ارحبوا ياطيبين الفعال *** من جنوب المملكة للشمال

[الطيبه كلها]

المشاركة الأصلية كتبت بواسطة أسامة العتيبي

يعطيك العافية

مجهود يستحق الثناء

الله يعافيك .

شكرا
شكرا شكرا
شكرا

لايسعني الا ان اقول ك جزاك الله خيرا . والله يجعلني عند حسن ظنكم


حفظك الله ورعاك

[الطيبه كلها]

المشاركة الأصلية كتبت بواسطة الذيابي2007

ماشاءالله لاحول ولاقوةلابالله حسبي الله رب العرش العظيم هوحسبي هوحسبي هوحسبي على كل ظالم اباح حرمت المسلمين التي حرمها ا
الله الابالحق.....ملك الملوك الآ تخشى عقابه الآتعلم قوته تجهل عذابه
سبحانه و تعالى له الاسماء الحسنى والصفات العلى كن فايكون
اذا كنت غافل عنه فانت ظالم ياظلم نسيت خالقك ..........
{اللهم ظلمت نفسي فغفري اني كنت من الظالمين}

كل الطيبه في الطيبه كلها الداعيه الى الله

بسلوب الداعيه الحريص على قلوب ومشاعر الناس
الادب والخلق الرفيع في انامل يده اعزهاء الله لرفع راية الحق
واثق لايخشى فالله لاومة لاايم ثابت على الحق لليوم السادس
فاصبر الصبر عسى ربي ان ينفع بك الاسلام ولمسلمين واصل في سبيل الله مستعين بالله متوكل عليه مدبر الامورسبحانه في حفظ الله اتركك وتصبح على خير

لا ادري وش اقولك الله يجزاك خير و الله يتقبل منك ومنا ومن المسلمين صالح الاعمال .

بارك الله لنا فيك ع التواصل الدائم

لا خلا ولا عدم

آخر تعديل الطيبه كلها يوم 04-Sep-2007 في 04:18 PM.

[الطيبه كلها]

اليوم السابع والاخير ( سلوى المبتلين على بلواه )


السلام عليكم ورحمة الله وبركاته

ارحبووووووو

ياحي الله الضيف

ياحي الله برقا وروق / وروق وبرقا ( علشان ماحد يزعل أنتم أهل محل ) وكل الناس الطيبه .

عسى الطيب فالكم وفالي .

	ياحي الله من دخل صفحتي وقراها ** قال شكرا ولا ديور وتعداها

اقلط ياولد وخذلك فنجال وعلوم جال .



ارحبووووووو

ياهلا ويامسهلا

ياولد صب القهوه وقرب القدوع لضيفنا حياه الله .

المحل محلك وحنا ضيفانك .

يالله حيه يالله حيه تحية المطر .

آخر تعديل الطيبه كلها يوم 04-Sep-2007 في 05:23 PM.

[الطيبه كلها]

اابو سيف جهز العشاء وقلط المفطح لضيفه ابو نجر .

ابو سيف راع المحل : اقلط يابو نجر على فالك والعقال يلحق . ( افهما طولة علينا يالله اهلك يبونك )

ابو نجر الضيف : يالله

ابو سيف راع المحل : ( جلسوا هم وسيف ) اقلط انطح فالك والله يحيك وانا معك

ابو نجر الضيف : الله يحييكم ( وطبوا البدو وعرمشوها عرمشه – القاموس لازم يكون بجنك بتحتاجه - مابقى الا عظامها مفانيس – القاموس ياجماعه -

ابو سيف راع المحل : قام الضيف وشكر ( الله يكثر خير يابو سيف وعسى هذا طبعكم وانا من ربعكم ) (طبعامن لقاها )

ابو نجر الضيف : مهوب حقك يابو نجر الود اني ذابح لك حاشي .

سيف يكلم ابوه بصوت خافض : امي تقول فرشنا لكم بالحوش وحطينا اقهوه والشاهي هناك علشان تكملون السهره .





بو سيف راع المحل : يابو نجر ....

ابو نجر الضيف : ارحب يابو سيف

ابو سيف راع المحل : ابقه .... ارواحك – القاموس ياشباب – نكمل السهره في الحوش .

