ديوان الشاعر العملاق / رشيد الزلامي

[خلف بن مرزوق]

السلام عليكم ورحمة الله وبركاته

يسرني ان اضع بين يديكم مااستطعت ان اجمعه

من قصائد الحكمة والوطن والغربه

لشاعر النظم والرد منهل الحكمة وهامور الشعراء

الشاعر العملاق / رشيد بن زيد الزلامي

تلبية لرغبات اغلب الاعضاء ومحاولة مني في الوفاء لهذا الرمز


القصائد كتابةً

((حنا سعودييـن ))

كان الزلامي في دولةالكويت في اواخر السبعينات ميلادي
فأستفزه احد الاشخاص بقصيده عندما رأى الزلامي يقرأ في مجلة وعليها صورة خادم الحرمين الشريفين
قال مستنكرا على الزلامي :

حنا بدار دلهت صدر من ضاق=بــلغ سـلامـي لـلزلامـي وقـله
ياعابد الصوره على بيض الاوراق= دارك عــرفـناها وعــلتك عـله
وان كان حبه محرق قلبك احراق =شــد الـرحال ودرب عــمك تدله

فرد عليه الزلامي بردود اشتهر كثيرا فقال :

انتم بدار دلهت صدر من ضاق=وانا اتخيل صورته مخلص له
ما تعرفونه يا رديين الاعماق=هذا الفهد ذخر الفهد في محلــه
اللي اذا جفت ويبسن الارياق=انته وانا ومعزبك تحت ضله
والله احبه حب مخلص ومشتاق=.واحب حتى صورته في المجله
واهل الحسد ماهم على باب الارزاق= رزقي على اللي كون الكون كله
حنا سعودييـن يا طاق طربـاق=احرارماعشنا بعــيشة مـذ له
رجالنا لوهوعلى مكسر الساق=حب الكرامه والوفاء عادة له

الله من صبر(ن)

الله من صبرن صبرته ولافاد=والصبر مر اليا تعدى الحدودي
يوم اتذكر ديرتي دار الاجواد=اهل الشرف ومعربين الجدودي
ذكرتها بعد الرمايس والابعاد= وبدلتها بارض ن عليها محدودي
واطول هجري بين عياد وعناد=ول ياعساها عشرتن ماتعودي
لاقلت صلوا زادوا الكفر بعناد=وانا ليا صليت قالوا سعودي
وانا اعترف بالحق مانيب جحاد=وموقعن بالعشر مبغى شهودي
انا سعودين على روس الاشهاد=والي الشرف ياباردين الخدودي
هذي وطنا من على عصرالاجداد=مهبط وحي مادنسوها اليهودي
ارض العرب وارض الديانه والارشاد=وام العرب من يوم عاد وثمودي

هبت وشبت

الله من قلب به النار تشــــتب=هبت وضبت واســـتمرت شبوبه
قلبٍ غدى للهم ما رد ومشــرب=وما ضاع من هم العرب راح صويه
همٍ على ربع وهمٍ على شـــب=باليوم والســــاعه همومه تلويه
والله من عيرنٍ تصب العبر صب=صب القلـــيب اللي تدالج غروبه
يا عبيد انا ما نيب ضبٍ ولد ضب=يصبر لما يســـمع وينفخ ذرويه
انا عتـــــيبي عريبٍ معرب =لي ما قفٍ كل الجمــيع شهدو به
من سب داري قـلتله كب ثم كب=وارخصت روحي دون داري جلويه
لو أتعبن سبابها واتـــــعذب=صبرت من شان الوطن للــعقوبه
والسجن ما هو عيب شئ مجرب =لعلم المسجون ما هي ذنــــوبه
يلومني خبلٍ إلا ما تــــغرب=ينسى الوطن خسروا هله يوم جو به
فوده مع الضفران صفر مـكعب =غطـــــيس قلب لذة النوم دويه
وانا على كل الجنوب اتقلـــب=ما ذقت حلو النوم يوم اهــتنوا به
واقنب قنيب الذيب في راس مرقب=من حر ما به قام ينهش جـــنوبه
يحيني الغربي عـــصير إلاهب=ريح الديار الطاهره هـــــبوبه
ريحة هواها مكسبي يومنــكسب=اخير من ريح البحر والرطـــوبه
عسى السحاب اللي من العصر ينصب=دلت هما ليله وهبت انصــــويه
يصقى وطن راعي العقال المقصب=نجد العزيزه وغرب نجد وجــنوبه
ياديرتي ما تقبل الشتم والـــسب=يا منبع الإسلام دار الــــعروبه
يفوز مذهبها على كل مذهـــب=وعلى مقلبت المذاهب عــــقوبه
يحكم بشرع الله والـسيف الأرقب=ولا شق فيها طالب الحق الثوبه

