سلطان بن دحيم=
تعال يا سعود والله يقلعك يا سعود = حيث انك اللي مسبب للعرب مشكله
مير الامل في خيال ٍ فيه برق ورعود = يذبح ويحيي وكل ٍ يرجع لمنزله
سعود العصيمي=
ياللي تنادي سعود سعود عم الفهود = على شداد المعزة ماحد ٍ حوله.؟؟
لاترتجي الخير من عقب الجمل من قعود = الجيل الاخير غير العالم الاوله!!
سلطان بن دحيم=
يا عم صابك عمى ولا ان قلبك حسود = الواجب اللي عليك اظن ما تجهله
ان سال واد الرمه واشتال عرق النفود = والله ل تخضر ديار ٍ مبطيه ممحله
سعود العصيمي=
اعطيك سمن وعسل وتقول ابا منك زود = على كذا وين من يشبعك من منزله!!
ماهوب مشتالها لوكان نوه يقود = من دونها حد سيف ٍ من يجي يأكله!!
سلطان بن دحيم=
انته كلامك يا ابو طايل يداو الكبود = مير البلا اللي تقوله ليه ما تفعله
العام الك زند يقدح من خيار الزنود = واخذته ام الكباير وامرها تقبله
سعود العصيمي=
مانته على ماتقول من الكلام محدود = وليا لزمنا الامر ماتعمله نعمله!!!
ماهمني غير يوم انك تمد الهنود = واللي قريّب من اهل البيت ماتسأله!!!
سلطان بن دحيم=
هذا كلام الحقيقه والاوادم شهود = يا لابس المشلح انته تعرف مفصله
ايام عمرك تغيّر بين بيض ٍ وسود =يا باذر ٍ في مزارع جارك السنبله
سعود العصيمي=
اطيب شهودك نهار العلم هذا شرود = يمكن مايشهد معك لو هو يبا المرجله!!
هيا اغتنم فرصة ايام السعد والسعود = العمر محدود وايام السعد مقبله!!
سلطان بن دحيم=
قال المثل خف من الخبل المعافا الهبود = لكن مصير الشنب للموس لا تفتله
ما اطري على بالك الا اعتزوا بالجدود = الموقف الحامي يردك وتعرف هله
سعود العصيمي=
حنا رجال ٍ علمنا فوق راس العمود = تبا تقوم القيامه محد ٍ نزله!!
الموز يكفي عيال الضلع لاجت ورود = والسيف من زل دربه حقه ويقبله؟؟
سلطان بن دحيم=
والله ونعم ٍ بكم لو تحفظون العهود = بالله وش معك لو جاء للرعد زلزله
الا على الطاري من اوصلك ضلع القرود = وانته ما طاري ٍ عليك منول ٍ تأصله
سعود العصيمي=
صاروخ يمسحك ياسلطان عن الوجود = واللي تشوفه صعيب نقول يا ماسهله!!
مريت صدفة وشفتك ياوسيع البنود = بغيت امرك وصار الدرب فيه اوحله!!
« آخـــر الـــمـــشـــاركــــات »
28-Apr-2010, 08:47 PM
العرض العادي
