الليالي مشاكلها عراض" طوالي........

[المزنكي]

الليالـي مشاكلهـا عـراض" طوالـي.... للنفوس الشقيه والنفـوس السعيـده
غاره من يمين وغاره مـن شمالـي ....توهمك بالهدوء وعاصفتهـا شديـده
ياوجودي علي الراحه وياوجد حالـي.... ليت مالـي مـع الشعـار ولانشيـده
هب ياهالزمان اللي غزانـي لحالـي..... كل يوم علي الهاتف يجيني قصيـده
ذي معاتب حبيب وذي مشاريه غالي .....وذي تحفض من السكر وهاذي تزيده
والعرب علمهم بي يوم صدري شمالي ....والليالي مقفت بـه لايمكـن تعيـده
روحت مع مهـب الريـح ياهملالـي....... ماحد جت له الدنيـا علـي مايريـده
والتجارب عطتنـا ميـزه الاحتمالـي....... ودرستنا مشاويـر الحيـاه المفيده
ان مابـه حيـاه الا وراهـا زوالـي......... والبنـادم بهالدنيـا شبوحـه بعيـده
مير ماهيب لامكسـب ولاراس مالـي..... كود من حط قوله والنعم في رصيـده
وطاب عند البعيد وطاب عند الموالي....... وله نصيب الاسد من الخصال الحميده
وان تثنت عزوم مشوربين العيالـي....... عزمه اقوي من ظروف الحياه العنيده
يرتكي بالمناكـب للحمـول الثقالـي ........والطفر في راسه المطنوخ والا وريده
خل فعل العمام وخل فعـل الخوالـي ........ندري انك ولدهـم والعلاقـه وطيـده
وندري ان فعلهم يستر بنات الحلالي......... حتي لو جدك اكحيلان وانته حفيـده
اما حث القدم واطلع علي راس عالي......... والا خلك كذا وان مت ما انت بفقيده


سلطان الهاجري

[عبدالرحمن الهيلوم]

صح السان شاعر الوزن الثقيل ولسانك يالغالي

[سلطان العصيمي]

صح لسان شاعرها
مشكووور على النقل الرائع

[عبدالله الجـــذع]

مدرسه شعريه

الشاعر سلطاان

صح لسانه ملايين ولاتكفي

الف شكر على هذه الدرُه

محبك

,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[الدعجاني 090]

صح لسانك و لسانه لاهنت

[عبد العزيز العضيــاني]

ياسلام


الله اكبر قصيده جزله