نهــــــاية طـــــريق!!

[عيضه الثبيتي]

مساءكم شعر..

وقفت بنهاية طريق..أدوّر بداية طريق=وأقول لدروبٍ خذتك: هنيّها وهنيّها!!
تقطّع أنفاس الأمل مابه زفير ولا شهيق=والدار مايعجب هواها عُقبك ولا ميّها!!
لو السحاب يهل وبله فوقها مابل ريق=اللّي عطاء وجهه لدنياه وعطته اقفيّها!!
ولا أقول ماباقي على الدنيا صديق ولا رفيق=ألاّ..أصدقائيه بالعدد كثر النجوم وضيّها!!
وإعدائي تسع أعشار صدقاني ..ويانعم الصديق=اللّي يقول أصبر على جور السنين وغيّها!!
وألا ّ أنت ياللّي لو يجرّبك النحل عاف الرحيق=والشجره اللّي من هماليل السحابه ريّها!!
يمكن يضيق الكون أبك لكن صدري مايضيق=وعن لاهب الكنّه تناديك الضلوع وفيّها!!
أحلّفك باللّي جعل في مكه البيت العتيق=أنّك لتطوي صفحة الماضي وتنسى طيّها!!
تراي ماطيق الهجر والقلب برضه مايطيق=ومياسم الفرقا على قلبي توالى كيّها!!
وأنا الذي سيّست بنياني على الساس الوثيق=وعن كثرة علومي يكفّي ملحها وشويّها!!
محبتك لن جيت أدوّر زيّها شيًا يليق=مازيّها/مازيّها/مازيّها/مازيّها!!
والساعه اللّي ودّتك عنّي ..عساها في حريق=والساعه اللي ردّتك ترحب ويالله حيّها!!

وحياكم الله أنتم بعد



محبكم



عيضه الثبيتي

27/3/1433هـــ

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

آخر تعديل عيضه الثبيتي يوم 19-Feb-2012 في 09:11 PM.

[محمد الذيابـــي]

..


صح لساااااان شاعرنا المبدع.



ومزيدا من العطاء الشعري الجميل..



تحيتي...

التوقيع

التوقيع محمد الذيابـــي

[قيس العازمي]

مازيها مازيها مازيها مازيها


وانا اقول قصيدتك ذي مازيها



صح لسانك وعلا شانك



مبدع كالعاده

[خليل هليل الشيباني]

ياسلام ياعيضه صح لسانكـ حتى ترضى

قصيده رائعه من روائع عيضه الثبيتي

بانتظار نبض احساسك واحرفك الجميله

لاهنت

[توبان الروقي]

الله الله

مبدع دائما صح الله لسانك


دمت مبدع

[ضيف الله العالي]

اي والله انها قصيدة ٍ مازيّها

صح لسانك ،، ياعيضه على هالعطاء ، والابداع ودمت مبدع

تحيّه وإعجاب بكل حرف

[محـ العتيبي ـمد]

صح لسانك يابن معيوض

وبيض الله وجهك

[عجاب الدغيلبي]

عيضه الثبيتي

صح لسانك

مبدع كما عهدناك

التوقيع

الأطلال تحكي سيرة الحب للعشاق=ماتنسى مادام إن المعالم توضحها ليا شفتها سبحت للواحد الخلاّق=عقود الزمن ماغيرت من ملامحها عجاب الدغيلبي

[ابوفهد**]

صح السانك يابوفيصل اسلوب لايتقنه الا عيضه يعطيك العافيه

[عثمان الثبيتي]

محـبـتـك لـــن جـيــت أدوّر زيّــهــا شــيًــا يـلـيــق
مــازيّــهــا/مــازيّـــهـــا/مـــازيّـــهـــا/مـــازيّـــهـــا!!
والساعه اللّـي ودّتـك عنّـي ..عساهـا فـي حريـق
والـسـاعـه الـلــي ردّتـــك تـرحــب ويالله حـيّـهـا!!





الله الله
يابو فيصل
مبدع كما عهدناك
فعلا شامخه كهامتك
لاعدمتك

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه