الشاعر / مستور العصيمي لعكــــــاظ :لن أعتزل المحاورة والقاضي شاعر الهيلا لسببين

[الجوراسي]

لا اثق في شهادات الشعراء لبعضهم

[عزارم]

بالنسبة ان زبن القاضي يكون شاعر عتيبه كشهاده من الشاعر الكبير مستور العصيمي هذا يكون فخر لزبن القاضي في الاعلام وفي الساحات الشعرية للمحاوره.
وفي اعتقادي ويوافقني الكثير ان لقب (شاعر عتيبة) صعب ان يطلق الى شاعر معين من القبيلة
لان عتيبة يمثلها الكثير من الشعراء في فن المحاوره وكل له ايجابيات ومواقف مشرفه بغض النظر عن السلبيات التي تجبر الشاعر لطرقها اما بسبب اساءة الشاعر المقابل أو موضوع ماااا؟؟
,أظن ان مستور العصيمي لما قال ذلك كان على معرفة ان عتيبة فيها من الشعراء الكبار الذين في التقييم في المستوى الشعري هم افضل وأعلى جزالة شعر من الشاعر القدير زبن القاضي ولا أضن ان له من ورى ذلك مصلحة كقول بعض الاخوان ولكن يريدها كتشجيع للشاعر زبن القاضي وردا على من يقول ان زبن القاضي شاعر عادي من ضمن الشعراء العاديين في المحاوره.

وفي النهايه اقول الى زبن القاضي

يستاهـل التكريـم و العـود سمـاه
يوم انه عن شتم القبايل يحايز
يازبن كـان انـك تبـى الضلع ترقاه
احزم حزامك لاتسمت مشايز
اعرف تـرى دونـه بواريـد و ارمــاه
و فيـه الذيابـه مـاتعـد الجنايــز
كــم واحـــدن روح ولا كــان ينعــاه
يـاكـود من ربعـه صغـار وعجايز
تبغى الصراحه كان تبغاه ماشقاه
يجــوز لك ولا علـى غيـر جايــز

[ماجد الحبردي]

شهادة مستور العصيمي راي شخصي له مع احترامي لشخصه
ولكن شاعر الهيلا /ملفي المورقي ولد روق

[سلمان المرشدي]

مستور شاعر علم لكن اخطااااااااااااااء خطاء كبر برزان
اذا كان زبن شاعر الهيلا وين راحو

رشيد الزلامي

حبيب العازمي

ملفي المورقي

حمدان العصيمي

سفر الدغيلبي

اعتقد يابو تركي هذاء رائك ولايوافقك عليه احد

[فهد العازمي العتيبي]

..


الله يطول بعمر ابوتركي

شاعر فحل وعلم من أعلام الشعر

وكل شعار عتيبه يستحقون لقب شاعر الهيلا

وفيهم الخير والبركه جميع ،،،

التوقيع

للتواصل على تويتر https://twitter.com/falotaibi5115 ،،

[عبادي المقاطي]

يالربع مستور شاعر كبير وقال شاعر الهيلا هو زبن وين الخطاء

هذا انتم كلن يقول على كيفه منهو شاعر الهيلا اللي يقول ملفي لا سمح الله

واللي يقول رشيد لكن تبقى ارائكم الشخصية والحقيقه اكثركم نكره امام الشاعر الكبير مستور

مع احترامي لكم


وانا ماني مرشح احد لاني ماني بمقام مستور

[حمود بن خيشوم العصيمي]

مستور بن تركي منح زبن القاضي اللقب من باب التشجيع والدعم وهذا في حد ذاته يكفي زبن
فلو كل شاعر من شعراء عتيبه الكبارأخذ بيد أحد شعرائها الصاعدين لكسبنا جيل شعراء عمالقه جديد
فالثناء أفضل من تحطيم المعنويات والنقد القاتل للموهبه