مــن القصايد اللي عجبتني وحبيت اشارك فيها

السلام عليكم ورحمة الله وبركاته
قبل ما ادخل بالموضوع حبيت اسال
هل ياترى لازم القصص والقصايد اللي اشارك فيها للعتبان ولا عادي ؟

اتوقع ان الاغلبيه قد سمع عنها

قصيدة هجاء للأمير طلال بن عبدالعزيز الرشيد الملتاع
>الذي جدّه هو سعود أبوخشم
>
>يُقال أنه أخ لولي العهد الأمير عبدالله بن عبدالعزيز من الأم.. والقصة اختلف
فيها الرواة
>
>ومن ماسمعت من بعض الأخوة أن قناة إم بي سي كانت تجري معه حواراً وكانت
المذيعة تناديه في بداية الحوار بـ الامير
>
>ولكن بعد التوقف لفاصل إعلاني مقصود تغيّر اللقب إلى الشاعر أو الأستاذ..
فسألها عن السبب فقالت له إن أحد مالكي هذه القناة أخبرها بأن الرشيد ليس
أميراً.. والظاهر أن المتصل أحد أبناء عائلة البراهيم يُقال أنه محمد البراهيم
الملقب بـ"الوافي".. فضحك الرشيد وأكمل الحوار وبعدها
>كتب هذه القصيدة التي تناقلتها الألسن
>***********************
>ياالصغير ما يكبّرني لقب***ومايصغرني اليا انكرني صغير
>
>ما خذينا الصيت من جمع الذهب***ولا نسابة شيخ أو قربة أمير
>
>كاسبينه من هل السيف الحدب***الجنايز كان ما جاك النذير
>
>صيتهم نجم على راسه لهب***سمعوا الصقهان به واجهر ضرير
>
>بالوفا تاريخ ابيض ينحسب***لا حكوا بالحق حيين الضمير
>
>ضيغمي ٍ للسناعيس انتسب***لابت ٍ طلنا بها عرش ٍكبير
>
>عند حدك يا كثير الهرج تب***ولا تمر النار وثوبك من حرير
>
>كان لك عز ٍ بذلي فتعقب***والله إلا تبطي وحبلك قصير
>
>احسب انك من صناديد العرب***واثري ساترتك عباتك يا غرير
>
>ما حسب للسّوس زراع القصب***والقرادة مادرى عنها البعير
>
>لو حسبنا للحسايف والتعب***مابذرنا ياالعصافير الشعير
>
>عن هلك وبراي لله احتسب***الرجال اللي مجاراهم عسير
>
>من قريش المصطفى وابو لهب***والدغالب ما غشت عذب الغدير
>
>للرجال من الرجاجيل العتب***والزكاة اتحل في حال الفقير
>
>لعن ابو وقتٍ غدينا به حطب***تحرقه نارٍ"...." يثورها أجير
>
>ما ألومك الزمن سوا العجب***هو بقى غير الكرامة بالجفير
>
>ما أذل والراس يشم اللهب***لو بقى من شمر ٍ طفل ٍ غرير
>
>ما أهاب ولا يزلزلني غضب***الشجاعة ورث والعاقل غزير
>
>يا صغيّر ما يكبر باللقب***غير منهو كان للدونة صغير

وسلامتكم

[سحيم العتيبي]

الاخ عجايب
اهلا بك في منتدى عتابه وكل شخص يقدم جديد فيه فائده ومعرفه من دون الاسائه لعتيبه او غيرها من القبائل بالتاكيد نرحب به سواء كانت مشاركته عن قبيله عتيبه او غيرها من قبائل العرب العظيمه وطلال شيخ ابن شيوخ كرام وليس في حاجه لشهاده من الام بي سي ولا حتى السي ان ان والقصه حدثت بطريقه مشابهه مع ابن حميد قي مجلس احد الملوك اعتقد انه الملك فيصل رحمه الله فقد كان الملك يخاطب بن حميد بالامير " كان ينقز " احدهم ليقول ومن قال ان بن حميد امير فرد بن حميد " الاماره اخذناها بالسيف ماجتنا من ...... الحريم "

[وليد الروقي]

سحيم


لعن ابو وقتٍ غدينا به حطب***تحرقه نارٍ"...." يثورها أجير

تحرقه نار يثورها أجير....

هذه ضع تحتها ألف خط-------------------------------------------------------

يعطيكم الف عافيه عالردود
ويكفيني انكم عنيتوا ودخلتوا وقريتوا وكتبتوا
الحرمه يالسحيم امك
الحرمه اختك
الحرمه زوجتك
واعترف انت وغيرك ان الحريم يجن احيانا بثلاثين رجال
وعموما تسلمون ع الرد

[سحيم العتيبي]

يالله الخيره ...