ديوان الشاعر الكبير رشيد الزلامي العتيبي

[ابن نجد]

رشيد الزلامي العتيبي شاعر كبير كبير لاتجد احد لايعرفه ، يصيغ الكلمات كما يريد ، شعره يعرفه الجميع بل ويحفظونه ، وانا بأذن الله تعالى سوف اجمع قصائده بهذا الديوان كلما وجدتها ، وهنا اطلب ممن لديه قصائد لهذا الشاعر الكبير ان يدرجها في هذه الصفحه ولايبخل علينا بذلك ، وسوف اورد لكم هاتين القصيدتين ولي رجعه كلما وجدت الجديد ، كما اني اطلب من المشرفين تثبت هذه الصفحه ليشاهدها الجميع.


قصيدة : أليا جهلت انشد

أليا جهلت انشد ترى مابها عيب
لا تنخدع للجهل وأنت السبايـب

عيب الفتى مافية شك ولاريــب
ترك الفروض وقطع وصل القرايب

والعيب ترك ملازمات المواجيب
وتبع الردى ومجالسة كل خايب

فالتجربة برهان مافية تكذيــب
واليا جهلت انشد من القوم شايب

ولا قول يوجد شايب يعلم الغيب
الغيب يعلم به مدير الهبايــب

لاشك يوجد شايب له تجاريــب
ومن الدهر شاف الفكر والعجايب

بيض النواصي جبهته كلها شيب
من كثر ما مرت علية المصايب

قد صارع الدنيا على الخبث والطيب
فالغوص وإلا فوق روس النجايـب



قصيدة : دنيا العنا

قالـوا تعلمـت قلـت عنـاد وفـراسـه
أصارع النفس والدنيـا واصارعــهـا

ودرست في مدرسة من شيّبـت راسـه
دنيا العنا اللـي قضيفـاتٍ مطامعـهـا

تلميذهـا دايــمٍ تكـتـب بقرطـاسـه
وتعطيـه جملـة دروسٍ مايضيّعــهـا

والله عطانـا نظـر وقلـوب حسـاسـه
ناخذ علوم المعرفـه مـن مراجعــهـا

ونسايـر الوقـت ونقيـسـه بمقيـاسـه
ونوجـه النفـس بالواقـع ونقـنعـهـا

وترى حيات الفتـى مهمـا قـوا باسـه
محفوفـةٍ بالخطـر والمـوت تابعـهـا

من مبتدا العمـر حتـى يلفـظ انفاسـه
يمـر فـي مرحلـه تكثـر زوابعـهـا

أول حيـات الفتـى مشـوار واعساسـه
مسافةٍ فـي عجـاج العمـر يقطعـهـا

وثاني حيات الفتـى تدريـب ودراسـه
تصعب ظروف الحياه وينشغل معـهـا

وثالث حياة الفتى يرجـع علـى ساسـه
النقطـه اللـي بـدا منهـا يراجعـهـا

يرجع لسـن الهـرم ويضيّـع الطاسـه
ويزحف مع الأرض ويخطــط شوارعها

وليـا تلاقـت متونـه وارتخـى راسـه
ضاعت جميع العلــوم اللـي مجمّعهـا


كما اهديكم المزيد من قصائد شاعرنا الكبير بصوته :

هبت وشبت
http://www.eqla3.com/sh3r/voice/rsh01.ram

ألا يالله
http://www.eqla3.com/sh3r/voice/rsh02.ram

انا اعرف خبر
http://www.eqla3.com/sh3r/voice/rsh03.ram

الله من صبر
http://www.eqla3.com/sh3r/voice/rsh04.ram

ألا ياناشد
http://www.eqla3.com/sh3r/voice/rsh05.ram

سلام يادار الوفا
http://www.eqla3.com/sh3r/voice/rsh06.ram

بديت القيل
http://www.eqla3.com/sh3r/voice/rsh07.ram

بديت من باب
http://www.eqla3.com/sh3r/voice/rsh08.ram

سلام يا سلمان
http://www.eqla3.com/sh3r/voice/rsh09.ram

يا الله تأمرنا
http://www.eqla3.com/sh3r/voice/rsh10.ram

انتم بدار
http://www.eqla3.com/sh3r/voice/rsh11.ram

وشكرا والمزيد قادم لشاعرنا الكبير
-------------------------------------------------------------------------------------
زماننا غير زمانهم وحتى نتذكر الاولين
اخوكم ابن نجد

[الشايب]

مشكوووور يابن نجد على الموضوع الرائع

رشيد الزلامي شاعر نظم ومحاوره كبير والكبير الله

وثالث حياة الفتى يرجـع علـى ساسـه
النقطـه اللـي بـدا منهـا يراجعـهـا

يرجع لسـن الهـرم ويضيّـع الطاسـه
ويزحف مع الأرض ويخطــط شوارعها

بس تراني نشيط لهالحين

[ابو وعيل]

مجهود جبار لحديث عن شاعر كبير وله سمعه كبيرة


بيض الله وجهك ياابن نجد موضوع في قمة الروعة .



