نصايح العريض بالقصيده ( الاربع معاني ,, والثلاث ) يالله يامنقع الطيب ياعتيبه

[عقاب الحويماني]

السلام عليكم ورحمة الله وبركاته

حبيت أورد في منتدى الطيب بعض الوصايا من أحد أبناء هذه القبيله وهو العريض من الدلابحه من ربعنا (الروقه )

والروقه طول الله في عمارهم لهم فالطيب باع وذراع من غير قصور في (برقا) وكان الشايب طول الله عمره جار

للدلابحه ويوم(ن) يتقهوون عنده ويوم(ن) يتقهوا عندهم , وكان العريض شاعر ولايحضرني إسمه وكنا فالمجلس عند

الشايب وكان العريض مسير على ابوي العصر يتقهوا وكان معظم المجلس من جيلنا يالشباب وقال العريض إسمعوا

ياشباب أنا قلت قصيده ودي إنكم تسمعونها وتحفظونها وتستفيدون منها وهذه القصيده بمثابة نصيحه أو بالاصح حث

الشباب على العلوم الطيبه و(المراجل) وهي أربع معاني ( وهي الطير والحرمه وزرع القيض والغنم)

وثلاث معاني (وهي الابل والنخل والطيب وفعل الطيب فالطيبين )

وإليكم القصيده لمعرفة الوصايا


قال العريض :

أربع معاني من عشقها غميضي ×××××× وثلاث معاني للعراف فيهن الاسناع

الطير والحرمه وزرع المقيضي ×××××× وصفر العيون ماحطينا بها ضاع

والابل مع الوبال مال(ن) غليضي ×××××× وخضر الجريد اللي على البير شراع

والطيب فالطيب حزام(ن) وثيقي ××××××× تلقاه فالطيب على كل الاسناع


وسلامتكم,,,,,,,,

تحياتي أخوكم/ عقاب الحويماني

[الغريب511]

السلام عليكم ورحمة الله وبركاته
بيض الله وجهك يابن فرج
اخوك الغريب511

[ناصر الحافي]

عقاب بيض الله وجهك وصح لسان الشاعر العريض
اتمنى لك التوفيق

[عقاب الحويماني]

أخوي / الغريب511

شرفني مرورك يالغالي ولك مني اجمل التحايا



أخوي / ناصر الحافي

أسعدني مرورك ياهلا ورحب ولك مني كل الاحترام



تحياتي أخوكم/ عقاب الحويماني

[ابوبندرالشيباني]

الاخ عقاب الله يعطيك العافيه
وصح لسان الشاعر
وبيض الله وجهك
اخوك ابوبندر

[عقاب الحويماني]

أخوي / ابو بندر


عزيز وغالي ولاهنت على المرور ولا فيك حيله



تحيتي أخوك/ عقاب الحويماني

[الاد العسيلي]

عقـــــــــــاب بيـض الله وجهـك
ومـا قصـــــرت
ومشكور

[عقاب الحويماني]

الاد العسيلي

لك مني كل التقدير والاحترام ولاهنت على المرور وشرفتنا ياطويل العمر



تحياتي / عقاب الحويماني

[fahad8088]

ما اقول الا جزاك الله خير وبيض الله وجهك

اخوك / الروقي.com

[القلم الحر]

يعطيك العافيه ومشكور