يانجد حبّك هو شرابي وزادي

يانجد حبك هو شرابي وزادي=شين بقلبي كونه خالق الكون
لاعدت البلدان هذي بلادي=اقولها من كل قلبي وممنون
متمكن ن حب الوطن من فوادي=وحب الوطن سنه على مايقولون
من طبق السنه له الله هادي= ومن خالف السنه منافق وملعون
يامنكر ن دارك عليك السوادي=يوم الكرام لحق الاوطان يوفون
هذي وطن صفوةجميع العبادي=وبعده وطن قومن على النهج يمشون
دار السعود منزحين الاعادي=اللي لها عرضن منزّه ومصيون
تلبس بهيبتهم ثيابن جدادي=غصباً على الحساد واللي يحسدون
دارن مضى فيها خيار المبادي=ودستورها القران عن كل قانون
دارن لصوت الحق فيها منادي=ومنها وفيها قبله اللي يصلون
وعندي هواها ريح مسك وزبادي=وجبالها عندي بساتين وعيون

عندما سؤل شاعرنا في لقاء مع صحيفه الجزيره عن اقوى ابيات
ذكر الابيات التاليه من قصيده موجهة للامير/ سلمان بن عبد العزيز

بالحلم دكتورٍ وبالعزم فولاذ=موج البحور العايمه ما يطمك
ومن يلتجي لحماك يرهي بالانقاذ=منفذٍ للمرجلة راس كمك
منته ينبع في صقاعقب رذراذ=هداج تيما اللي غزير مجمك
والله يا سلمان ماجيت شحاذ=لكن مما حسني جيت يمك
أعرفك من روس الرياجيل الافذاذ=الطيب يظهر في تحاليل دمك

.[/color][/align]

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn

[خلف بن مرزوق]

قصيدة شريتلي جيب

الله على اللي شوحتـه تقطـع الـدار=يوصل غريب الـدار ديـرة ربوعـه
أبيـه والله ميـر مغليـن الاسـعـار=والبنـك ماادلـه ولااعـرف فروعـه
وذي حالـة الدنيـا لهـا ادوار وادوار=يومـن تواصلنـا ويومـن قطـوعـه
وكـل البشـر فيهـم فقـارا وتجـار=ونفوس تتحمـل والاخـرى جزوعـه
وحتى بنـوك النقـد تعجـز وتنهـار=ماهوب انا عجزي بعـاد(ن) رموعـه
بس المهـم ودون توضيـح الاسـرار=وضعي ووضع الجيب شكلـه ونوعـه
شريت لي جيب(ن)عسى ابـوه للنـار=بانـت عذاريبـه مـن اول اسبوعـه
مزعج مع الصحراء ومزعج مع القار=ومـن يركبـه لازم يسكـر سموعـه
مثل الشبـح ماينقصـه غيـر طيـار=شكلـه وتصميمـه وممشـاه روعـه
من خف دمـه مابقـى فيـه مسمـار=ولايركبـون عيـال الانـذال نوعـه
مايركبـون الا سـفـاري وفكـسـار=آخر زمان(ن) جعـل بقعـا تصوعـه
خـلا رجـال المرجلـه مالهـم كـار=الذيـخ لـو يبكـي مسحنـا دموعـه
الذيـخ يشبـع فالفضايـل والاسـوار=والذيـب مايـدرى بفقـره وجوعـه
وقت(ن) يخلي صاحي الفكـر يحتـار=ويشوف من هـول الدهـر مايروعـه
تلقى الفقير وفزعتـه خمسـة انفـار=وتلقى الغني كـل الجماعـه فزوعـه
ياعاشـق الدنيـا تـرى مالهـا جـار=كما واحد(ن) في حبها طـار شوعـه
اليوم تضحـك لـه وتعطيـه الانـذار=وبكـره تلحويهـا محانـي ضلوعـه
خلك علـى صكـات الايـام صبـار=ويـوم(ن) يفوتـك لاتمنـى رجوعـه
اقفى على مافيه مـن خيـر واشـرار=نجم(ن) هوى مايندرى عـن طلوعـه
وماهي علـى كيفـك تمنـى وتختـار=ابعد على المخلوق مـن حـب كوعـه
يخبرك من ذاق المتاعـب والامـرار=وحـاول ولاجالـه زمانـه بطوعـه
ومرت به الدنيا على بعـض الاقطـار=في رحلة(ن) ماغيرت مـن طبوعـه
والله ماواطـن عيشـة الـذل والعـار=مـادام لـي شيمـه ونفـس قنوعـه
وقرش(ن) عزيز افضل من الفين دينار=من مصدر(ن) للذل يعلـن خضوعـه
ولو الوساده من صلافيـح الاحجـار=للراس اخير مـن التـرف والميوعـه

قصيدة وادي العقيق

البـارحـه يــوم الثـريـا تـويـق=ييـوم كـلٍ فـي لذيـذ الكـرى راق
وقفت ليـن الشـوف جالـه بريـق=مثل السراب اللي علـى البعـد لهـاق
أخيـل بـرق صـوب واد العقـيـق=يماشفت مثلـه يفضـح الليـل بـراق
عـسـاه يسـقـي دار ذاك الفـريـق=يلو رغبتي ما عـاد بـاقٍ لهـا بـاق
وذيـك الديـر مانـي عليهـا شفيـق=يتطيب منها النفس وتضيـق الاخـلاق
قزرت عمـري فـي بحرهـا غريـق=يمتحمـل ٍ كـل المتاعـب والارهـاق
لين انكشف وجـه العـدو والصديـق=يوالرفقه اللي حبلهـا رمـث ودقـاق
ولا كلفـت نفـسٍ بـمـا لا تطـيـق=تبينت لـي كنهـا شمـس الإشـراق
وانا ليـا شفـت الجفـا مـن رفيـق=يوصار الامل حبر ٍ على بيض الاوراق
قابلـت غلطـاتـه بـوجـهٍ طلـيـق=يونظرت له نظـرة محـب ٍ ومشتـاق
أعطيـه حتـى مـن منامـه يفـيـق=يلا كلمته سمّعت ولا خاطـرٍ ضـاق
حتـى يعـرف انـي رفيـقٍ حقيـق=وليا انحرف ماهو على بـاب الارزاق
يروح في دربـه وانـا فـي طريـق=يمن خلقت الدنيا بهـا جمـع وافـراق
علـي بيبـان الفـرج مـا تضـيـق=يأسوقهـا فـي كـل ديـره وتنسـاق
وابعد عـن اللـي رفقتـه مـا تليـق=يماني علـى جنبـه معلّـق بمعـلاق
ياكثر مالي فـي الديـر مـن صديـق=يلا بارت العملـه وشحّـن الاسـواق
صداقـةٍ تبـنـا بـسـاس ٍ وثـيـق=لا عقربٍ تلـدغ ولا مـوس حـلاق

اليا جهلت انشد

إليا جهلت انشد ترى مابهـا عيـب=لا تنخدع للجهـل وأنـت السبايـب
عيب الفتى مافيـة شـكٍ ولاريـب=ترك الفروض وقطع وصل القرايب
العيب تـرك ملزمـات المواجيـب=وتبع الردى ومجالسة كـل خايـب
فالتجربـة برهـان مافيـة تكذيـب=واليا جهلت انشد من القوم شايـب
ولا أقول يوجد شايب يعلم الغيـب=الغيب يعلـم بـه مديـر الهبايـب
لاشك يوجد شايـب لـه تجاريـب=كم لف بالدنيـا و شـاف العجايـب
قد صارع الدنيا على الخبث والطيب=فالغوص وإلا في ظهور النجايـب
بيض النواصي جبهته كلهـا شيـب=من كثر ما مرت عليـه المصايـب

