حبيب العازمي وعبدالحميد الفهمي

[ابن حبان]

اشكر لجميع الاخوان مرورهم وارائهم النقديه
الاخ السفراني اصبت كثيرا في تحليلك لهذا الطاروق الرائع ولكن جانبت الصواب قليلا عندما فسرت بيت حبيب اللذي يقول
(تسعين سياره تقابلني مع الخط السريع=واشكالها متخالفه وارقامها واحروفها)
بقولك انه يقصد بها الشعراء الذي يقابلهم وكثرتهم واختلاف انسابهم(ولكن من وجهة نظري ان المقصود في هذا هو كثرة العزايم والدعوات التي توجه لحبيب وذلك واضح في قوله(سياره)فهي مؤنث والشاعر مذكر (والخط السريع)هوخط الهاتف واشكالها متخالفه وارقامها وحروفها (اي مايوضع عليها من اسماء الداعين وارقامهم) وذلك عندما لامه الفهمي على عدم تلبية الكثير من الدعوات التي توجه له (يامل نفسا جافيه من زود مافي جوفها
والله اعلم

[سلطان البقمي]

انا اعكس مساركم تمام لو ماودي افسر اسرار الناس بس تحمست من


تحليلكم الخاطي ودفعتني الشفقه على الشعر وتحليله الخاطي

يقول

حبيب

سلام ياللي صفكم مع صفنا ناقف جميع ***يوم القبايل في مواقفها تصف صفوفها


الله يبارك للزبون المشتري واللي يبيع ***والله يبارك في اللزوم اللي تجي بظروفها


البيت الاول سلام باللي صفكم مع صفنا ياقف جميع (يقصد الصفين عتيبي+فهمي

يوم القبايل كل شاعر وربعه صفه يقصد




الله يبارك لزبون المشتري وللي يبيع (يقصد الشاعرين (لاحظ الشطر الثاني يقول( والله يبارك في اللزوم اللي تجي بظروفها ماهو الزوم؟؟؟ تجي بظروفها


ماهو الشي اللي يجي في ظرف رساله خطيه مثلاً؟ ج _ يقصد الدراهم في الضرف اللي تعطى الشاعر

رد الفهمي



يامرحبا والصف واحد والمواقف ماتضيع*** يامرحبا عند الرجال اللي تعز ضيوفها


الله يعين المستطيع ولا يبارك في المطيع ***الله ولا بعض النفوس اللي خفياً خوفها



لاحظ رد الفهمي في الشطر الاول من البيت الثاني يثبت كلامي يقصد المعزب(الله يعين المستطيع ولا يبارك في المطيع المعزب يعطي دراهم الله يعينه/ ولايبارك في المطيع الله ولا بعض النفوس اللي خفياً خوفها ...يعني لو ما الفلوس لم تاتي هنا لانك كنت خايف





حبيب العازمي


الله يبارك فيك ويقويك يالصدر الوسيع ***والناس لولا الجود ماشفت الشحم في كفوفها
عبدالحميد اللي يبا يلحق على نبت الربيع***مرت عليه سيول جده ماتقول يشوفها


البيت الاول يقوله (الله يبارك فيك ويقويك ياصدر الوسيع(يقصد الله يجعلك غني شكل الفهمي لم يحضر الحفل بمقابل شي) الناس لو الجود ماشفت الشحم بكفوفها (يعني لو الشعار ماياخذون لتجدهم فقراء


عبدالحميد اللي يبا يلحق على نبت الربيع(يقصد يلحق على الدراهم هو نبت يعني المال وكثرة المحاورات


مرت عليه سيول جده ماتقول يشوفها (كانت الحفلات ذهب كثيره فيها المال( ياخواني تفسير المطر او السيل حتى في الرؤئه( الحلم) هو المال)


على العموم


تعبت اشرح لاكن الموضوع في الشعر والدراهم فقط لاغير

آخر تعديل سلطان البقمي يوم 17-Mar-2011 في 08:48 AM.

[سلطان البقمي]

المشاركة الأصلية كتبت بواسطة ابو فايح

صحت السنة الشعراء


وبيض الله وجهك يا ابن جبان على التغطيه الرائعه


طاروق قرأته بتمعن ولكن لم اتوصل للمعنى بشكل كبير أحيانا أقول سياسي وأحيانا غير ذلك

ههههههههههههههههههههههههههههههههه



سياسي وش دخل السياسه كنت ابي اخذ معك طارووق الان مقدر اخاف تقول سياسي



يعطيك الف عافيه على الطرح

[المـرشدي]

صحت السنة الشعراء


وبيض الله وجهك يا ابن جبان على التغطيه الرائعه

[الرتوعي]

يا سليطين وانا اخووك المحاوره اشتهر جمهورها باختلاف التأويلات وهذي حلاتها

لا تقعد تمهزئ بتاويلات الناس قل هذا رائي والله اعلم