عتيبه الهيلا والحاقدين على تاريخها ونسبها

[ذيب روق]

تسلم ياخلف ويسلم سمران ابن عمك كلام ذهب صافي تحياتي ياعزوتي.

[مستشار القبيلة]

لاهنت يا خلف على الموضوع الرائع

و صح لسانك و صح لسان سمران القثامي

[نبض عتيبه]

موضوع متميز وصح لسان الشاعر سمران القثامي
الهيلا ونعم دام فيها شرواك يا خلف

[عبدالله المسعودي]

عتيبه
لن تصل مواصيلها
اي قبيله
ومشككككككككككككور اخوي خلف

[خيال الصغيره]

اناسعدي ياهيه من قوم شباب * من راس طلحه روقي اصلي إعتيبي
من لابت(ن) مشروبه الدم لاراب * لاجانهار(ن) راس من به يشيبي
ونثني إليامنه حصل حزم كلاب *لاجا النهار اللي يروع اويريبي
ودخيلنا ياهيه ماسكر الباب * يامن بوجه إمعزبه لويغيبي
والضيفنا ياهيه حلوين واحباب *ونجود بالموجود لوهو حليبي
ولجارنا ياهيه ستــــــر وجلباب * ندرى خمال الجار عن مايعيبي
وماجوبنا ياهيه شلناه بحساب * عن الازمه ماندرق بالنسيبي
هاذا ولكم تحياتي والمعذره تروني من الحماس نسيت معضم القصيده لسبب إنها قديمه وخانتني الذاكره ولاكن اعدكم بها كامله إن شأالله . ومن ناحيت الحاقدين دايم الطيب يحقد عليه . عمرك شفت عفن محقود عليه وتذكر بيت منديل الفهيد دايم(ماني بعض الكلب لوعضني كلب * أرفع مقامي عن نبيحه وعويه ) السلام ختام
سعودالروقي

آخر تعديل خيال الصغيره يوم 19-Sep-2007 في 02:14 PM.

[بدرالهبيري]

والله وسبعة انعام بقبيلة عتيبه روس شبابه وربعنا
وخسا وعقب من قال فيهم حرف واحد لأنهم وبكل
بساطه قبيله عريقه ومن اعرق القبائل في نجد
ويكفي انهم رؤوس هوازن وهم الهيلا ومرجحة الموازين
واخوال النبي صلى الله عليه وسلم سيد الخلق وهذا
شيئ بديهي وحتى من يكتب ويقدح يعلم تمام العلم انه
كاذب لأن قبيلة عتيبه كلن يعرفها القاصي والداني ..
واهم شيئ انكم ماتعيرون هذه الامور اهتمام فواثق
الخطوه يمشي ملكا ً وهذا هو ماتسيرون عليه ..
ومن قال وزاد وشال وحط وقدح خله ينبح لين يشبع
كلن معروفه اصله وفصله وفعله ...
صح لسان الشاعر ونعم بعتيبه قصيده جزله ..

اكثر شعوب العالم الهند والصين .. واطيب قبيله بالجزيره عتيبه

تقبل مروري وردي اخي القثامي ..

تحياتي وتقديري .. بدرعيد ..

[خلف القثامي]

اشكر الجميع على الردود المتميزه والحضور الرائع


وعتيبه الهيلا فوووووووووووووووووووق من برقا ورووووووووق


ولهم مكانه مرموقه عند القبائل الاصيله المعروفه في الوطن

[رفيع المنزل]

ياعتيبة والله ونعمين فيكم مايسب عتيبة غير اللي ظالم حظه

قسم بالله اني اذا قالوا بالدايرة الفلانية عتيبي مابلش اذا رحت لها وهذه الميزة الا وهي النخوة لاتوجد عند جميع القبائل مع الاحترام البالغ لها

قبيلة عتيبة عريقة ومعروفة وشريفة ونادرا نادرا بل لم اجد انهم قالوا هذا عتيبي ولكنه رجال عفن دايم اذا قالوا عتيبي وعتيبي اصلي ماهو يلزق نفسه معهم دايم تلقاه شهم من كل النواحي

هذا الكلام ماقوله مجاملة صراحة وانا ماني عتيبي ولو كنت مختار قبيلة لي غير قبيلتي لاخترت الهيلا

وبالمناسبة ظاهرة سب القبائل بدات تظهر عند مجموعة من المنحرفين او الساعين وراء مبدا خالف تعرف

عتيبة قحطان عنزة شمر سبيع مطير يام .... وجميع القبائل ونعم والله وعيب الرجال يخصه مايعم قبيلته


هذه مشاركتي معكم في هذا الموضوع وعذرا للاطالة

تحيتي للجميع

[الوااااافي]

تفاعل جيد مع الموضوع وهذا يدل على تكاتف ابناء القبيله الله يجمعكم على طاعته وعلى المعزه ان شاء الله ويكفينا در راعي الحفل صاحب السمو الملكي الامير مشعل بن عبدالعزيز فقد وصفنا بما لم يصف به احد قبلنا ونفتخر بوصفه ولاتنسون ان الكلاب اعزكم الله اذا ماقدرت تسوي شي فانها لاتملك الا النباح ......
ولاتنسون قول الشاعر لافي الغيداني

ان جات من طيب شقاها على الطيب لو انها اعوج من رقبة الذلولي

وان جات من مسكين منطق واساليب حطيتها بين الثراء والنعالي

واخيرا حنا نعرف انفسنا وبيض الله وجيهكم مره ثانيه وبيض الله وجه كل من ساهم في انجاح الملتقى
والسلام عليكم

[الوااااافي]

تفاعل جيد مع الموضوع وهذا يدل على تكاتف ابناء القبيله الله يجمعكم على طاعته وعلى المعزه ان شاء الله ويكفينا رد راعي الحفل صاحب السمو الملكي الامير مشعل بن عبدالعزيز فقد وصفنا بما لم يصف به احد قبلنا ونفتخر بوصفه ولاتنسون ان الكلاب اعزكم الله اذا ماقدرت تسوي شي فانها لاتملك الا النباح ......
ولاتنسون قول الشاعر لافي الغيداني

ان جات من طيب شقاها على الطيب لو انها اعوج من رقبة الذلولي

وان جات من مسكين منطق واساليب حطيتها بين الثراء والنعولي

واخيرا حنا نعرف انفسنا وبيض الله وجيهكم مره ثانيه وبيض الله وجه كل من ساهم في انجاح الملتقى
والسلام عليكم