موت الشعر

[نايف العبيد العتيبي]

لكل من يحاول أن يتشبث بزمام الشعر
ليرتقي إلى مكانة لا يستحقها !!
أو أن يبحث عن تلميع نفسه وسط الساحة !!
يؤسفني , أن أضع النقاط على الحروف
وأعلن لكم (((( مــــــوت الشعــــــر ))))

/

هاضت قريحة شاعرٍ بقعاوي = من منطلق تسبيلته وشْعوره
ذيب القصايد في ضلوعه عاوي = يقنب على حزم الشعر مع قوره
شاعر محنّك للثقافة حاوي = يغرف من أنهار الشعر وبْحوره
ماهوب شاعر مبتدئ أو هاوي = تجاربه معروفه ومخبوره
الشعر لا قاله نقلْه الراوي = نقوة تماثيل الشعر بشْطوره
يلعب على طرقه سبيب الجاوي = بين العدام ابسهلةٍ ممطوره
مارتّب ابيوته عشان الغاوي = شاعر ينومس لاحظر جمهوره
أقبل يدوّه في خلاه الخاوي = قريحته مما جرى مبهوره !
أعياه وضع الساحه الفوضاوي = كلٍ يقول إنه زعيم الثوره
كلٍ يقول أنا الشهاب الضاوي = أنا طبيب الساحة ودكتوره
أنا الوحيد ولامعاي امخاوي = خلّيت شعّار النبط مقهوره !!
فجرتها يامصعب الزرقاوي ؟ = مانت بسهل يالابس الكندوره
اركد وخلك في مكانك ثاوي = لاتهين نفسك لجل تنشر صوره ؟
مانت بفهد عافت ولا العشماوي = ولا رشيد القلطة ومستوره
فقران وطايح لك على فقراوي = مغمور في صحيفةٍ مغموره
مْهايطي ودّك ولا إنت ابقاوي = شعرك يخور وجملتك معثوره
وكانك تبي تطلع وفعلاً ناوي = خلّك مقدّم أو محلل كوره ؟
الله يرحم مقحم النجداوي = وبديوي راعي الشيخة المشهوره
وراعي الصفاة عبيد والظلماوي = كلِ خذا قسمه وروّح دوره
واليوم ابرثي شعرنا المتهاوي = وآبدفنه وسط اللحد بقبوره

معاني المفردات :

السبيب : ذيل الفرس , وهنا جاء بمعنى وتر الربابه .
الجاوي : الجاوني , على شكل حجر ابيض يدعك فيه قوس الربابه .
العدام : الشجر .
الكندورة : الثوب .
مقحم النجداوي : مقحم بن فالح النجدي الصقري العنزي صاحب قصيدة شيخة عنزة .
بديوي : : بديوي بن جبران بن جبر بن مسفر الوقداني العتيبي . صاحب قصيدة شيخة عتيبة
قال عنه ( طه حسين ) وهو يبحث عن الموروث الأدبي في العصر الحديث في منطقة الحجاز
( لو أن هذا الشاعر البدوي الأصيل كتب أشعاره بالفصحى لنسي الناس المتنبي ).
راعي الصفاة : الصفاة المقصود بها بقعاء نسبة إلى أراضيها الصخرية .
عبيد : أمير بقعاء وشاعرها .
الظلماوي : دغيم الظلماوي من الشلقان من الزميل من سنجاره من شمر .

[محمد ابن رووق]

قصيده جميله


وفكره جميله


وتنسيق جميل


مااقول غير ماشاء الله

[محمد@الجعيد]

هههههههههههه

صح لسانك وبيض الله وجهك جزله من جزل

[محمد الذيابـــي]

صح لسانك يانايف العبيد

التوقيع

التوقيع محمد الذيابـــي

[نايف العبيد العتيبي]

/

تعالو نصلي عليه صلاة الغائب ..!!

[نايف العبيد العتيبي]

محمد بن روق

صح بدنك ولاهنت

مرورك أسعدني وشرفني



/



دُمت بود

[نايف العبيد العتيبي]

صح بدنك يامحمد بن جعيد ولاهنت

مرورك أسعدني وشرفني



/



دُمت بود

[نايف العبيد العتيبي]

محمد الذيابي
صح بدنك ولاهنت

مرورك أسعدني وشرفني



/



دُمت بود

[شامان الروقي]

صح لسان استاذ نايف

قصيده راقت لي كثير بارك الله فيك

اماالشعر فحاله يرثى لها ولا شك ان مستواه من دون في دون لانه متماشي مع الوضع العام والناس اصلاً تغيرت طبايعهم هم بأنفسهم وهذ لاشك مؤثر على شاعريتهم لاكن الساحه لايزال فيها بقاي شعر وشعراء

تقبل مروري رعاك الله

[نايف العبيد العتيبي]

شامان

تسلم ياسنايدي
والله لايهينك , مرورك وحضورك أسعدني


دُمت بود