ابو نجر الضيف : يالله يابو سيف

( طلعوا وجلسوا وتاملوا السماء والنجوم والقمر ليلة اربع طعش يالله ما اجمله سبحان من صوره هاضت شجونهم واشعرو القصيدة التالية – القصيده للداعيه الشيخ الشيباني الله يحفظه )

	ابو سيف: حدر نور القمر يامجمل المجلاس لمرحت كل الأصوات وهدا الليلي ابو نجر: والصبا في الدجا جالها نِسناس والكواكب مثل وصف القناديلي ابو سيف: وسط روضِ عبيره ينعش الأنفاس عقب جف الندى نبته تشاكيلي ابو نجر : في فياح(ن) خلاوي(ن) من الاوناس يصلح الكيف وتطيب التعاليلي ابو سيف: قرب النجر يالشغموم والمحماس واشعم النار بوجار المعاميلي ابو نجر : وسوي ياصاحي ما يبعد عماس الرأس واجتهد في سوات البني والهيلي ابو سيف: احمس البن واضف له ثلاث اجناس قد ذكرها الهذيلي بالتفاصيلي ابو نجر : لا حمست انتبه للبن ياحماس عن حارقه ولا تنهييه بالحيلي ابو سيف: وبعدها دقها في ماوت(ن) حاساس لا نقرته تهيض بالمواويلي ابو نجر : وقس لها الماء لدقيتها بقياس من صفاته تساقيها الهماليلي ابو سيف: وصبها لخذت في فوحها ميرواس لين تركد لو من غير تطويلي ابو نجر : وزلها في صهات(ن) كانها القرطاس فارع(ن) جيدها زين التفاصيلي ابو سيف: وصب لي عقب ما تالم كفيت الباس من صفا صفوها خمسة فناجيلي ابو نجر : كودها تطرد التفكيري والهوجاس كود جوي ولو ساعات يصفي لي ابو سيف: يا الله انك تساعد مرهف الاحساس كل وقته بهاذيل وغرابيلي ابو نجر : الله الله ياسلاااااااااااام

ابو سيف راع المحل : تقهو يابو نجر

ابو نجر الضيف : ارخص لي يابو سيف وعز الله انك ماقصرت وكبر الله واجبك . عيالي ينادوني وانا طولت .

ابوسيف وش معجلك نام الليله ومن اصبح افلح .

( وانتهت سالفة ابو سيف وضيفه ابو نجر وسلااااااااااااامتكم )

آخر تعديل الطيبه كلها يوم 04-Sep-2007 في 05:31 PM.

[الطيبه كلها]

رسالة الى كل مبتلى (يعني المظلوم هنيا ) : -


افرض انك يالمظلوم تصلي وتصوم وتقرءا أذكارك وتهلل وتسبح وتستغفر في كل حين وتقرءا قرائنك وماشي في حالك ما للشيطان عليك طريق . وفجاه يسلط الله عليك عدو او حاسد ....لاحولا ولا قوة الا بالله او تفقد عزيز او تخسر في تجارة ( مثل خسارة الاسهم والكل يذكرها والناس في بهالفاجعه اختلفت ردودهم حسب إيمانهم وانتم يا اخواني تذكرون هالفاجعه اللي مات واللي فقد عقله واللى في المستشفى ... ولاحولا ولاقوة الا بالله ) .

أخي المبتلى بأي شكل من اشكال الابتلاء ( يعني مبتلى في نفسه او ماله او أبناءه او عرضه او دينه او نسبه ...) لا تحزن بل أعلم أن الله ما ابتلاك ألا لأنه يحبك وما منعك الا ليعطيك وما حرمك الا ليزكيك . فلتفرح ولتصبر لان البلاء يااخواني دليل محبة الله للعبد فحمد الله واشكره على كل حال .

مثل منتم عارفين ان الابتلى سنة من سنن الله الكونية ( يعني كيف كونية ) يعني مكتوبه لابن ادم في صحيفة اعماله وبتصير له بدون اختياره الا في حاله وحده اذا لزمت الدعاء بالعافية والسلامة في الدنيا والاخرة فيمكن ترد ادعوه القضاء والا فالمقدر عليك لا محاله بتشوفه .

احب الناس عند الله هم مين يابنائي ويااخواني ؟؟؟؟؟ اللي قال الانبياء والمرسلين ( اجابته صح وابضرب له تحيه )
مع ذلك يابنائي وياخواني الاكارم اذا تاملنا قصصهم في القراءن نجدهم اشد البرية بلاء . بل تكاد تكون حياتهم في ابتلا يخرجون من ابتلا ويصابون بثاني ............ شوفوا سبحان من اعطاهم هذا الجلد والصبر ( ما اقوى ايمانهم وما اصبرهم )

فمثلا ايوب علية السلام ( كلنا نعرف المثل اللى يقول ياصبر ايوب ) ابتلي عليه السلام بالمرض شديد لدرجة انه عاش حوالى الثمانية عشر سنة وهو يعاني من هذا البلاء تخلى عنه الاهل والاصحاب وعاش يصارع المرض الشديد لوحده في عزلة عن جميع الناس غير ان امراته كانت تزوره وتجلب له الطعام . وفي مرة من المرات مر اثنان من جماعته وقال احدهم للاخر ان الله مابتلا ايوب بهذا البلاء الا لانه قام بذنب عظيم ( شفتوا حتى الرسل والانبياء ما استراحوا من اذية الناس ) ثم دعاء عليه السلام ربه وقال ربي مسني الشيطان بضرٍ وانت ارحم الراحمين فكشف الله عنه بلواه وعافاه وعوضه اهله ومثلهم معهم - شوفوا فضل الله وجزاء الصابرين في الدنيا قبل الآخرة - .

