ابن شايق والعضيله من المقصود ( حبيب العازمي او الهاجري )

[ابو فايح]

محاوره جرت مؤخرا فالرياض بين ابن شايق وزيد العضيله

تحدثت مع احد الاخوان في معنى الطاروق



وقال ان المعنى سلطان الهاجري وقصيدته الاخيره عندما عد شعراء القلطه ولم يذكر ابن شايق من ضمنهم




ولكن خالفته وقلت ان المعنى مسابقة الامير سلطان وقناة المرقاب وحبيب العازمي




والان ننتظر ارائكم وتحليل بعض الرموز ومطابقتها مع المعنى الاول او الثاني


اسرائيل :
الهمج :
الطوب :
اريام :
مريم الغضبان :
ليش عنها تؤخر :
فاطمه :
فطيم :
عزيز :

ابن شايق

كم نبي نرضي الدنيا وكم زعلتنا =كم مدحنا نجامل كم سمعنا وسكتنا
مير نلفت عنايتكم ترانا التفتنا =كم ظلمنا مديح وكم مدحنا ظليمه

يابو متعب تعيش وربنا يشفيك يا سلطان = تعيش المملكه في ظل قائدها وحاكمها
ترا شعري خساره كان شعري ما نفع قحطان = بدون اهضم حقوق الناس يا قحطان واظلمها

زيد العضيله

لا تغلى ترا شر النفوس التغلي =يابن شايق تدرق لين تصبح مظلي
كل جرح(ن) يطيب وكل عقد (ن) يحلي =كم ظلمنا مديح وكم مدحنا ظليمه

ياعبدالله نهنيك بسلامة مبري الفقران = هذا سلطان مده يدهن اللحيه ويكرمها
وانا شعري خساره كان ما احمى ماقف المطران= ابه روؤس(ن) نسويها وابه روؤس(ن) نحجمها

ابن شايق

الضعافه مصيبه والمصيبه ندامه=والصداقه مع العدوان ذل ورخامه
والحرابه مع اسرائيل عز وكرامه =كم ظلمنا مديح وكم مدحنا ظليمه

ابي قاف(ن) مثل فعل الفديع وذيب ابن هدلان = عسى ارواح الثنين يعوضها ربي ويرحمها
خذوها القوم غدر ولا خذوها القوم شوف اعيان=ابا اصحح مفاهيم الهمج والطوب يفهمها

زيد العضيله

ان قلتها من سطر وان قلتها من حرافه =مانقول الك هاذي يالمؤلف ضعافه
والمواقف ثمينه والتواطئ ضعافه =كم ظلمنا مديح وكم مدحنا ظليمه

اخذت من الدهر عبره وشفت الزود والنقصان = ولا علا مكانات الرجال الا قدايمها
يقولون الرجال اللي يخلي ماقفه جبان= ليا منك قدرت الروؤس حلقها لاترحمها

ابن شايق

انا ماني بمثلك فالبلوتوث اهايط=انا شاعر لقاء ماني بشاعر وسائط
انا حاضر بحاضر ما اعترف بالغطايط =كم ظلمنا مديح وكم مدحنا ظليمه

تقول اريام اقول الله يرحم مريم الغضبان = ولو ماتت على دور السنه تنفخ براطمها
انا شعري ماهو ببضاعة(ن) تشرى من الدكان= واطلع رقم وارسلها واكلم رقم وازهمها

زيد العضيله

ما يفك الرهينه غير حامي الرهينه =ليش عنها تؤخر وانت راعي السفينه
وان رضيتوا مصيبه وان سكتوا غبينه =كم ظلمنا مديح وكم مدحنا ظليمه

يموت اللي يموت وكلها بسم الله الرحمن = احد فائز ببكرتها واحد ياخذ خواتمها
يا راعي النار شب النار لايكثر بها الدخان = ترا الجمره تحت جنح الرماده لا تسمسمها

ابن شايق

جدتك فاطمه وانا اشهد انك ولدها =ماخذن طبعها حتى حركات يدها
وجدك يضد ربعك والعداء ما ضهدها =كم ظلمنا مديح وكم مدحنا ظليمه

طحاطيح القبائل تنزل الميدان بالفرسان =وابه كف(ن ) يصافحها وابه راس(ن ) يصادمها
ياكم صيده شكت جرحي لاخوها طير ابن برمان = واخوها طير ابن برمان خادمها وخادمني

زيد العضيله

جدتي فاطمه وانته بناخي فطيم =ما تحرك ......... تحت العبايه تليم
ماربالله قول الجدتك يا غليم =كم ظلمنا مديح وكم مدحنا ظليمه

نبا نارد على هداج عدن يروي الضميان = ولا تصل الرجال شفوفها الا من عزايمها
الا يا طير يا طير السعد يا خافق الجنحان= ليا جتك الرساله من توالي الشيخ عممها

ابن شايق

فيه شاعر مميز والمزايا كثيره =اتحداك تلقاها معا شخص غيره
صوت زين ولحن معنى مقالب خطيره =كم ظلمنا مديح وكم مدحنا ظليمه

