ألأمير الفارس تركي بن حميد وقصيدته المشهوره

[وليد الروقي]

من منا لايعرف ألأمير الفارس الشهم تركي بن حميد رحمه الله
إسأل عنه ألأعداء قبل ألأصدقاء وأسأل عنه ظهور ألخيل وأسأل عنه الفيافي والبيد....................
كيف لا وهو من هو في مقامه وعزه وشموخه وكبريائه هو من اذا صاحت ألخيل كان في مقدمتها واذا كان في مجلس فله الشداد وصدر ألمجلس
من من الأجيال السابقه واللاحقه لم يسمع بتركي بن حميد فهو أشهر من نار على علم ...

تلعب طرب وانا بنومي هواجيس = ماسامرك بالليل كثر الهمومي

أسهر اليا نامت عيون الهداريس = بالليل أساهر ساهرات النجومي

أونس بقلبي مثل صلو المحاميس = الله يلوم اللي لحالي يلومي

أشوف عدلات الليلي معابيس = ولاحد من الدنيا عظامه سلومي

تضحك وتخفي لك خفي الهناديس = تفطر لنا يوم ويوم تصومي

اعمل وتلقى وافهم العلم بالقيس = دنياك لو زانت تراها نقومي

قالوا جهلت وقلت جهل بلا قيس = الجاهل اللي مايعرف اليمومي

من لايدوس الراي من قبل ماديس = عليه داسوه العيال القرومي

ومن لايقلط شذرة السيف والكيس = تبدي عليه من الليالي ثلومي

ومن لاخذ الدنيا بميز وتقييس = مثل الذي يسبح بحر يعومي

البني مايصلح على غير تاسيس = ومن لاتعلم ماتسر العلومي

كل القلم من كتبنا بالقراطيس = وركابنا من كثر الادلاج تومي

ولاخير في كثر الحكي والتماليس = وقول بلا فعل يجي به وهومي

والعز فوق معسكرات السواديس = اليا قصدت اللي بالاشيا رحومي

بالليل أصالي حاميات المحاميس = والصبح أصالي كل قبا قحومي

وصلاة ربي عد رمل الطعاميس = على شفيع الخلق يوم اللمومي

عد النبات وعد ذار الطعاميس = واعداد مايمطر سحاب الغيومي

رحم الله ألأمير الفارس تركي بن حميد رحمة واسعه.............................

.................وليد الـــــــــــــروقي....................

[ولد الوبّيض]

من لايدوس الراي من قبل ماديس = عليه داسوه العيال القرومي

ومن لايقلط شذرة السيف والكيس = تبدي عليه من الليالي ثلومي

ومن لاخذ الدنيا بميز وتقييس = مثل الذي يسبح بحر يعومي

البني مايصلح على غير تاسيس = ومن لاتعلم ماتسر العلومي

ابدااااع فوق العاده لشيخ التميّز والرياده الذي اختصه الولي بالقياده فأصبح التاريخ يلهث ورى امجاده


الاخ العزيز وليد الروقي تسلم يمينك والله مشاركه تستاهل النوماس ورفعة الراس



لاتحرمنا من مشاركاتك التي تثري المنتدى وتغيض العدى وتجعل الابداع بعيد المدى



تحياتي

[وليد الروقي]

عزيزي........ ولد الوبّيض

تحيه طيبه وبعد
أسعدني جدا" كلامك وتشجيعك لي

أشكر لك مرورك وتعليقك الذي يدل على ذوقك

وأبشر يكل مايساهم في رفعة المنتدى وتطوره

أخوك .......وليد ألروقي..................

ونعم والله

يعجز الانسان عن وصف هذا الرجل والذي هو بحق يجمع بين الشجاعه والكرم والقياده والحكمه..قل ما تجدها الان...

شكرا على القصيده... ياوليد انت مثال على الاتزان في الكتابه ..الى الامام

[وليد الروقي]

عزيزي ......ولد مروح

تحيه طيبه وبعد

أشكر لك إطرائك لي وأتمنى أن أكون عند حسن ألظن

تقبل تحياتي ..........



............... وليد الــــروقي........

[صـبـي التوحيد]

اخوي وليد الروقي


الا بيّض الله وجهك ولاعدمناك 00


ذّكرتني بـ سالفه لواحد من شمر


يقول هالك الشمري سيّر عليه هاك البدوي وقهواة الشمري وقام ينشدة من اي العرب هو


علمّه البدوي انه من عتابه استانس الشمري وقال ابي اسولف لك عن تركي بن حميد


رد عليه العتيبي هذا وقال منهو تركي بن حميد 00


الشمري انتفخ من الزعل وسأله مرة ثانيه قال يابعدي اجل ماتعرف منهو تركي بن حميد


قال العتيبي لا واله ماعرفه 00


صفق الدله الشمري في الرقه وقوّم العتيبي هذا وطردة قال والله ماتجلس بـ بيتي وانت ماتعرف تركي بن حميد


الله يرحمهم جميع 00


هذولي الاجناب يعطون الحق والمصيبه لا جاتك الزله من البـّدة

[ابو غازي]

وليد الروقي
ولد الوبيض
ولد مروح
صبي التوحيد

ماذا اقول
سوى!!!!
لله دركم على ماخطت اناملكم

[golden]

جديده دائما... كل ماقريت قصيدة (نومك طرب) كأني أقرأها لأول مره وذلك لقوتها وغزارة معانيها...

[ابوزيدالعصيمي]

قالوا جهلت وقلت جهل بلا قيس ........الجاهل اللي مايعرف اليمومي
هذا البيت عن
قــــصــيده كـــامـــله

[يوسف العازمي]

الله يرحمـ تركي بن حميد

ولاهنت على النقل الرآئع