الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > الشعر الشعبي

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 05-May-2022, 04:23 PM رقم المشاركة : 1
معلومات العضو
امير الصفوى
عضو نشيط

الصورة الرمزية امير الصفوى

إحصائية العضو





التوقيت


امير الصفوى غير متواجد حالياً

افتراضي يقول من يحرص على فاخر القول

((((( فاخر القول ))))))=
يقول من يحرص على فاخر القول=جزل الكلام الكايف المرتجليا
مختار بعناية وحالي ومعسول =احلى من السكر وذوب العسليا
ذا طابعاً باذخ ومعنى ومدلول=من هاجساً للمفردات امتثليا
الله على جيباً ومن نوع بترول=متناسق الهيكل عريض العجليا
ما يعتليه الا مطانيخ وزحول=اهل مقاماتٍ رفيعة وعليا
اللي ليا شفته شريته على طول=لوكان سعره يدبلونه دبليا
ومواصفاته شي ماهو بمعقول=بالذات صوته عندما يشتغليا
تنتابك الدهشة وينتابك ذهول=لا حث سيره بالطريق وبتليا
قدام والريوس معطل ومفصول=اما سهل ممتد ولا جبليا
ولا دياراً جاتها امطار وسيول=والاودية من ماي الامطار مليا
كنك على اللي تقطع الارض وتجول=درب الوعر تمشيه مثل السهليا
دبابةً من صنع وليم وديقول=ذات الفعالية بحقل العمليا
محمولةً في ناقلة حرب واسطول=بعد اعتراضاً من جميع الدوليا
يوجد لها في معرض الحرب كشكول=يحوي رسوماتٍ تثير الجدليا
دبابةً ترسل من النار هذلول=اليا قبس جمر الوغاء واشتعليا
وصفتها توصيف والوصف موصول=للي بوصفه يضربون المثليا
انهج مع راعيه محفول مكفول=ومحال تشعر بالطفش والملليا
خويك اللي له مواقيف وفعول=رجال ينطح كل خطباً جلليا
متقصدين ارضاً بعيدة عن الضول=بعد المسافة بين الارض وزحليا
روابعاً جاها من الغيث هملول=حتى ارتوى منه الوعر والسهليا
مدة شهر والغيث في رش وهطول=منذو عقوداً ماضية ما هطليا
والارض من حولك ينابيع ونجول=اخفت معالم كل ذاك المحليا
والطارف امن الصيد غزلان ووعول=مع الحباري والقطا والحجليا
والكل بيدينه طراز ام ناشول=نوعاً من الالمان توه وصليا
مطلوب من لا يندرق حزة الدول=ابواردياً ما يروغ المثليا
تقول مصبوبة من الماس واللول=من صافي الفولاذ يامن سأليا
شغلة يهودياً على الصنع مجبول=اللي على الشغل النظيف انجبليا
قناصةً ما حصلوها في المول=جت بالطريق الملتوي والحيليا
تودع وتجعل شارد الصيد مقتول=اليا انطلق مذعور ولا جفليا
وتوقفوا في روض ماهو بمدهول=فيه الخزاما والسكب والنفليا
بطراف واديٍ ما به من البشر زول=والذيب يعوي راس قمة جبليا
والنار والدلة وتمرا ومعمول=الذ من ذايب خلايا النحليا
والوقت ليل وشايك الامر محلول=اليا وقع شيً عسير وحصليا
وادو حقوق الله عليهم على طول=والكل ناجا خالقه وابتهليا
وانحو لجلستهم طرف روض ونهول=تحت النجوم اللي سوات الحلليا
شفقين لقروماً على موعد وصول=خوياهم اللي ركبهم ما وصليا
ندر رياجيلا مطانيخ وعدول=اللي غترهم تعتليها العقليا
الحي منهم ينطح الخوف والهول=ون قام عزمه ما يعرف الكلليا
وامضو شهر يسوى جميع اشهر الحول=رحلة تسجل في سطور السجليا
لا صار واصبح ليلهم مرخي سدول=تجاذبوا قولا يداوي العلليا
سوالف تجذب لها ارواح وعقول=ما طبها قول الكذب والدجليا
مرة حديثا عن غزوات وخيول=واحداث في التاريخ ما تنجهليا
سردا من التاريخ ماهو بمملول=ينبيك عن كل الملل والنحليا
واخبار ناساً ذو تقاليد وووصول=قوما تشيل حمول ما تحتمليا
ثم اوردو شعرا له اصغاي وقبول=يتناقلوه الناس منذو الازليا
شعرا عفيف ويحتوي وصف مجمول=من جزل ما سطر بشعر الغزليا
غنو به دهاةً قواصيد وفحول=توصيفهم بين الحياء والخجليا
هذي سوالفهم وفي منتهى القول=قافي وصل لنهايته واكتمليا
والبر له في خافقي عشق وميول=ون جيت له زعلان راح الزعليا
والعيش في برا عن الناس معزول=يسوى حياة أهل الشقق والفلليا
والختم صل الله على خير مرسول=صفوة جميع الانبياء والرسليا
جندب المالكي=















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »02:36 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي