اختيار تصميم الجوال
|
|
|
« آخـــر الـــمـــشـــاركــــات » |
أدوات الموضوع | انواع عرض الموضوع |
|
04-Oct-2007, 07:35 AM | رقم المشاركة : 21 | |||
|
في حفل ذوي مفرج
السلام عليكم ورحمة الله وبركاته
لكم هذه القصيده التي ألقيت في حفل ذوي مفرج من النفعه وهي للأخ الفاضل ... أحمد بن مستوربن سليم الهيلوم المفرجي النفيعي أمل ان تحوز على رضاكم . علما ان هناك قصايد اخرى سنوردها لاحقا انشاء الله تعالى مرحباعدماتمطرمزون الخيال=== وعدتوفي الهيلا بحق الطليب وعدماتنطق لأفواه فعل الرجال=== وعدماتفعله فالقوم شلفاشبيب مرحبابأسم ربعي يوم جالي مجال==باسم ربعن لهم بالمجدحق ونصيب بأسم ابن حجنه اللي للجماعه ظلال=شيخ قومن نهارالكون رمحه يصيب مجدهم من قديم وذكرهم الايزال===وثقلهم مايزعزع في النهارالرهيب يارجالن عزايمهم تهدالجبال===حان وقت المواقف زيدوا الطيب طيب لوجهلنا الاجابه ماطرحنا السؤال===ولوكشفناالحقائق مالقينامجيب ولونهاب الخفايف ماقدرناالثقال===ولو نخاف الحرابه مانهزم الحريب |
|||
|
|
05-Oct-2007, 05:10 AM | رقم المشاركة : 22 | |||
|
هلاا
اخوي طارق النفيعي من الاجدى ان تذكر صاحب هذا الموضوع اللي هو انا طبعاً ليس اعتراضاً وربي فرحان بنقلك لكن مثل ماقلت لك على كل حال يعطيك العافية ولاهنت وفي ايضاً تغطية النفعه بالاسطورة ان شاء الله انزلهاااا ودمت بخيرررر |
|||
|
|
05-Oct-2007, 08:57 AM | رقم المشاركة : 23 | |||||
|
شاكرين للجميع الرد والتواصل
ويا محمد نايف النفيعي انا قلت شاهدته في أحد المنتديات وحبيت أنقله إذا موجود من قبل أحذفوه يعني منقول ما قلت أنا كاتبه ونقلي له لقصد رفع أسم القبيلة وأنت ماقصرت ويعطيك العافيه انت وابناء العم ومشكورين جميعا لاكن انا كاني ما شفت الموضوع قلت بنزله هنا لأكثر أطلاع وشاكرين للجميع الرد مره آخرى أخوكم : طارق النفيعي
|
|||||
|
|
05-Oct-2007, 12:54 PM | رقم المشاركة : 24 | |||
|
ماقصرت يالذيب هذا هو المطلوب هو الرفع من اسم القبيلة
|
|||
|
|
05-Oct-2007, 04:29 PM | رقم المشاركة : 25 | |||
|
بيض الله وجهك اخوي طارق
على الموضوع وعلى الجمعة الطيبة والنعم بالمفاريج |
|||
|
|
06-Oct-2007, 11:56 AM | رقم المشاركة : 26 | |||
|
مشكورين على الرد والتواصل
ولا يهون محمد نايف النفيعي <<< عشان ما يزعل |
|||
|
|
07-Oct-2007, 03:21 AM | رقم المشاركة : 27 | |||
|
قصيدة الشاعر سفر بن سلوم الهيلوم المفرجي النفيعي التي القاها في حفل قبيلة النفعه
سلام من راس عريب
