يا ربيع القلب في كل الفصول ....<<<<

[فهد الدعجاني]

أستطيع امنع لساني لا يقول // وأستطيع امنع عيوني لا ترى

وأستطيع امنع ايديني لا تنول // وأمنع اذني عن سواليف الكرى

لكن المشكل انا وشلون أحول // دون فكري لو خيالي به سرى

شارد أفكاري على رغمي تجول // كلما عنّ الهوى ولا طرى

كل نجم للخيال أصبح ذلول // بالفلك طواف لا ضاق الثرى

شاغلي يا راعي الطرف الخجول // باع حبك في خفوقي واشترى

يا ربيع القلب في كل الفصول // ورد حبك فاح عطره وازهرا

مرني طيفك على العادة عجول // عز طيفك مثلما عز الكرى

ما نفع تحذيري القلب الجفول // يرقد الخالي وعيني تسهرا


اخوكم فهد

[ابن عاصم]

تسلم يافهد

علي القصيده الجميله

الرائعه


التي وانا اقراها كأني قريتها من قبل

[فهد الدعجاني]

الله يسلمك والرائع مرورك العذب اخوي ابن عاصم الف شكر على ردك الحلو



اخوك======== فهد

[الصمصام]

فهد انا قريت كذا قصيده لك وهاذي اطيبهن وكلهن طيبات

صح لسانك وانا اخوك

وتقبل تحياتي

الصمصــــــــــــــام

[فهد الدعجاني]

صح لسانك اخوي الصمصام مشكور على المتابعة والتعقيب



اخوك========= فهد

[بركــــااااان]

السلام عليكم ..
اخوي فهدالدعجاني ..
صح السانك يابن مفلح قصيده تعبر عن مشاعر صادقه ..


يا ربيع القلب في كل الفصول // ورد حبك فاح عطره وازهرا

مرني طيفك على العادة عجول // عز طيفك مثلما عز الكرى

لاهنت ولا هان مغليك ..

تحياتي ,,
اخوك:
بركـــــــــــــــااااان ...عتيبه ..

[فهد الدعجاني]

ولا انت صح بدنك والف شكر على الرد والتعقيب الصادق




اخوك========== فهد