يامعالج الجرح

يامعالج الجرح صبري واصل ماده = وعلاج قبل امس زاد الجرح ماسرّه
احرجتني في سؤال مااعرف ابعاده = والناس للناس محتاجه ومظـطرّه
اخفض جناحك ترى دنياك حداده = وترى سليمان قبلك خاطـب الذرّه
وجرحي ترى مايبي دكتور وعياده = يحتاج قلب رحيم ونــظرة حــــــره
وان كان جرحي بقى والطب مافاده = اعود وانصــحك ياقلبي مـية مرّه
لا عــاد تحلم بشي فـات مـيعاده = قد ايش تبكي وكبدك ليه مـحترّه
اصـبر على ماقـضاه الله وماراده = يكفيك فعل الزمن بمحمد الــدرّه
ويكفي من الوقت خمس عقود وزياده = ماعاد خلــت بكبدك قـطرة مـرّه
وان قلت انا في زمان فات لي عاده = دارت رحــاة الزمـن وجتك مفـترّه
ريح ضميرك وخل الوقت وجهاده = لعل خـير الزمــان يفـك مــن شـرّه
اما يقـــوم الجمل شقران بشداده = والا تـهب الهبوب وتقتل الجــرّه

ياموزع النعم

ياموزع النعم خل النعم لاصحابـه = ماينعطـي غيـر للـي يستحقونـه
النعم يعطـي لرجـل فاتـح بابـه = للضيف وليا بغـوه بحـال يلقونـه
اللي بوقت اللزوم يبيـن مضرابـه = سيـف تحـده لزومـه مايحدونـه
والا الردي لاتقول ونعم يضرابـه = يرهي على نعم وهوه قاصر دونـه
ليا قلت له نعم قـام يفتـل أشنابـه = يحسبك صادق مايدري نعم وشلونه
يطمع بشي يموت الخبـل ماجابـه = ثم قال انا جبت نعم اللي يقولونـه
بعض البشر يحلمون احلام كذابـه = ومن لاعرف قدر نفسه عد طبلونه
يجيك مسرع مايدري ويش يبلابـه = من قلة العرف مايمشي على هونه
اما على الاقربين اشتـال مشعابـه = والا بعرض المقفي سـل مسنونـه
تناول الغيبيـن وكثـروا احزابـه = اللي علـى قلـة الخيـره يدفونـه
واهل العقول سكتوا ماقالو الجابـه = لاينقصونـه بشـي ولايزيـدونـه
قالوا هذا فيـه عاهـة وابتلشنابـه = والا هـذا فيـه شـي مايعرفونـه
وخلوه يسرح ويمرح خاب من جابه = مانومس اللي من الصغر يترجونـه

يابايع الهيل

أستح على لحيتك يبايع الهيل=يامحلقٍ روس الزبائن حلاقه
حلاق ماتحلق يكود الرجاجيل=والا الردي مالك براسه علاقه
طيرت سعره يا أبيض الوجه بالحيل=وتقول حسب المعرفة و الصداقه
بلاك ماذقته ببيض الفناجيل=لاصلحه خطوى النشاما وذاقه
على سنا ناراً لياهود الليل=وتجمعوا عندك و جيه الرفاقه
سوالفٍ حلوه و مجلس رجاجيل=ماهي علوم اهل العلوم الدقاقه
في مربعٍ مسيول سيلٍ بعد سيل=تشهاه لو مالك مع البدو ناقه

[خلف بن مرزوق]

ياهن ابن هن

ياهـن ابـن هـن مــاوالله ارداك=ومااردى نصيب اللي يسوي سواتـك
ومااردى نصيب اللي من البعد ينصاك=يبا العشا ويشوف بعـض احركاتـك
تحلق الشـارب مـن الديـن يـاذاك=ودك تخـدع المومنيـن بصـلاتـك
لكـن وش تكسـب بدينـك ودنيـاك=لا صار ترك الواجبه مـن صفاتـك
لا صار ضيـف الله تلقيـه علبـاك=باقي علومـك خشهـا فـي عباتـك
الجـود مافقّـرك والبخـل مااغنـاك=ولا تحسب انك مت من موت شاتـك
الخاتمه مـن يـوم هـاذي سوايـاك=بالله لا تعـطـي عتـابـه بنـاتـك
تكثر بنا الرديـان مثلـك وشـرواك=وتـروح تشمتنـا الرجـال بشماتـك