ياروس لطم العيلا عداد من شاف وسمع فعل عتيبه سوته يوم المحارب والحريب يشهد بهيبتنا الملا بالفعل نردع من طمع ويعود ما ادرك هقوته عتيبه اخوان الغريب إذا ارتكب ذنب وجلا داخل حماهم يرتفع راسه وتقوى شوكته ياطيبهم للي يطيب احلا والذ من الحلا وياسعد منهم له درع تحدا المعادي قوته واول ملبي يستجيب لحكم الشريعه بالولا حكم بدستور الشرع تبقى وتقوى دولته في ظل من لا له شريب بالحق للكل اعتلا والكل بايع واقتنع والخير تثمر شجرته وارجع لمن ساسه قريب فارس ويتلى ماتلى نجم من الهيلا سطع وسموا النفاعي عزوته كروش والرمح وشبيب في الكون سهم مرسلا من قام لجل ام الورع وجابه من اقصى ديرته الشاعر سفر بن سلوم بن سليم الهيلوم المفرجي النفيعي صح لسانك يا بو سلوم اخوك الدكتور سعد الهيلوم |
|||
|
|
07-Oct-2007, 03:23 AM | رقم المشاركة : 28 | |||
|
القصيدة الثانية للشاعر سفر الهيلوم التي القاها في اجتماع النفعة
بديت بأسم العظيم المعطي العافي
لجل القريحه تصوغ القاف وتحوفه قدام ارد التحيه واعلن اهدافي ابي اخترع للقوافي خط وبروفه يقول من تل جيبه والشفق غافي يوم انشرح خاطره ببيات مصفوفه عن كل عالي مقام وذرب وسنافي مفرجي بالوفا ماقل معروفه سم درج في عروق الخصم وزعافي يبغى يسير فيافي نجد وكهوفه ويوصل ازكى سلام بكل الاعرافي من هجرسة فكر للعتبان مصروفه سلام يهل الوفا والمعدن الصافي تسليمة من بنات الفكر معزوفه نبدي بها ونتعلا كل مشرافي ومنها نشاهد جميع الحفل ونشوفه حفلة مزاين عتيبه درعنا الظافي العزوه اللي لها هيبه ومعروفه قوم حماهم منيع وسهمهم وافي يشهد لهم نجد هيلا نجد وسيوفه كم طوعوا من عنيد وعايل جافي وردوه عن مبتغاه وبينوا خوفه وللظيف والجار ظل ومرتع دافي في ذيك الايام يوم الفقر وظروفه واليوم في ظل حكم العدل ميقافي عقب انتفض ليث نجد ووحد صفوفه حتى اصبح الظد جنب الظد ميلافي حقن دما المسلمين وحطهم جوفه في وسط قلب سليم وصار متعافي في هجرة بالجهل والفقر مكنوفه وصار لجهلها علاج وبلسم شافي جمع بها شمل شعب وصافح كفوفه وعقب صقور الجزيره عدلهم كافي بصدورهم للجميع قلوب مكشوفه امن ومحبه وحكم وعدل وانصافي والبيت كم وسعوا مبناه لظيوفه وساد الامن واستتب لشعب مظيافي لين المواطن تمرجل وانطلق شوفه وجا للمزاين مجال ولا به اسرافي بأسم القبايل وكل يكتب كشوفه لجنه وتنظيم يسعد نظرة اللافي انجاز ممتاز لهل الطرش وصنوفه لمن اشترى بالذهب زينات الاوصافي وإلا ورث عقب ابوه وزاد بولوفه ياعزوتي مايقوم بحقكم قافي تعجز قوافيه لو غنيت وحروفه واختامها ازكى سلام لكل الاطرافي للحفل ومنظمين الحفل وضيوفه سفر بن سلوم بن سليم الهيلوم المفرجي النفيعي صح لسانك يا بو سلوم واتمنى ان تحوز على اعجاب الاخوان في المنتدى اخوك الدكتور سعد الهيلوم |
|||
|
|
07-Oct-2007, 03:36 AM | رقم المشاركة : 29 | |||
|
بيض الله وجهك ياطارق على هذه التغطيه الي ولا احلى
|
|||
|
|
07-Oct-2007, 06:26 AM | رقم المشاركة : 30 | |||
|
مشكورين على التواصل جميعا
ومشكور يالهيلوم على الأضافه ولاهنت أخوك : طارق النفيعي |
|||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|