صلى الله وسلم على نبينا محمد

[عثمان الثبيتي]

السلام عليكم كلكم تعرفون وقريتوا الخبر عن الفلم
الامريكي الصهيوني المسي للرسول محمد صلى الله عليه
وسلم
والدول الاسلاميه كالعاده تستنكر
وانا هنا استنكر واعتذر من سيد الامه صلى الله عليه وسلم

صلى الله وسلم الهادي امام المرسلـــــين = اطهر بشر واشرف بشر واصدق بشــــــــــــر


ياسيد الثقلين عذراً والعذر مدري منــــــين =.والله ما نملك عذر مهما نقدم من عـــــــــــذر



ياسيدي حنا انخذلنا من صفوف الاقربيـــــن =اللي تعذر بالدها حق السياسه والمـــــــــكر


امتك غير اللي معك في معركة بدر وحـنين=الاسم يجمعهم لكن الفرق واضح للنظــــــر


الراشدين الاربعه ماجاء بعدهم راشـــــدين =الله ياعصر الفخر ياعصر ابوبكر وعمــــــــــــر


وعثمان ثلاثهم ورابعهم علي ابوالحســــين = اللي على الاعداء لهم سطوه وفعلً معــــــتبر


واليوم صرنا كثر لاكنا شتات مفرقيـــــــن = يعني عصانا صار فيها حول خمس امية شـــقر


كم انجرحنا فيك بالسنت النذول الحاقـــدين =وكم طال عرضك من سهوم اهل التمادي والغدر


نزعل على شانك ونرفع صوتنا مستنكرين =وعروقنا تبا تفجر من مضخات القـــــــــــــهر


نردد الصوت الجهوري كل وقت وكل حين =ما ينوجد من يسمعه في بر والا في بـــحر


كن الاذان مسكره من طين مدري من عجين =وان اخذلونا اهل الامر لله نشكي هالامــــــــر


مير اسمعوها واعقلوها ياولات المسلمـــــين =هذا الصحيح المعتبر زبدة كلاماً مخـــــتصر


اما وقفتوا صف واحد في وجيه المعتديــــن =واعلنتوا جهادً يكلل بالغنايم والنـــــــــــــصر


والا بقيتوا هكذا طول الزمن مستضعفيـــــن =والله يعلم وش يصير حسابكم يوم الحشــــــر

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه

آخر تعديل عثمان الثبيتي يوم 14-Sep-2012 في 05:43 PM.

[سعد بن مطلق المقاطي]

حسبي الله ونعم الوكيل


صح لسااااااااااااانك ياعثمان


والله يسلط عليهم جندن من جنده

التوقيع

ديــــــــــــــــواني

[فهد العازمي العتيبي]

صح لسانك ولاهنت

وصلى الله على نبينا محمد وعلى آله وصحبه أجمعين.

[أخو جوزا]

عليه الصلاة والسلام


صح لسانك

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[وصل الشهيب]

شاعرنا الحاضر بشعره وإنسانيته وغيرته دائماً

صح لسانك يبو مشعل

قصيده من قلب إنتابه الغضب من أفعال اليهود أعداءالله ورسوله

لاطاعة لمخلوق في معصية الخالق

والحكومات المسلمه للأسف الشديد . ترشق المتظاهرين بالقنابل المسيله للدموع

وبخراطيم المياه بل وبإطلاق النار . ويعتبرون ماحصل ( حرية تعبير )

ياأسفاه ياأسفاه ياأسفاه

سبق وأن قاطعنا منتجات الدينامارك من الحليب ومشتقاته . فلماذا لانقاطع منبع العداوة والبغضاء

ونأمر بترحيل جميع سفراء أمريكا من جميع الدول المسلمه

تطاولوا اليهود على أراضينا ثم على أعراضنا والآن يتطاولون على ديننا

عذراً يارسول الله عليك أفضل الصلوات وأزكى التسليمات

لانستطيع نصرتك إلا بقلوبنا فقط


شاعرنا عثمان الثبيتي

شكراً جزيلاً لك

جعل الله أبياتك في موازين حسناتك

تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

[فيصل مطر]

صح لسانك ياعثمان وبيض الله وجهك

واعتقد كلمة (على) سقطة سهوا وغلط مطبعي,من الشطرالاول من البيت الاول من بدايت القصيده

وصح لسانك مجددا لاهنت

تقبل

مروري

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[محمد@الجعيد]

حسبي الله ونعم الوكيل


صح لسااااااااااااانك ياعثمان

[راشد النفيعي]

اللهم صلي وسلم عليه وعلى صحابته الاطهار

عثمان لاعدمناك حبكة شاعر متمكن صح لسانك وبيض الله وجهك

[عثمان الثبيتي]

المشاركة الأصلية كتبت بواسطة سعد بن مطلق المقاطي

حسبي الله ونعم الوكيل


صح لسااااااااااااانك ياعثمان


والله يسلط عليهم جندن من جنده

صح بدنك يابو مطلق مشكور على مرورك العطر

[محمد البرقاوي .]

صلى الله على نبينا محمد وعلى آله وصحبه أجمعين.

عثمان الثبيتي صح لسانك مليون

ابدعت وامتعت تحياتي وتقديري