قبيلة مطير والعتبان \ بالقول والفعل تتشابه .. رساله الى الجويهل

[سلمان المرشدي]

اليكم هذه القصيده الرائعه للشاعر شبكه منتديات عتيبه عبدالله بن مرزوق المرشدي العتيبي
رداً على قصيدة فارس الدلبحي وذكر فيها الجويهل



لي صاحبٍ بالوفـا مافـان
مافيه مثله مـع اصحابـه


يحرص على الربع والخلان
وعن الردى يمسك اعصابه


الدلبحي مكـرم الضيفـان
ياسعـد منهـو تعزوابـه


فارس اليا بارو الصدقـان
يجيـك فـازع بمشعـابـه


جاني جوابه ورى الصمان
واخذت ساعه وانا اقرابـه


لاهنـت يابـادع القيفـان
لاهـان قـافـك وكتـابـه


اما الجويهل فهو غلطـان
وامطير ماتحسب حسابـه


لنه جويهل وفيـه جنـان
ماتستـره ضافـي ثيابـه


يستاهل الـذل والحقـران
يستاهل الشين مـن جابـه


وان طعتني ناسب المطران
واقرب من الطيب تحضابه


قبيلـةٍ قدرهـا لـه شـان
تلقابهـا انمـور وذيابـه


ماهمها كايـنٍ مـن كـان
للعـز والمجـد كسـابـه


قبيلـة امطيـر والعتبـان
بالقـول والفعـل تتشابـه




شاعر شبكة منتديات عتيبه عبدالله المرشدي

آخر تعديل سلمان المرشدي يوم 11-Mar-2012 في 03:32 PM.

[محمد بن سمار الحنان]

هذا الصحيح ودك القبايل تتوحد ضد البياسر واللبرالييين وطرش البحر

حرام القبايل تاكل بعضها بدون سبب

صح السان الشعار

وتسلم يمينك يالمرشدي

المادح والممدوح كلهم يستاهلون الطيب

[محمد الذيابـــي]

..



صح لسااااااااااااااانه

التوقيع

التوقيع محمد الذيابـــي

[سلمان المرشدي]

الحنان كلامك عين العقل الله يسلمك
وشكراً على مرورك طال عمرك

[نسل عساف]

والله ونعمين بالمطران ،
صح لساان المرشدي - وبيض الله وجهه
سلمان انا اشهد انك وافي يالسنافي

[سلمان المرشدي]

محمد الذيابي
شكراً على مرورك

[سلمان المرشدي]

ولد عسااااف والله ونعم ابك أنت ياسلايل ردادة البراء
سلاطين نجد الجذعاااااااااااااااااااااااان

تشرفت بمرورك طال عمرك

[سلمان المرشدي]

يرفع للاطلاع