هباس وبنت عمه شف حلفه وش سوى بنت عمه قصه وقصيده

[عقاب الحويماني]

بداية القصه عن وحده من اهل المنطقه الشماليه


كانت بدويه تسرح عند إبل اهلها وتقابل لها واحد دايما وتحبه ويحبها حب عفيف وكان يخطط على خطبتها بس العايق الوحيد ان واحد من عيال عمها محجرها وحالف ان قرنها الاشقر ما يلتوي الا على يمينه وذا اللي يحبها مهوب من جماعتها


وفي يوم من الايام يوم رجعت من البل لقت في جنب بيتهم ( بيت الشعر ) بيت جديد مبني سألت امها عن البيت من هو له قالت لها امها ان ذا بيتها هي وهباس ( اسم ولد عمها ) قالت لأمها انها تحب واحد وحالفه انها ما تزوج الا هو قالت امها هباس في بيت ابوه روحي واطلبيه يفك الحجر عنك وتعوذي منه يمكن يفك يهون عنك .

راحت له البنت ولقت عنده رجال ودخلت عليهم وقالت اني طالبتك بوجيه الرجال اللي عندك انك تتركني في سبيلي" ما ابيك "
ضحك وقال انا قايل ان ها القرن الاشقر والله ما يلتوي الا على ذراعي حيه والا ميته .

رجعت للبيت وجهزت السم وراحت به لأمها وقالت لها اللي صار معها وقالت انا حالفه انه ما ياخذني وانا اسلم عليكم وشربت السم .





مااااااااتتتتتتتتتت

هباس ولد عم البنت قبل ما يدفنونها طلع قرنها ولواه على يمينه وهي ميته ومن شدة الفقر ما كفنوها وادفنوها بملابسها

وقال هباس يميني ووفيت بها,ويوم ماتت



أهلها ما لقوا احد يسرح عند ابلهم واستأجروا واحد من عيال جيرانهم يسرح عند البل وكان الولد صغير سن .


حبيبها صار يترددعلى ابلها ويلقى الولد سأل ولد وين البنت اللي كانت تسرح عند البل سأله الولد ليه تسال قال لاني مضيع لي ابل ويذكرون ان فيه بنت جتها الابل وطردها وابي أسألها عنها وين طردتها قال الولد البنت يقولون انها شربت سم وماتت
ما صدق قال في نفسه أكيد ان احد شافني معها وردوها لا تسرح وقالوا للولد إذا سأل عنها احد قل انها شربت سم وماتت قال احسن لي ارسل قصيده لواحد من ربعها اللي امون عليهم واسأله وش صار بالضبط قال يا ولد تعرف واحد اسمه منير قال الولد أعرفه قال انا بعطيك رساله وصها له واذا قراها وحصل البل بيرسها لي قال الولد هاتها

استلم منير الرساله الا هويقول فيها




يا منير ما جاكم عن الترف ذكار
صحيح وان صخيف الروح غادي
صحيح والا نطلبلـة علـم قمـار
او جا عنه راع العلوم الوكـادي
وكنك ضربت الكبد نطحٍ بمسمار
من يوم قيل الموت للترف صادي
وانس على كبد كما حر مخطـار
شي جرا جاللبـلا مـن فـوادي
ودك لوالدنيا تصنـت للاشـوار
والموت ياتي لـه نذيـرٍ ينـادي




يوم قرا منير القصيده ما كان يدري عن اللي ارسل له من كان يحب بس قال اكيد ان اخر من مات اللي شربت السم وانه كان يقصدها ورد عليه يقول




صحيح ماهي نطلبلـة علـم قمـار
وانا عنـه راع العلـوم الوكـادي
دنياك هذي ما تصنـت للاشـوا ر
تضرب على مشهات نفسه عنـادي
لوشاورتنا كان ما حق مـا صـار
نفدي بناسٍ عـن ظبـي الحمـادي
ياحيف ياعضودٍ كما وصف جمار
يودعهـن القبـر المهبـا سمـادي
ونهود حدر الجيب غضات الاثمار
والـدود ياكـل مغتـرات الثنـادي
وشقرٍ ضفرهن طولهن خمسة اشبار
يعبا لهن غير الرشـوش الزبـادي
وياحيف ياهبـاس للتـرف قبـار
هبس قرونه عقب ما هـن بعـادي





وسلامتكم


منقول


تحيتي أخوكم/ عقاب الحويماني

[عبدالله العريدي]

عقاب

يا مال العافية على القصة الرائعة و الابيات الجميلة

بيض الله و جهك

تحياتي لك

ابو خالد

[عقاب الحويماني]

أخي / ابو خالد الروقي

لاهنت على المرور يالغالي



تحياتي / عقاب الحويماني

[غازي البقعاوي]

مشكور على هالقصه
لو انها حزينه وتعطينا عبره من قلة الوازع الديني
والعادات الجاهليه بالتحجير واحتكار حرية انسان بمجرد كلام
يصدر من احد اقربائه
نحمد الله على نعمة الاسلام
والعصر التنويري والصحوة الاسلاميه

ولك تحياتي

[عقاب الحويماني]

أخوي / غازي

لك مني كل الاحترام و التقدير على الردود الجميله وشرف لي مرورك والتعليق الجميل

والصحوه التعبيريه التي إستشفيتها من الكلام المنمق

ولاهنت على المرور يالغالي



تحياتي / عقاب الحويماني

[فارس من الفريس]

الله يعطيك العافيه والله يرحمها ماتت بسبيل الحب والحب بلوا
الله يعطيك العافيه علا النقل

[عقاب الحويماني]

أخوي / فارس من الفريس


لاهنت وشرف لي مرورك العطر فتقبل التحيه والاحترام


تحياتي /عقاب الحويماني

[سعود بن مويسان]

بيض الله وجهك مؤلمه حقا

عاداااااات جاااهليه لابارك الله في هباااااااااس تنخاااااه

عن الموت ويحداااها يمه

[عقاب الحويماني]

الله يسمع منك يابو مويسان


غالي واغلى من الغالي ,,,,,, تحيتي على مرورك,,,,,,,,,,,


أخوك / عقاب الحويماني

[fahad8088]

مشكووووووووووور على القصة وما قصرت,,,,,

أخوك / الروقي.com