قصة حياتي

البارحه والناس غافيـن وهجـوع=جتنـي هجوسـي ورداً سارياتـي
والليل طال وخط الارسال مقطـوع=ياليل ياطولك متـى الصبـح ياتـي
قزرت ساعاتك على ثومـة الكـوع=مالـي نديـم الا الثـلاث الخواتـي
صفر الدلال اللي بها الهيل مشموع=باشكـال وارناقـا معـه لايقاتـي
واصبحت من كثر الهواجيس مفجوع=وافكـار قلبـي شـرداً سارحاتـي
ياسائلاً تسأل ترى الصوت مسموع=وما نشر بالصفحـه قريتـه بذاتـي
سويت لي مشروع من غير مشروع=والزمتنـي بالـرد دون شهـواتـي
اكيد عندك يا فتى الجـود موضـوع=والا مسوي بـك زمانـك سواتـي
مسقيك من علقات الايـام قرطـوع=وتسمع صراعي فيـه ومغامراتـي
فان كان هذا الامر بالشكل والنـوع=خـل الامـر لمكـون الكاينـاتـي
ساير زمانك كان لك قلب وضلـوع=وارج الفـرج بايامـك المقبـلاتـي
وان كان ما طاعتك خلك لها طـوع=ما انته بضاربهـا برمـح الزناتـي
اما سوالـك مـا جوابـه بممنـوع=ولو للحيـاه اسرارهـا الخافياتـي
اجاوبك لو ما معـي منـك منفـوع=تحب تعرف كيـف قصـة حياتـي
حياة ذيباً عايـش الفقـر والجـوع=ليلـه يبـات وليلـة مـا يبـاتـي
اعيش عيشة ذيب والراس مرفـوع=وان قلّ مالي عـزّ نفسـي غناتـي

رحلة مع الايام

رحلة مع الايام صولة وجوله=نزعة شباب وكملت عمر مخلوق
بديتها وانا بسن الطفولة=واليوم رسم الشيبفالراس من فوق
حاولت احقق شي ماني بحوله=ولاشفت للدنيا حلاوة ولاذوق
ماهوبانا الليقلت كلن يقوله=كم عاقلن قلبه من الدهر محروق
ركض مع الدنيا وتعبت ذلوله=ومثلي على درب الخطر ساقها سوق
واليوم جالس والذلول معقوله=وايا انتبه غنى من الشعر طاروق

قالوا تعلمت

قالو تعلمت قلت عناد وفراسه =اجاهد النفس والدنيا واصارعها
ودرست في مدرسه من شيبت راسه =دنيا العنا للي قضيفات مطامعها
تلميذها دايم تكتب بقرطاسه=تعطيه جملة دروس مايضيعها
والله عطانا نظر وشعورحساسه=ناخذ علوم المعرفة من مراجعها
ونساير الوقت ونقيسه بمقايسه=ونواجه النفس بالواقع ونقنعها
وترى حياة الفتى مهما قوى باسه=محفوفه بالخطر والموت تابعها
من مبتدى العمرحتى يلفظ انفاسه =يمر في مرحله تكثر زوابعها
اول حياة الفتىمشوار وعساسه=مسافه في عجاج العمر يقطعها
وثاني حياة الفتى تدريب ودراسه=تصعب ظروف الحياه وينشغل معها
وثالث حياة الفتى يرجع على ساسه=النقطه اللي بدا منها يراجعها
ياصل لسن الهرم ويضيع الطاسه=ويزحف مع الارض ويخطط شوارعها
ولياتلاقت متونه وارتخى راسه=ضاعت جميع العلوم اللي يجمعها

