مقعد الدهينه ... (يوتيوب + نص )

[سعد المسـعودي]

مع التحية والتقدير للأعزاء : أدباء وأصحاب الفكر والمثقفون ..
بهذا الموقع الشامخ ..
السلام عليكم ورحمة الله وبركاته
وكل عــــام وأنتم بألف خير
أتشرف بإن أضع أمام أبصاركم .. وعلى مسامعكم .. أولى مشاركاتي المتواضعة مقارنة بجزالتكم
كأهداء لقلوبكم الطهر ... وهما عبارة عن نص متواضع ...
كل ماأمله إن يلقيان ولـو للقليل من الإستحسان ....




نص متواضع بل أقل متواضع .. هذا وعندما نعلم جيداً بمكانة الإنسان وتاريخه.. والذي
كتب به هذا النص ....
كيف .. لــا ..
وهو أحد الرموز بقبيلة عتيبه ..
كفارس .. ثم شيخة شداد .. ومن ثم أمير لقبيلة المساعيد من النفعة من عتيبة العريقه
.. مقعد الدهينه .. رحمه الله ..
أملاً إن يجد ولو للقليل من الأستحسان .,..














......

..








()





()








()



()































صورة المرحوم بإذن الله : مقعد الدهينه

يالله يامجري هبوب النســـــانيس = وجــــــلاي نوره لاتخايط عتيمه
عــلام ماتخفي الصدور المقـاويس = محيي الغصون اليابسـات الهشيمه
الشـــعرمغزى والفكروالهـواجيس = تأرد وتروى للعقــــــــــول الفهيمه
وأنا دليـلي مبعـــــــدين المراميس = في عصرنا ولاّ العــــصور القديمه
أشعلت من فكري لشعري فوانيس = القــدح قــدحي والنـــــــــوايا مقيمه
سباح وأسبح في بحـــور ٍ بلاقيس = وأســـمع لشور أهل العقول الحكيمه
أفك باب المغـــــــلقات المحابيس = بالعـــــــدل ترضى ماتـجي بالظليمه
تطيع داعيها وجتني كـــــراديس = بالغـصب ماأغصبها ولاأقبل هزيمه
اللي بناء بيته على سـاس ماسيس = ماله على التاريخ ماضي وســــــيمه
من لايمجد له فعـــــول ونواميس = أمه عســـــــــــــاها في زمنها عقيمه
ومن لايعرب منســـــبه للقرانيس = أجـــــــمال ورده من ظماها محيمه
أسم الدهينه هيبة ٍ تســــبق الكيس = لاجــــــــــاء نهار ملاويات الشكيمه
في ساعة الأرياق تنشف ويبيس = وعنها يتحــــــادى من يذب الخريمه
يبديلها مقعد زبون المعابيس = لاطوحن له لابسات اللثيمه
يضحك حجاجه ماأنكفت به مفاليس = يارد حياض الموت للروح شيمه
وكم شيخ قوم ٍ لحقه رووس فريس = يسبق نذير السيف سطوة جحيمه
من هيبته فرق جموع ٍ مراويس = مخلي ظهور الخيل وشداد ريمه
دوس الخطر دربه وللرجل ماديس = وناب الدهر وحنوك بقعاء وليمه
لاكبرت القاله يفك المغاليس = وكن الفعايل من فعوله يتيمه
عون الضرير اللي عليه المضاريس = دارت وظامه فالليالي غريمه
رأس ٍ تعلاّ الرووس فالوقت ماريس= سيل ٍ قفاه من أحمر الدم ديمه
يشيب من فعله غرير ٍ على الديس = كل الخلايق من وصوفه عديمه
شبه الجزيره ماوفت بالقواميس = وعن فعله التاريخ يصبح نديمه
لو الشجاعه منهج ٍ وله تدريس = كل المناهج مالها أيات قيمه
عن حكمته لو كدس العرف تكديس = همش عقول ٍ في زمنها حليمه
ولا مات مقعد باقي(ن) للمجاليس = سلطان ذكره هيبة(ن) له لجيمه
النار موعدها حراق المحاميس = واللي على الساقه حرار ٍ هميمه
تاج الفخر ماحولوبه على السيس = وعنهم كديش الخيل تلقى صتيمه
استغفر الله لويمين المغاميس = قلت اليماني من سخاها ثليمه
حلم الليالي صحوته للكوابيس = اللي دوافعها تعوّد وخيمه
ومن يستعن بالله ويعوذ أبليس = يرجع لوقته وش مصادر زعيمه ؟
يالله بنو ٍ لاتركز مكاديس = قام يتهادى من رفيفه رزيمه
كن القنابل فالمثاني مقابيس =والنور كفه من دماسه ظليمه
وقام يتداحم مدلهم المداميس = وأرخاء سبوله في مسامع حتيمه
يسكب هميله من عيون النواعيس =و ينحب رعدها ويتوالا هشيمه
على قبر مقعد تعل المتاريس = وتنثر مقاديمه ويركد نسيمه
يأخذ تراديده ويأخذ مراويس = وإن بكرالوسمي يعله وسيمه
يقر ماه وروضة القبر مانيس = والغصن ماساق اليباس لصريمه
ماأحصيت فعله بركن دونه العيس = يبعد مداه ولالحقنا عظيمه
قول الحقيقه فالوجيه المباليس = عن عرفها صدت وجيه الحشيمه
والحق واضح مايجي فيه تهجيس = وشيطانها أخرس من سكت له غنيمه

أخوكم : سعد المسعودي







الحرالأشقر

التوقيع

آخر تعديل سعد المسـعودي يوم 05-Sep-2011 في 05:20 AM.

[عبدالله الـعتيبي]

صح لسآنك أخوي وبيض الله وجهك

[مشاري الحبردي]

يستاهلون الشيخ ( الدهينة ) من روس ربعي ....

وصح لسانك يالمسعودي

[سعد المسـعودي]

المشاركة الأصلية كتبت بواسطة عبدالله الـعتيبي

صح لسآنك أخوي وبيض الله وجهك

الإستاذ القدير : عبدالله العتيبي
تشرفت .. بمرورك المشرف
ووجهك أبيض وأناأخوك ..
فصح بدنك ولاهان رأسك ..


أخوك : الحرالأشقر

[عزارم]

الله يرحم الامير مقعد الدهانه ويسكنه الجنه والله ونعم رحل وفعله خالد وذكره باقي الله يرحمه
ونعم في ربعه المساعيد وكفو و كفو تستاهلون المدح وبكم يفخر التاريخ
سعد المسعودي صح لسااانك ياطيب ونعم بك وبالنفعه كافه أهل تاريخ مشرف ويرفع الراس

[محمد الذيابـــي]

صح لسانك يالحر الأشقر


ومقعد الدهينه يستاهل المدح وعلم من أعلام قبيلة عتيبه

التوقيع

التوقيع محمد الذيابـــي

[عناد الشيباني]

صح الساآآنك يابو يزيد


وكفو الممدوح بلا شك ..


لاهنت

[سعد بن مطلق المقاطي]

صح لساااااانك وافيه وفي وافي

لك تقديري

التوقيع

ديــــــــــــــــواني

[محمد بن غازي]

صح لسانك يالحر الأشقر ...

المرحوم الفارس والعقيد/ مقعد الدهينه يستاهل ..

ننتظر أبداعك الغير مستغرب وحياك الله في محلك ...

[ܓܨ عبدالله البرقاويܓܨ]

صح لسانك واعتلا شاااانك
قصيده جزله ويستاهل الممدوح بلاشك
ننتظر جديدك