محاوره العصيمي والمسعودي

[منصور البرقاوي]

المسعودي






سلام الله عليكم عد مايبدي ورق في عود
نبا منك السوالف وانت يامستـور هذبهـا
علامك يالعصيمي تختلف فالوعد والموعود
وانا خابر وراك رجال تفتل في شواربهـا




مستـور








هلا يامرحبا حييت ياشاعر بني مسعـود
تدور للسوالف من عتيبيـاً يجيـك ابهـا
نهار انا تواعدنا على وضح النقا المجرود
بهيبتنا كسرنا القوم قبـل انـا نحاربهـا







المسعودي









بغيتوا يوم جيتوا مالقيتوا غايـة المقصـود
ومنهو ذل له من علة مامات غيـر ابهـا
نهارك صادفه رمضا واصابتك الليال السود
وحنا خابرين اسود سمحـه مـن ثعالبهـا






مستـور








ياعبدالله لابد العلم يطلع فيه نقص وزود
وانا اصحح علوم الصدق والكذبه نكذبها
تدورنا وتعزمنا لضيفه بابهـا مـردود
تهاون بالعزيمه مانت داري عن عواقبها






المسعودي









تبا تزبن على الحيد الزبين وتبذل المجهود
سواة الغاوي اللي مخلف الساقه وعاقبهـا
لكنك حج واحرم والفريضه بابها مريـود
ليا صح البدن باقي المراجل من مكاسبها






مستـور







ليامنك جحدت اللي حصل عندي عليك شهود
شهوداً تشهد انـك سبهـا وانـك سبايبهـا
لقيت إيدامها قدامهـا فـي سبلـك الممـدود
وبعض الناس وشهو عذرها في ترك واجبها






المسعودي








تلحقها بعد راحت عليك وفاتك العنقـود
تلد بعين والا عين ماتقـدر تلـد ابهـا
تهز البندق اللي تاكل الصفره مع العبرود
ولو يرمي بها الرماي ضايعةٍ مضاربها






مستـور








اظنك ماسمعت اللـي ينـادي والعبـاد رقـود
عديم المعرفه يدعي على الصنعـه وصاحبهـا
بعد حاشتني الطرقه وجيت انشد عن اهل الجود
واثرهـا مقبـره لقبورهـا تشهـد نصايبهـا





سوالي للجميع وش معنى هالمحاوره بين الشاعرين
لانني قرأت واحد يفسر معناها حادر له وادي ويقول معنى المحاوره
في محاوره سابقه لم يصل الشاعر العصيمي للمعنى وهنا يعاتبه المسعودي
ع عدم معرفته لمعناه في تلك الليله ههههه؟؟

انتظر ردودكم ولكم تقديري

[حمود بن خيشوم العصيمي]

حسب علمي ان معنى المحاوره حول عزيمة مبدى عتيبه على ثقيف ودار كلام كبير حول حجم المبدى
وخوفا من أي خلفيات لانه صار هناك حساسيه من الطرفين وتسرب الخبر للجهات الرسميه وتم وقف الزياره ويقال ان التسريب من ثقيف وقد يكون بطريقه غير رسميه ووقفه رائ حكيم لان الاعداد من قبائل عتيبه كان كبير جدا

ولذا يقول مستور الله يعطيه الصحه والعافيه

تدورنا وتعزمنا لضيفه بابهـا مـردود
تهاون بالعزيمه مانت داري عن عواقبها

ويقول:

نهار انا تواعدنا على وضح النقا المجرود
بهيبتنا كسرنا القوم قبـل انـا نحاربهـا

آخر تعديل حمود بن خيشوم العصيمي يوم 19-Apr-2013 في 06:51 PM.

[راشد النفيعي]

نعم المعنى كما ذكره حمود وهو معروف وقصته معروفه

لان احد شيوخ قبيلة هذيل خاف من حدوث مالا يحمد عقباه بسبب الجموع الغفيره من

القبائل التي ستحضر المناسبه وحدث خلاف بين شيخ قبيلة هذيل وصاحب الدعوه وتقدم شيخ القبيله

للاماره بمعروض يخلي فيه مسؤوليته عن اي احداث

تحصل بسبب العزيمه

ولذلك مستور يقول في عرض كلامه



اظنك ماسمعت اللـي ينـادي والعبـاد رقـود
عديم المعرفه يدعي على الصنعـه وصاحبهـا
بعد حاشتني الطرقه وجيت انشد عن اهل الجود
واثرهـا مقبـره لقبورهـا تشهـد نصايبهـا


وفعلا شيخ هذيل اتخذ القرار الصائب

[منصور البرقاوي]

حمود بن خيشوم

وراشد النفيعي

بيض الله وجيهكم فعلاً هذا هو المعنى
والقصه كما هي معروفه عندما زار العتيبي زوج ابنته القرشي من اهل الهدا

وشاهد ولد بنته وسأل لمن هذا الولد فقال القرشي ولد بنتك فساله لماذا
لم تخبرنا فقال ولو اخبرتك وش بتسوي هههههه فنتخا العتيبي في ربعه عتيبه

شاكر لكم جمال المرور ايها الانقياء