يــابــوي حــفل الكــرشــمي عــقب يــومــين

[طلال ناشي]

بعد التحيه

قصيدةٌ تشرفتُ بإلقائها يوم الخميس 6/5/2010 م

في الكويت بمناسبة زواج الأخ العزيز / علي بن راشد بن بيان الكرشمي

في صالة الرقه وكان بمرافقتي والدي أطال الله في عمره

وعسى أن تنال إستحسان الجميع

يابوي حفل الكرشمي عقب يومين = وأبو بيان اللي بنفسه دعاني
ماينفع المعذار والقاسي إليَن = وأنته على جزل العلوم أتحداني
أنا مظرا والنشاما مظرين = والطيب ورثة جد والعمر فاني
مايترك الماجوب غير الرديَين = دغم الخشوم أمهطلين الأذاني
هراجة المجلس هل المذهب الشين = ولا اللزوم ألها طوال اليماني
يامحزمي يومن ورع الظعيفيَن = يبلش ليا قالوا فلان الفلاني
أبوه دقسه والغليم على الدين = والوقت مايرحم أوليد الهداني
الله ولا حظه ولا فاله الشين = ما ورثوه ألا الردى والهواني
ألقابك التقدير من حين لاحين = عند الرجال معربين المجاني
لاجيت ثم قالولي أنته ولد مين = أسمك ينومسني ليا جيت عاني
وقدايمك تطلق أوجيه العجالين = أمن الكويت أليا علو المحاني
كريم واللي عازمينك كريمين = وأنا علي القاف ذرب المعاني
أنا ليا مني حضرت الميادين = عشري لك الله ماتعود ثماني
جهزلي اللي شارته تقضي الدين = لاسال دم وعلقوا فيه عاني
وعبه من البنزين خمسه وتسعين = وأركب يابومتعب وخلك أوزاني
ثم حط في مخباك قيمة قعودين = يستاهلون أهل المقام العواني
الله يطول عمرك أيام وسنين = حتى يجيلي بين ربعي مكاني
وكفيك في الازم لونه ورى الصين = أشيل ماشال البعير العماني
مال الحمول ألا ظهور البعارين = اللي تداحم بالجنوب المتاني
أنته وأنا في الدرب جينا متخاوين = كله غلا وتقدير لبو بياني
جار ونسيب ومن رجالٍ عزيزين = ألاد كرشم في القسا واللياني
الكرشمي راشد زبون المجلين = اللي يقلط للنشاما الصواني
يجيك بالحاشي لونه ورى ألفين = قد قالها محمد حراز وشعاني
مبروك يانسل الرجال المسمين = اللي لهم في الطيب وقفه وشاني
للطيب وأهله في زمنا عناوين = وأهلك هلله من قديم الزماني
قومٍ ليارد البرى للمثارين = تنطح أنحور الخيل بالجبخاني
كم من عقيدٍ عرمشته السراحين = أليا ألتوتبه لابتك في ثواني
يطيح في الرقه ماثور براكين = وأن عاش جرحه في الظلوع المحاني
وأنا لك الله ياعلي حالفٍ دين = لجي وباركلك وزف التهاني
غالي وربعك عند الأجواد غالين = واللي على قلبي يقوله الساني
حنا ( ذوي عالي ) أصعوط المجانين = غصباً على العربان قاصي وداني

التوقيع

يامحمد الشوق يذبح والغلآ سنه = لآ لآ غلآهآ القصايد كيف أغنيهآ شقراً شعاهآ الغرآم وجات مستنه = ما كنها ألا فرسك اللي مربيهآ مشاعري في غلآها مالهآ منه = وآلله لو أشوفهآ لاحب رجليهآ طلآل نـاشي العـآلي talal945@hotmail.com

[محمد العتيبي]

طلال بن ناشي العالي


بيض الله وجهك

حقيقه انفردت بإلقاء هذه القصيده تلك الليله واطربت مسامعنا بها

ونالت كثيرا من اعجاب الحضور

فليس غريبه عليكم الوقفه الطيبه ياذوي عالي .. وابو بيان يستاهل كل علم غانم

بيض الله وجهك مره اخرى


تحيتي واعجابي لكــ

التوقيع

للتواصل عبر twitter تويتر al_bargawy@

[فيصل المسعودي]

ماشاءالله عليك يا أبو رغد

جزل في أقوالك وأفعالك كما عرفتك

صح الله لسانك وجمل الله حالك

والف مبروك زواج الكرشمي

نسأل الله له التوفيق

تحياتي

[فيصل المسند]

كفوو يابوناااشي والله انك تنومس الطيب

تقبل خالص شكري وتقديري

[مرزوق الصواط]

أخونا الشاعر /طلال بن ناشي
صح لسانك وبيض الله وجهك
قصيدة جزله من شاعر جزل .. لا هنت يالغااااالي
تقبل مروررري المتواضع ,,,

[الحميدي العتيبي]

مايترك الماجـوب غيـر الرديَيـن
دغـم الخشـوم أمهطليـن الأذانـي
هراجة المجلس هل المذهب الشيـن
ولا اللـزوم ألهـا طـوال اليمانـي



صح لسانك وبيض الله وجهك

[فوازالعالي]

صح لساانك ياعزوتي واعتلى شانك

ابيات روعه من سخص اروع

تسلم يمينك ومبروك زواج الكرشمي ...

:

[أخو جوزا]

صح لسانك ووافى يابوناشى

[فهد علي العازمي]

صح لسانك
كفو ماهي غريبة عليكم فعلة الطيب والكراشبة يستاااااااااهلووووون

[طلال ناشي]

المشاركة الأصلية كتبت بواسطة محمد العتيبي

طلال بن ناشي العالي


بيض الله وجهك

حقيقه انفردت بإلقاء هذه القصيده تلك الليله واطربت مسامعنا بها

ونالت كثيرا من اعجاب الحضور

فليس غريبه عليكم الوقفه الطيبه ياذوي عالي .. وابو بيان يستاهل كل علم غانم

بيض الله وجهك مره اخرى


تحيتي واعجابي لكــ

يامرحباااا يامحمد

ماعليك زود طال عمرك ووجهك أبيض

هذا من ذوقك

وتشرفني إشادتك

تحياتي