وقد جمع للنبي محمد عليه الصلة والسلام كثير من أنواع البلاء فابتلى في أهله, وماله, وولده, ودينه فصبر واحتسب وأحسن الظن بربه ورضي بحكمه وامتثل الشرع ولم يتجاوز حدوده فصار بحق قدوة يحتذي به لكل مبتلى.

ويكاد لاتقف على قصة نبي الا وتجده يذوق اشكالا من البلاوي ويصبر عليها وهم قدوتنا في كل شي فلنصبر ولنشكر ولنفوض الامر لله ...............

لماذا ياخواني وياابنائي الانبياء هم اكثر الناس ابتلاء ؟؟؟

لانهم اقوى الناس ايمانا و اعلم الناس بالله واصبرهم على قضاه ولان منزلتهم بالجنة عالية والجنة تبا – القاموس ياوجيه الخير – صبر على الطاعة وصبر عن المعصية وصبر على القضاء – ( انه الابتلاء باي شكل ) ومن ياتي بعد الانبياء في البلا ؟؟؟ يبلى الناس على قدر ايمانهم ( ربنا رحيم بعباده وعالم بطاقاتنا على التحمل اليس كذلك ؟؟) - سبحانك ربي ما ارحمك – فاللي ايمانه قوي تلقى تجيله مصيبه او بلوى كبيره واللي ايمانه اقل يقل كبر البلوى واللى ماعنده ايمان خير شر تلقاه منعم بالدنيا وسعيد بها لانها جنته ولانه من حطب جهنم نسئل الله العافية والسلامة .والنجاة من النار . الا من رحم الله ومن كتبت له السعادة في الدنياوالاخرة ( استثناء من القاعدة )

انه الابتلاء ياخواني لكنه خير لك فلا تجزع واصبر كما صبرو اولو العزم من الرسل . ان الله يريد ان يمسح بصبرك على المصيبه كل الذنوب واذا قضت سيئاتك يرفع درجتك في الجنة لتصاحب من ياخواني ؟؟؟
الانبياء والشهداء والصالحين وفيه احسن من هالصحبه ؟؟ لا والله والحظيظ – القاموس ياجماعه – اللي يكون معهم .. ( الا تستحق الجنة ومصاحبة الانبياء والصالحين والشهداء الصبر ؟؟) مافيه شك اكييييييييد تستحق والله يجعلنا من اهلها انا واياكم والمسلمين .


هذا البلاء هدية من الرحمان تساعدك للرقي الى اعلى الجنان . لانه يحبك ابتلاك علشان ينظقك من كل ما يسؤك ( بمعنى يمحص ذنوبك يعني يزيلها )
لتكن منه قريب يوم القيامه فلا تخف ولاتجزع وتجلد بالصبر واحمد الله على كل شيء خير وشر ولا تتذمر .
فمن رضاء بالبلاء وصبر له الرضاء ( وفيه احد منا مايبا – القاموس يالي مافهمت - ربي يرضى عليه ؟ طبعا مافيه .علشان كذالازم نصبر ) ومن سخط وقام يولول _ القاموس ياشباب – عرض نفسه لغضب الله وعقابه ( ومن منا يطيق عذاب الله وسخطه ) يعني مالك حل الا الصبر مافيه حل ينجيك في البلاء الا الصبر وحمدالله والدعاء بالتفريج .

وياخواني لاننسا ان امر المؤمن كله خير له .


انا عارف وش ودك تسئل بتسئل كيف يكون خير فيكلا الحالتين ؟؟
اذا كان بنعمه شكر الله عليها وما – تبطر- القاموس يجماعة الخير - وكفربها .
واذا كان في بلاء ومصيبه صبر وحمد الله على كل حال واحتسب الاجر عند الله .( ولا لا ياعتيبي صحصح وكفايه نوم ) .؟؟( ردو.يااخواني تراي اسمعكم .)

آخر تعديل الطيبه كلها يوم 04-Sep-2007 في 04:36 PM.

