حداة قبيلة عتيبه على قبايل هذيل

[أبو البراء...]

السلام عليكم ورحمة الله وبركاته
هذي حداه للشيخ الشاعر/فهد بن محمد بن ريف السليفي المقاطي العتيبي بأسم قبيله عتيبه الهيلا على قبايل هذيل في زواج ابن الشيخ الدكتور/فهد المعطاني في قصر السلام في مكه المكرمه بعد ماأجمعوا مشايخ وشعراء قبيلة عتيبه على هذه الحداه ويقول فيها ابن ريف:

الاوله سلام منا يا قبايل=عداد ماتمطر هماليل المخايل

رديت(ن)تنصاك ياشيخ الفصايل=يالعزوه ألي باسهم باس(ن)شديد

والثانيه حنا ليا جات الصمايل=أعتيبه الهيلا عريبين السلايل

ذباحه الحايل ونلطم كل عايل=في حال ملينا وحال(ن)من حديد

والثالثه وش رجل فالمبدى مخايل=رجل(ن)مسوي فكثر العالم جمايل

يوخذ منه بعض الفوايد والدلايل=مازون جسمه لايقل ولا يزيد

والرابعه وش بنت ياعيال الحمايل=بنت(ن)عنوس(ن)عمرها ولها جدايل

وليا تغير طبعها جات الهوايل=والله يدبر مايحب ومايريد

وسلامتكم وترا قبيله هذيل ردت على الحداه والله ماتحضرني ولكن لم يحلوا الأغاز الاثنين وترا الغز مطروح يشعار المنتدى ولكم جزيل الشكر..

[(مہودع دنہيأهہ)]

والله ونعم في عتيبه وفي هذيل.


وبيض الله وجهك يابو البرااء على النقل ولاهنت.وصح لساان الشيخ الشاعر فهد بن محمد المقاطي العتيبي




تقبل مروري:وننتضر جديدك


أخووووووووووك

[أبو البراء...]

وجهك ابيض وشكرآ على المرور

[محمد الذيابـــي]

مشكور على النقل يالغالي

التوقيع

التوقيع محمد الذيابـــي

[أبو البراء...]

الله لا يهينك وشكرا على المرور

[نافع]

والله ونعم
حداية في منتهى الروعة وحل اللغزين فيما يبدو لي صعب جداَ

[حمود بن خيشوم العصيمي]

رديت(ن)تنصاك ياشيخ الفصايل=يالعزوه ألي باسهم باس(ن)شديد


وونعم بابن ريف


ومنهو شيخ الفصايل؟؟





اللغز الاول ؛ أقول انه الجدي

[أبو البراء...]

الله لا يهينك يانافع وشكرآ على المرور



وشكرآ على المرور ياحمود العصيمي واقرا المناسبه الله لا يهينك وتعرف شيخ الفصايل يذيباااان وتراك منت بعيد في الرمعه