الشوف راح وعكر الجو يامير

[ابوعبيد الشدادي]

السلام عليكم ورحمه الله وبركاته


الله يمسيكم بالخير

هذي قصيده لواحد من عيال عمي بعد ان راح شوفه واصبح عما

وهو الشاعر الكبير || بسيس بن حديد الشدادي الحارثي ((رحمه الله))


وهو مسندها لامير مكه المكرمه

ارجو ان تحوز على رضاكم

سلام يامير الوجيه المسافير=اقولها يامير سر وعلاني
سلام احلى من حليب الاباكير=مرباعها العبله ووادي المحاني
اما استمع بشرحلك الوضع يامير=ولا خذ المكتوب والعمر فاني
ياعين حر مايصيد العصافير=مايذبح الا طيبات السماني
يامير انا اطلب لي فحوص وتقارير=لولا رجايه فيك ماجيت عاني
لا طالب منحه ولا ابغى دنانير=الا العلاج عن العمى يوم جاني
الشوف راح وعكر الجو يامير=واهل الفلوس علاجهم ماشفاني
يامير انا جالي صدوف ومقادير=وازريت امشي مابقى من زماني
يامير ابا الممشى مع الناس واسير=لاكن ضعف الشوف عنهم حداني
يامير عقب الشوف عفت المسايير=ماعاد اداني مجلس مع خواني
ويامير في عيني سواة المسامير=ماغمضت من ليلها لو ثواني
ويامير فيه ماتجوز المعاذير=تحسنوا يافاعلين الحساني
اعمالكم لله وانتم هل الخير=ياعيال اخو نوره طوال اليماني
عبدالعزيز اللي يعسف الطوابير=عسى مقره في فسيح الجناني
ياما شعا من كل ملح ومغاتير=على ذلول ام الحقب والبطاني
مشى على عوص النضى صبح وعصير=من الرياض الا حدود اليماني
اخذ شهر يمشي ليا قوز ابا العير=واخذ ليا جازان عشر وثماني
واليوم عقب الجيش سفن وطيايير=وارتاح خيال الفرس والحصاني
سرب يجن من الخضيرا محادير=ماقادها مجنون ولا جباني
مافوقها غير العيال المناعير=اللي يصيبون الهدف والمكاني
ومن عاش بالدنيا يشوف التفاكير=اللي من اول فوق هالارض باني
وصلاة ربي عد ماغرد الطير=على محمد قلتها من لساني

ولكم ارقا التحيه

ابو عبيد الشدادي

[أخو جوزا]

الله يرحمه


وحياك الله يابوعبيد

[محمد بن غازي]

الله يرحمه .... وسلمت يابو عبيد على النقل المميز ....

ومرحبا بك ...

[عبدالمحسن العنزي]

الله واكبر الله يرحمة ويغفر له ويسكنه الجنة .... قصيدة رائعة فيها الصدق غفر الله له ...شكرا لك اخوي..

[ابوعبيد الشدادي]

بيض الله وجيهكم ولاهنتو


على المرور الاكثر من الراااايع

[عبدالله الجـــذع]

الله يسكنه الجنه ..

لاهنت يابو عبيد


ننتظر جديدك

محبك

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[المـرشدي]

الله يرحمه .... وسلمت يابو عبيد على النقل المميز ....

ومرحبا بك ...

[أبو طالع العتيبي]

يعطيك العافيه

[أبو طالع العتيبي]

مشكور علي هذيه القصه