نفيد ونستفيد

فهد العجمي

[عايض جزاء العصيمي]

سالم وغانم

صح لسانك

[فهد العجمي]

صح بدنك لاهنتت

[وصل الشهيب]

ياسلام

صوت جميل للشاعر بندر الشمري

صدى جميل للشاعره مها الجربا

ومجاراه جميله للشاعر لفهد العجمي


صحة الألسن

تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

[فهد العجمي]

اخجلتم تواااضعي

لاهنتو وصح بدنكم

[أبو عقاب الشلوي]

ونعم بالعجمان و صح لسانك

[راشد النفيعي]

صح السانك ابيض وجه

[فهد العجمي]

الله لا يهينك