ياغارس الشجره بيدك الكريمه=هذا دليل إخلاصكم سر واجهار
ماهي غريبه بك شهامه وشيمه=وأبوك قبلك قد غرس خير الاشجار
عبدالعزيز اللي فعوله عظيمه=اللي جلا عنا صدا الذل والعار
وجعل لنا مابين الأقطار قيمه=مكانتن نفخر بها بين الأقطار
لولاه ماذقنا الامان ونعيمه=رحنا شرايد للفتن مثل ماصار
ولولاه سوى الجهل فينا جريمه=ولولاه ضعنا بين ماكر وغدار
قبله نعاني من حياتن سقيمه=ونهيم بالصحرا على عشرة أنفار
ناهب ومنهوبن ونصر وهزيمه=ولا نسمع المذن على وقت الاسحار
ولانعرف اللي ناخذه من وسيمه=ألا إن شيمنا تمنع الضيف والجار
هذا حصل يوم السنين القديمه=يوم الجهل يلعبنا شتى الادوار
واليوم ياخيال شقرا وريمه=نزل شدادك وادع للوالد البار
أدعوا لبوتركي قوي العزيمه=عساه مايعرض على واهج النار
اللي رسمها خطتن مستقيمه=وساروا على نهجه بعيدين الانظار
آل السعود اهل النفوس الكريمه=هم درع نجد ونجد لهل الوفا دار
لاوالله اللي نجد ماهي عقيمه=يانجد ياديرة هل المجد والكار
دمتي لنا من كل شرن سليمه=في ضل أبوفيصل عزيزين واحرار
وعبدالله اللي له مواقف عظيمه=ولي عهد اللمملكه واف الاشبار

***

سلامي على الشيخه بعد كثرة الأختام=بعد كل واحد شال ختمه وزوزابه
شيوخ الربيع اللي بعد بدت الأنعام=وراع الغنم نزل صميله ومشعابه
وقال أتقدم واسبق الناس من قدام=أجيب الختم لو مامعي ماتعشابه
ترا الشيخ من جده يخلي الجموع أقسام=ليا شن غاراتن على القوم يدعابه
وترا الشيخ من جده ليا حضروا الأخصام=يفرّج لربعه يوم ماتطلع الجابه
وترا الشيخ من جاره من الوقت ماينضام=وترا الشيخ من يفتح لضيف العشا بابه
كريم ليا قالوا يجي فالرجال إكرام=حليمن ليا ماغثرب الدهر مشرابه
كفا مامضى في ماضي الوقت والأيام=زمانن شيوخ اليوم سلموا من أسبابه
تصارع به العالم ومن طاح به ماقام=ومن يذكر الجد العريب يتعزوابه
مضى وانتهى في عهد أبةنركي الضرغام=أسد الأسود محطم الشرك واحزابه
جمع شملها من باب جده ليا الدمام=وزار الحرم قبلة نبيه وصلاّبه
عسى الله يضللنا تحت راية الإسلام=وحكم السعود أنلوذبه وان تذرابه

****

طبايع الناس من يقدر يبدلها=واهني منهو من الدنيا برد همه
ماأكثرعلوم البشر لوجيت أحللها=أعقول متخالفه واجسام ملتمه
أشخاص تربط كرمها في مشاكلها=والخير موجود والمندي على الذمه
لاشفت بذلات بعض الناس يبذلها=ماهيب لله ولاتبذل على اليمه
إيورطه بالعزيمه لين ياكلها=وتنكب البشت واصبح سارحن يمه
قال أعطني موجز الأخبار وازهلها=صاحبك صاحب يصر العلم في كمه
مايدري إنه ضلم نفسه وحملها=وضرّب مسمار حامي ماطلع دمه
واعماله اللي يقدمها يحصلها=في يوم ماينفعه خاله ولاعمه