هو المبدع هو الشاعر هو الرسام والفنان =صحيح ان فاقد الحاجه يعذربها ويشتمها
ابا اضرب لك مثل والثور ما يصهل صهيل حصان = جواميس(ن) تزحر كل ما ضاقت مناسمها

زيد العضيله

كل من حصل الفيزه ياليته يفيز =المميز مميز والغبي ما تميز
ذاك معروف عانه جالس(ن ) مع عزيز =كم ظلمنا مديح وكم مدحنا ظليمه

انا ماودي افرق عباد الله بلا حقران = ولكن المراره ما عرفها غير مطعمها

التوقيع

عالم تويتر abofayeh@

[محمد ابن رووق]

كلامك صحيح المعنى عن حبيب





هو المبدع هـو الشاعـر هـو الرسـام والفنـان
صحيـح ان فاقـد الحاجـه يعذربهـا ويشتمـهـا


حبيب رسام وفنان تشكيلي


على العموم ابن شايق يبي الناس تعزمه ويبي يرجع شاعر قحطان لكن اخذها ابن ريفه

[صاهود]

لاجديد في معني ابن شايق

حبيب ومستور وقناة المرقاب

وعتاب علي العضيله فالعمل معهم وتشبيهه فالضعف حسب نظرت ابن شايق

وافتخار فالذات والمقدره الشعريه والمقالب

وهذا ان دل دل علي ان ابن شايق يعيش وحيد شعريا واعتقد انه سوف يعود للساحه عن قريب

[محمد ابن رووق]

ذاك معروف عانه جالس(ن ) مع عزيز



يمون العضيله ههههههه

[عاشق حسناء]

المعنى على الشيخي والهاجري


الهاجري كثرة قصايده في البلوتـوث ومااظنه على حبيب ولامستور

[ابوتيجان]

هدف ابن شايق هو الشاعر سلطان الهاجري ومعناه واضح جداً
وكما اشار الاخوان ان ما اثار حفيظة بن شايق هو مراسلة الشيخي للهاجري ورد الهاجري عليه وعدم ذكر اسم بن شايق من ضمن فحول شعراء المحاورة ولو كان اللعب مع فلاح القرقاح لكانت المحاورة اقوى ولكن اختيار ابن شايق لزيد العضيلة وطرح القضية عليه لم يكن صائب لان زيد العضيلة لان يتمادى ويتدخل في الموضوع

ماجعلني استنتج ان المعنى على الهاجري هي

1- قول ابن شايق:

ترا شعري خساره كان شعري ما نفع (قحطان)=بدون اهضم حقوق الناس يا قحطان واظلمها

تخصيص ابن شايق قحطان في بيته دليل على ان الهدف في قحطان


2- قول بن شايق في الموال:

انا ماني بمثلـك فالبلوتـوث اهايـط
انا شاعر لقاء ماني بشاعـر وسائـط

الهاجري كثير من قصائده انتشرت في البلوتوث وهنا توضيح اكثر للمقصود


3- يقول بن شايق:

تقول (اريام ) اقول الله يرحم (مريـم الغضبـان) =ولو ماتت على دور السنـه تنفـخ براطمهـا

في قصيدة الهاجري التي رد بها على الشيخي ذكر ( اريام ) وهنا يقول ابن شايق ( تقول اريام ) لان الهاجري قالها ثم ثناها بن شايق وقال ( اقول الله يرحم مريم الغضبان ) هنا يشبه ضخامة الهاجري بالغضبان.


4- يقول بن شايق

انا شعري ماهو ببضاعة(ن) تشرى من الدكان=واطلع رقم وارسلها واكلـم رقـم وازهمهـا

يقال ان الهاجري قد باع بعض قصائده وهنا ابن شايق يجدد هذه المقولة وانه لايبيع شعره مثل الهاجري

[ابو ســاره]

الوكاد لو يجي ابن شايق والعضيله كان سمعتوا تحليل ثاني

الردود ماقصرت كلن يحلل على كيفه

[مرزوق حمدان العتيبي]

..
.


الحقيقه ان ابن شايق متميز بقوه في هذه المحاوره عن خصمه ..
..
والمعنى كما يقولون في بطن الشاعر ....
والاقرب تحليليّا هو ماذهب اليه الاخوان الذين قالوا المقصود به سلطان االهاجري
...
والعلم اليقين عند ابن شايق فقط
لاهنت ايه المميز ابو فايح
.....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[فواز السعيدي]

محاورة قويه ,,


والمعنى صعب ان احد يأكده ’’



شكرا يابو فايح


,,’’..

التوقيع

حنـا هذيـل ان صـار فالعلـم زرقــه=نغضب غضب سيل الربوع ودماره حريبنـا يونـس علـى الكـبـد حـرقـه=نهـدر هديـر السيـل لا جـات غــاره مهما حصل مايدخـل الصـف فرقـه=نورث شجاعـه والشجاعـه شطـاره مجـد اهذلـي مايقبـل الوقـت درقــه=درع الحجـاز وفزعـتـه وانتـصـاره مـن طبعنـا مانسـرق المجـد سـرقـه=يشهـد لنـا التـاريـخ باحـسـن عـبـاره

[ابن صنهوت]

المعنى في بطن الشاعر

صاهود بيض الله وجهك


لاهنت يابو فايح مبدع ومتألق دائما