الطارف حياه الله "

[احمد حامد الزايدي]

الذهب والماس عمله غاليه والسوق غالي=ومن يبيع ويشتري فالسوق يحفظ راس ماله
والتجاره من قديم الوقت مدهل للرجالي=مدهلٍ فـيـه المكاسب فالحقيقه والأصاله

[عبدالله الفهد الاسعدي]

الذهب في زود دايم 00 يا عرب يا هملالي !! = من يناله ياجماعه ضامنٍ مكسب رياله
والتجاره تتعب التجار في شرق وشمالي = ماش كاش 0 ولاش دين وحالة التجار حاله

[احمد حامد الزايدي]

ناله التجار يارجال من ماض الليالي=والمكاسب ماكسبها الا رياجيل الشكاله
ماش شيء بل تعب فاالولات وفالتوالي=والجمل سمحان شال الحمل يارجال شاله

[عبدالله الفهد الاسعدي]

صاحب الصنعه يبا يضرب على فعله مثالي = والحقايق لو تكشف كان ما يطري مثاله
التعب مخلوف يا احمد والجواب من السوالي = والجمل سمحان دوب اليوم مافكوا عقاله

[احمد حامد الزايدي]

صاحب الصنعه فهيم ومن رياجيل المعالي=والحقايق ثابته والطيب اللي زان فاله
والجمل سمحان مايجهل طريقه فالجبالي=نال مدح الناس في كل الدول لا شك ناله

[عبدالله الفهد الاسعدي]

كل شخصٍ تكبر إذنه يستمع قول العيالي = ثم يبحل فالنظام وتشغله قرقة عياله
يابو حامد لا يطول الوقت في بعض الجدالي = خابرين العلم زين ولا جهلنا ف/ الرساله

[احمد حامد الزايدي]

من يحب العدل يارجال يمشي بعتدالي=يذكرونه بالجميل وما حدٍ يجحد خصاله
والجدال أنا اكرهه ماحب تعقيد الحبالي=لا تعقد فالحبال أحسن لك اتحب العداله

[احمد حامد الزايدي]

تصبح على خير يالغالي ، ومع السلامه

[عبدالله الفهد الاسعدي]

العدل من شرع ربي والبشر فيهم تعالي = والتعالي ما يجي ياكود من قومٍ حثاله
احمد الله مع رجال الطيب ماشي ف/العدالي =حاشم حق الصديق وحاشمٍ عمه وخاله

صح لسانك مدد بلا عدد أخ احمد

وبيض الله وجهك على هذا الطرق الجميل

تشرفت باللعب معك

والختام عندك إن حبيت

لاهنت

[معجب العتيبي]

الزايدي والاسعدي


صحة الالسن


حكم وفوائد


استمتعت بالقراءه

التوقيع