تحياتي

ابو وعيل الرويس

[صعب المنال]

حييت يابن نجد على هالاطروحة الرائعة لشاعر تقف الحروف امامه مكلومة

وخيك
جميل بثينة

[ابن نجد]

الشكر الجزيل للاخوان

الشايب
ابو وعيل
جميل بثينه


ونرجو التثبيت حتى يستطيع من يجد لشاعرنا الكبير قصائد اخرى اظافتها ويستطيع رؤية المشاركة باعلى الصفحه.


اخوكم
ابن نجد

[ابن نجد]

نستأذن اخونا العضو / عتيبي نت ، في ايراد القصيدة التالية التي اوردها في قسم قصه وقصيدة الى ديوان رشيد الزلامي :

وقد قالها بعد مشاحنه مع احد زملائة بالجيش في حرب مصر عندما كانوا هنالك والحكاية حسب ماسمعت ان احد زملائه شاف في درج سيارته صوره للملك فقاله : الصورة هذي وش تبيبها شايلها معك ، مما ادى برشيد الزلامي ليقول هذه القصيدة الرائعه:


الله من قلب به النار تشــــتب
هبت اوشبت وأستمـــــرت شبوبه

قلب غدى للهم مارد اومشرب
وماضاع من هم العرب راح صــوبه

هم على ربع وهم على غـب
باليوم والساعه همومه تلوبـــــه

واللـه من عين تصب العبر صـب
صب القليب اللى تدارج غروبــه

ياعبيد أنا ماني بضب ولد ضب
يصبر لما يسمع وينفخ ذروبــه

أنـا عتــيـبي عـريب معـــرب
لي ماقف كل الجميع أشهدوبه

من سب داري قلت له كب ثم كب
وارخصت روحي دون داري جلوبه

لوأتعب بـــسبابها وتـــعذب
صبرت من شان الوطن للعقوبــــه

والسجن مهوب عيب شي مجرب
يعلم المســـجون ماهــي ذنوبه

يلومني خبــل اليا ماتــــغرب
ينسى الوطن خسرو هـله يوم جوبه

فوده مع الظفران صفر مكعب
غطــيس قلب لذت النوب دوبـــه

وأنا على كل الجنوب أتقلـب
ماذقت حلو النوم يوم أهتنوبه

واقنب قنيب الذيب في راس مرقب
من حر مابه قام ينهش اجنوبه

يهيظني الغربي عصير اليا هب
ريح الديار الطاهره مع هبوبه

ريحة هواها مكسب ياوي مكسب
أخــير من ريح البحر والرطوبه

عسا السحاب اللي مع العصر نصب
دلت هماليله اوهبــت انصوبه

يسقي وطن راع العقال المقصب
نجد العزيزه اوغرب نجد اوجنوبه

ياديرتي ماتقبل الشتم والسب
يا منبع الأ سلام دار العـروبه

يفوز مذهبها على كل مــذهب
وعلى مقلبت المذاهب عقوبه

تحكم بشرع الله والسيف الأرقب
ولا شق فيها طالب الحق ثوبه

وشكرا لك اخي عتيبي نت
اخوك ابـــ نــجـــد ــــــــن

[ولد روق]

ابن نجــــــــد ..
جزيل الشكر لك اخي الفاضل ..
على هذه المقدمه لشاعرنا الرائع (ابو جميل )..
وعلى هذه القصائد الجميله التي اثريتنا بها..
رشيد الزلامي شاعر له بصمه في الشعر ..
وله تاريخ وباع طويل في عالم الشعر ..

