 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
|
|
أدوات الموضوع | انواع عرض الموضوع |
|
|
|
|
26-Sep-2008, 06:33 AM
|
رقم المشاركة : 1 | |||||
|
قصيدة الاسلمي(( في صباح ابن رشيد لعنزة وعتيبه))
قال الشاعر / هجهوج بن مكمّي المنصوري الاسلمي الشمري . الله يرحمه . حينما كان مع المهاد (محمد العبدالله الرشيد) العقيم . عندما طلع بغزواته على الشمال(عنزه) وخذا عنزه ( الصقور وقوم ابن هذال) و كانوا الدهامشه من عنزه اصدقاء لمحمد العبالله وشيخهم ابن مجلاد راكان و جنبهم لانه صديق ٍ له ولكنهم عرضوا له وقالوا الدهامشه ماتوخذ العنزيات و حلال عنزه و أرسل لهم ابن رشيد""لراكان"" وقال حنا جنبنا صديقنا ورحنا لعدونا واليوم وش بدا.....
وين راكان .... قالوا نايم قال اقعدوه الامير يبيه....... قالوا راكان ليا صار نيم ما يقعد قال انا اقعده وانا اخو نوره ..... وشر البيرق طليفيح وخذا عنزه والدهامشه و هرب ابن مجلاد و الدليل قول الشاعر .. راكان مايقعد ليا قيل غافي .... جنب توالي لابته كب الالزام ثم أخذ مطلق الأيداء .......... العام جيتوا بوقة ٍ بانجعافي .... و انا احمد الله يوم لي هب الاولام وقضى من عنزه وفاض على الظفير وقلط له دغيم ابن صويط العطف يسترحمه وخلص من الظفير واجنب لديار عتيبه... ويوم انكف وزانت له.....والشعاركلهم يتنون الرخصه من الامير وكانوا 40 شاعر وتكلم الامير وقال وش يقول الاديب ... فبدا ابن مكمي بهذه الابيات قائلاً : قال أبن منصورٍ من القيل و افـي ------------- يبدى بذكر الله عدد مشي الاقـدام من كوكب ٍ عيّا على الموح صافي ---------------- عد ٍ روي ٍ كل من جـاه ما حـام قلته و لاني من العواقيب أخافـي ----------------- قلته لمن تزهـاه الامثـال طمّـام حر ٍ ليـا منـه تنهـض و شافـي --------------- تأخذ عنه بقـع المخاميـر خـرّام ذيب العدا زبـن العيـاد المقافـي ---------------- يلفح بجنحان السعد كان هو حـام فضـّخ بكفـه سايقيـن العطافـي --------------- و أودع عزايمهم شتات ٍ من العـام ياما حلا و أن قالوا السبر شافـي ----------------- و ردّ العيون و قالوا الشـوف قـدام هاضوا على مثل الجراد الكتافـي --------------- قّبٍ يلاونّ المصاريـع صجـام خيل ٍ مشاويش ٍ وجيش ٍ ردافـي ---------------- عليه منضود الافرنجـي والاروام اليا حورفوا بقفوشهن كل شافـي ---------------- بايمان عطبيـن الذخاير بالارحـام ياما وقع بوجوههم مـن سنافـي ---------------- يفراه خفـاق الجناحيـن باسهـام من حاربه يشرب من المر صافي --------------- ويصبح عليه بكتمة ٍ عقب مانـام تشبع بها برق النسـور الهوافـي --------------- ولا ينجلي غبوه الى وقت الاظلام و أخوه أبو ماجد اليّـا قـال يافـي --------------- بالوذة ٍ ما ناشهـا الصفـر بلحـام ضار الضواري باللقاء ما يخافـي ---------------- بالهند من روس المناعيـر زمـام تلقى جواده عنـد تـال المقافـي ---------------- بساعة ٍ ولد الردي كـب الالـزام والا محمد كنـه الليـل ضافـي ------------------ صلصال نجـم ٍ للفراعيـن هـدام عقيد جمعات ٍ تـدوس الشعافـي --------------- يفطر على شيخ الجهامه إليا صـام محمد ليا قيل الشتاء بـه حفافـي -------------- تلقى الشحم فوق المواعيـن ردّام يذبح كبار الروس ما هـو مفافـي ---------------- يشبع طيوره مع نسوره إليـا قـام يامـا رعينـا بـه ديـار نظافـي -------------- ريم ٍ واهلهن عندنـا تقـل خـدام مصرانهم يلونّهـم مـن خلافـي ---------------- من خوف يفضاهم مع الصبح دمام راكان مايقعـد ليـا قيـل غافـي ------------------ جنب توالي لابته كـب الالـزام خليتوا الحلـه وبيـض ٍ عفافـي ---------------و راحن بكم عن يمة المال عـزام صاحوا عليك مزينيـن العسافـي -------------- اللي يعسفون المصاعيب بخـزام مع وجه شيخ ٍ تمتنيـه الضعافـي ---------------- نجم ٍ على كبد المعـادي ليـا زام قبلك دغيـم ٍ رازنـا ثـم عافـي ------------- و من راز مروين المغاليل مانـام جاب السلايل بس يبـي العوافـي -------------- يطلب بعينه بس مشروع الاسـلام يخاف من عادة بعيـد المشافـي ------------- إليا قيل بالحرّه فضخ يمـة الشـام يا مطلق الايداء ترا العمر يافـي --------------- و لا ينشمت في غيب غرات الايام العـام جيتـوا بوقـة ٍ بانجعافـي --------------- و انا احمد الله يوم لي هب الاولام جاك العقاب اللي يدور العلافـي -------------- يصيد مثلينك ليـا صـار معتـام و غدت و لا يشكم سوات الجيافي --------------- ما دف في كفّه على الحول مـا قـام مزن ٍ تردم شافي الغيب ضافـي ---------------- يمطر علـى العتبـان دّمٍ و سمّـام سيله غدى بالضيط يـم المهافـي --------------- و تقاسموا مال العتيبـي بالاسهـام عشبه على خشم ابرقيـه عيافـي ----------------- تلقى به الطير الحقب و الرخم حام برقه لميـع مزوغـات الشلافـي -------------- يتلّن شعشـاع ٍ للاضـداد طمـام وانا اذكر الله عدد رمل ٍ و سافـي --------------- و على النبي صلوا عدد جرد الاتهام |
|||||
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض الشجري