****

يامير يارمز الشرف والكرامه=يافزعة المضيوم في ساعة الضيق
يامن رقا بالمجد قمة سنامه=فواز زيزوم العيال الطاليق
من لابتن يثنون دون الجهامه=ويفرقون جموع الاضداد تفريق
دولة هل العوجا وروس الزعامه=جمال التخوت اللي تشيل المعاليق
يلجي لهم من شان وقته وضامه=ولحقه من الايام بعض الملاحيق
أشكي لكم جفنن جزا عن منامه=واشكي لكم همن لجا بالصناديق
واشكي لكم حالن تدانا حطامه=هيمن عليه الهم مافيه تبريق
على عشيرن تلني في غرامه=تل الحرار ألمبهمات المسابيق
أسهر عليه الليل داجي ضلامه=وابدع عليه معوشرات الطواريق
واليا طرا شوفه ولذة كلامه=سوالفن تسلب قلوب العشاشيق
بتلت قايمتن علي القيامه=والا إني أسبح في بحورن غواريق
مثل المريض اللي طويلن سقامه=يغمى عليه بسكرت الموت ويفيق
هذا سبب من تلني في غرامه=تل الحرار ألمبهمات المسابيق
لاياعيون اللي جفل من تهامه=يسمع لرعيان الجحادر نتاغيق
عين الغزال اللي بذيك العدامه=ماله حلي(ن)مع جميع المخاليق
ألا الغزال بنظرته واغتنامه=والعين عين اللي بروس الشواهيق
عين العديم اللي براسه شهامه=أشقر عريض الصدر زين المفاهيق
عليه من دم الحباري علامه=من د برقآ طقها العصر بلحيق
تبا السلامه مار مامن سلامه=عنها السلامه بعد عسفان لطويق
تلحفت جنحانها مع مقامه=وحول عليها بين صيحه وتصفيق
قد علموه العام طرد الحمامه=ولاشافها ألا يابس الحلق والريق
هذا ومن يلحق محبن ملامه=تجري به الدنيا على غير توفيق

القصائد بصوت الشاعر والقاءه الفريد

اعنف خبر (رثاء في الملك فيصل)

سلام يادار الوفاء

سلام ياسلمـــــــان

حنا سعوديين

من سب داري

ليا صليت قالوا سعودي

الشجرة ال سعود

يانجد حبّك هو شرابي وزادي

بديت القيل

يالله تامرنا

الا يالله

ربعي عتيبه

رحلة مع الايام

قالوا تعلمت

اتمنى ان لايكون هناك اخطاء والمعذر في القصور

مودتي

[ابن نميان]

بيض الله وجهك بيض الله وجهك بيض الله وجهك
بيض الله وجهك بيض الله وجهك
بيض الله وجهك بيض الله وجهك
بيض الله وجهك
بيض الله وجهك


بيض الله وجهك بيض الله وجهك بيض الله وجهك


ياخلف جهد كبير تشكر عليه


ورشيد شاعر غني عن التعريف

وصح لسانه على ها الدرر


دمت بود

التوقيع

’,’ ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’, [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

[أبو الوليد]

...

الشاعر المبدع : خلف بن مرزوق

يعطيك الف عافية

على نشر هذا الديوان الجميل الرائع

للشاعر الكبير المخضرم ( رشيد الزلامي ).

مجهود رائع وتشكر عليه.

تقبل التحية

التوقيع

https://twitter.com/abalwled عَظيمةٌ أنتِ يـا أرضَ الرسَـالاتِ = يا مهبطَ الوحي فِي خَتْـمِ النبـوَّات أنْتِ السُّعُوديَّةُ العَلْيَـاءُ فِـي شَمَـمٍ = تَعْلُو عَلَى كُلِّ مَنْ تَحْـتِ السَّمَـوَاتِ

[ابو براك]

بيض الله وجهك
وصح لسان الشاعر رشيد الزلامي

[ابو سديم]

بيض الله وجهك

ولاهنت يالغالي

وشاعرنا الكبير

يستاهل اكثر

عسى الله يحفظة ويخلية

[ليث غامد]

المعذره يا أخوان على دخولي هاذه الصفحة

لأنها تخص شعراء العتبان

لكن أحببت أن ألقي التحية من غامد واجنوب وكل 07 وأقول :-
سلام الله على عتيبه مني سلام
من ليث غامد ياعتيبه والجنوب
رافع راية الدين فوق بأعلام
وبريحة المسك والعنبر مطيوب

[سعود المغيري]

بيض الله وجهك..

[ليث غامد]

ياجماعة الخير والكرم ياعتيبه
من جيت ما شفت ترحيب غريبه منكم يا أهل الكرم والجود