...(((مساجلة بين الشاعرنياف العضياني والشيخ بدر بن زريبه))
قصيدة الشاعر : نياف العضياني
سلام يانسل الرجال الوفيين=اهل الكرم واهل الوفاء والشكاله
واهل السعد دايم كعام المعادين =واهل القنى واهل الرخى والجزاله
واهل العلوم الغانمه والحشيمين = كسابة النوماس واهل الجماله
جذعان وقت الحرب مثل البراكين = تثور في وجه العداء والحثاله
ويابن مناحي ياسليل الكريمين = من لايقول الحق واعزتاله
انتم هل الوقفات وانتم سلاطين = وانتم عمام الطيب وانتم خواله
وانتم ستر من يلبسن الفساتين =واقولها ياصاحبي في عجاله
الحب دك القلب دك الميادين = واصبح على ماقيل مماجراله
كنه يذوق اليوم طعم الامرين= من بعد فرقا الي يشح ابوصاله
الزين كحل العين سيد المزايين =الي عسا ربي يطول لياله
رد الشيخ بدر بن مناحي بن جدي بن زريبه
ياهاجسي بالله قلي على وين= خابرك نوب الجو تترك مجاله
ابغاك تال الليل والناس ممسين= ترسل علي ابكار غيدك رساله
نوادر(ن)مادونت فاالدواوين=ولارددوها مغنية لال لاله
تعال جاني خط ناسن عزيزين=ناس لهم فالمعتلى كل طاله
نياف من ربع زحولن منيفين=عضيان لاقالوا هل الخيل صاله
الهم على الطالات دايم براهين=والهم على النوماس دايم جزاله
الشمري قد قال والناس دارين= من ضرب اهل عمهوج رحنا دباله
مير اقمحن يالابسات السباهين=ولاعندي اكثر ياولد من مقاله
غير انكم وافين وافين وافين= واهل العلوم الطيبه والشكاله
والعلم الآخر كانها بالملايين=نجيبها بامر الولي لامحاله
وان كانها بالجاه حنا وجيهين= بدر معك بالجاه ولا بماله
واختامها ماطاف مكه ملبين= صلوا على المبعوث راع الرساله
« آخـــر الـــمـــشـــاركــــات »
04-Mar-2012, 05:20 PM
الشمري قد قال والناس دارين...(((مساجلة بين الشاعرنياف العضياني والشيخ بدر بن زريبه))
العرض العادي