[حنيف المطيري]

بار ك الله فيك

[حنيف المطيري]

السلام عليكم ورحمة الله وبركاته

هذي عدت قصايد لشاعر الكبير والحكيم رشيد الزلامي احببت ان انقلها لكم

في احدى الصحف شخص يسأل عن الزلامي وعن قصة حياته ووصل العلم لرشيد الزلامي ورد عليها الزلامي

يقول


ياسائلاً تسأل ترى الصوت مسموع
وما نشر بالصفحـه قريتـه بذاتـي
سويت لي مشروع من غير مشروع
والزمتنـي بالـرد دون شهـواتـي
اكيد عندك يا فتى الجـود موضـوع
والا مسوي بـك زمانـك سواتـي
مسقيك من علقات الايـام قرطـوع
وتسمع صراعي فيـه ومغامراتـي
فان كان هذا الامر بالشكل والنـوع
خـل الامـر لمكـون الكاينـاتـي
ساير زمانك كان لك قلب وضلـوع
وارج الفـرج بايامـك المقبلاتـي
وان كان ما طاعتك خلك لها طـوع
ما انته بضاربهـا برمـح الزناتـي
اما سوالـك مـا جوابـه بممنـوع
ولو للحيـاه اسرارهـا الخافياتـي
اجاوبك لو ما معي منـك منفـوع
تحب تعرف كيـف قصـة حياتـي
حياة ذيباً عايـش الفقـر والجـوع
ليلـه يبـات وليلـة مـا يبـاتـي
اعيش عيشة ذيب والراس مرفـوع
وان قلّ مالي عـزّ نفسـي غناتـي



((وهذي ابيات من قصيده ثانيه))


وقت(ن) يخلي صاحي الفكـر يحتـار
ويشوف من هول الدهـر مايروعـه
تلقى الفقير وفزعتـه خمسـة انفـار
وتلقى الغني كـل الجماعـه فزوعـه
ياعاشق الدنيـا تـرى مالهـا جـار
كما واحد(ن) في حبها طـار شوعـه
اليوم تضحـك لـه وتعطيـه الانـذار
وبكـره تلحويهـا محانـي ضلوعـه
خلك علـى صكـات الايـام صبـار
ويوم(ن) يفوتـك لاتمنـى رجوعـه
اقفى على مافيه من خيـر واشـرار
نجم(ن) هوى مايندرى عـن طلوعـه
وماهي على كيفـك تمنـى وتختـار
ابعد على المخلوق من حـب كوعـه
يخبرك من ذاق المتاعـب والامـرار
وحـاول ولاجالـه زمانـه بطوعـه
ومرت به الدنيا على بعـض الاقطـار
في رحلة(ن) ماغيرت مـن طبوعـه
والله ماواطن عيشـة الـذل والعـار
مادام لـي شيمـه ونفـس قنوعـه
وقرش(ن) عزيز افضل من الفين دينار
من مصدر(ن) للذل يعلـن خضوعـه
ولو الوساده من صلافيـح الاحجـار
للراس اخير من التـرف والميوعـه



(((وهذي قصيده كامله)))


قالـوا تعلمـت قلـت عنادوفراسـه
أعانـد النفـس والدنياواصارعـهـا
ودرست في مدرسـة شيبـت راسـه
دنيا العنا اللـي قصيفـات مطامعهـا
تلميذهـا دايـم تكتـب بقرطـاسـه
وتعطيـه يمنـة دروس مايضيعـهـا
والله عطانا نظـر وشعـور حساسـه
ناخذ علوم المعرفه مـن مراجعهـا.
ونساير الوقـت ونقيسـه بمقياسـه
ونواجه النفـس بالواقـع ونقنعهـا.
وترى حياة الفتي مهما قـوى باسـه
محفوفة بالخطـر والمـوت تابعهـا.
من مبتدأ العمر حتى يلفـظ انفاسـه
يمر فـي مرحلـة تكثـر زوابعهـا.
أول حياة الفتـى مشـوار وعساسـه
مسافة في عجـاج العمـر يقطعهـا.
وثاني حياة الفتـى تدريـب ودراسـه
تصعب ظروف الحياة وينشغل معهـا.
وثالث حياة الفتى يرجع على ساسـه
النقطـه اللـي بـدأ منهـا يراجعهـا
يرجع لسن الهرم ويضيـع الطاسـه
ويزحف مع الأرض ويخطط شوارعها.
واليا تلاقت متونـه وارتخـى راسـه
ضاعت جميع العلوم اللـي جمعهـا.


وتقبلو تحياااااااتي

[أبـــــــــوقـــــــــاسم]

صــــــــــــــــــــــح لــــســــــــــــانــــــــــــــــــــك،،،،،،،،، ،،

وووووووووووتسلم للشعر و الشعراء يارشيد الزلامي,,,,,,

أقولها و أنا أفتخر بأن مدارس الشعر بجميع فروعها,,,,,,

تملكها عتيبه الهيلا,,,,, وأيضا تملكها عتيبه,,,,,,,وعتيبه؟؟؟

من غير قصور في باقي الشعراء ولكن الحق يقال،،،،،،،

وووووووتسلم ياولد نجد،،،،،نقلك حلو و مبدع دآآآآآآآآآئما،،،،