[الطيبه كلها]

طيب نجي الحين المصيبه وقعت واللى كان كان وش تسوي يالمبتلى ؟؟؟
1-اول شيء سلم امرك لله وفوض امرك له لانه مقدر لك ومكتوب . وانتبه تسخط ولا تسب الدنيا باللي فيها ( مهوب الواحد اذا زعل – القاموس ياشباب - ماترك كلمة تغضب ربي الا قالها مثل ليش ياربي انا ولا وش معنا وخلقك لا انتبه لاتعترض على امر الله ابداااااااا – انتبه وانا اخوك ) لانك بتعرض نفسك لسخط الله فمالك الا الرضا والصبر وتحمدربك على كل حال .
2- استغفر الله كثيراااااااا فانها دواء للبلايا باي شكل
3- بعد ماتروح الصدمه الاولى خذ باسباب مشروعه لدفع هذا البلاء اذا كان يدفع .
ومع الدعاء ربك يرفع البلاء او على الاقل يخف عنك .
4- حط في بالك مهوب انت بس المبتلاء فيه ناس كثير فتذكر مصيبة غيرك تهون عليك مصيبتك ويمكن مايخلومنه الا المنافق ولا الكافر طيب ليه ما يبتلون مثل المسلمين ؟؟ لان النار مصيره وهذا الابتلا ما نزل بك الا لتدخل الجتة يمكن عملك مايوصلك للمرتبه اللي ربي كاتبها لك في الجنه فكيف توصل لها ؟؟؟ بالابتلاء( شفتوا ان الابتلاء نعمه تستحق شكر الله وحمده عليها – مركز معي ياعتيبي )
5- سلي نفسك وذكرها بالثواب اللى اعده ربنا للصابرين وخصوصا عند سماع الخبر المفجع .
6- ولا ننسا كم من واحد كان غافل ولما نزلت به مصيبه استيقظ وفاق لنفسه ورجع لدينه وهذي بحد ذاتها نعمه تخيل لو مت على معصيه وش بيصيلك ؟؟ بتلقاها قدامك لكن لو ابتلاك الله تمسح عنك ويكون ماعليك ذنوب وتخرج من الدنيا مثل ما ولدتك امك كله بفضل ايش ؟؟؟ الصبر على البلاء والمصيبه ( واضح ياعتيبي )

وش رأيك الحين البلاء نعمه ام نقمه ؟؟( جاوب ياعتيبي ترى ما احللك ههه...) .. شفتوا انه نعمه وتستحق الشكر .....

سلفنا الصالح كان الواحد منهم يزعل اذا لم يبتلى لان من كان في ابتلاء يكون ينتظر الرخاء وتفريج الكرب ومن كان في رخاء ينتظر البلاء لان الدنيا دار ابتلاء واختبار وامتحان لمقدار ايمانك وقوته ( مافوق الارض مستريح ) . لكن هذا مايعني انك تمنى البلاء لا اذا كنت في نعمة فداوم على حمد الله علشان تدوم نعم الله عليك لكن لو كان مقدر لك البلاء في هالحال اصبر وفوض امرك لله ...


لاننسا من قال حين يمسي او يصبح ( اللهم ما اصبح بي او امسى بي من نعمة فمنك وحدك فلك الحمد ولك الشكر .) فقد أدى شكر يومه ( واجب حفظ واللي ممايجي حافظها بينفرش سامعين ياابنائي )

آخر تعديل الطيبه كلها يوم 04-Sep-2007 في 04:42 PM.

[الطيبه كلها]

طيب ياخواني ويابنائي وقع البلاء ولاحولا ولا قوة الا بالله وش تسوي علشان تخففه وترفعه عنك وتسكن احزانك .


قبل كل شيء الصلاة الصلاة الصلاة ورسولنا الكريم اذا اشتد عليه امر وش يسوي ياخوان ؟؟؟ تعم يفزع للصلاة . أي شي يصعب عليك صلي وادع وبتشوف اللي يضيك


والدعاء الدعاء الدعاء فما رد القضاء مثل الدعاء فالدعاء ياخواني شانه عظيم ونفعه كبير فهو مفتاح الفرج ان شاء الله واياك من التعدي فيه انتبه لهذه النقطة حفظك الله ولا ننسا الدعاء عند المصيبة ( انا لله وانا اليه راجعون اللهم اجرني في مصيبتي واخلف لي خيرا منها ) وصدقني بيخلف الله عليك باللي راح ويمكن احسن بعد – مثلا طاحت الاسهم وخسرت فبها قل هذا الدعاء وبيعوضك الله خير .. لاتقول المبلغ كبيروكيف ؟؟ لا ربي امره بين الكاف والنون ومافيه شي مستحيل على الله .خل ايمانك بالله قوي وربنا عند حسن الظن به فلنحسن الظن بالله ونفوض امرنا له هو ولينا في الدنيا والاخرة .


كذلك الصدقة فهي دواء لكل داء ولكل بلاء ايضا وجرب وشف بنفسك .


كذلك ياخواني وياابنائي القران ( المصاحف تشكو الى الله هجرها في البيوت – كاننا شارينها زينه للمكتبه نترززبها- القاموس ياوجيه الخير - عند الجماعه لزرونا ) لا ياخواني قرائة القران خير وبركه لك ولاهل بيتك وللجيران بعد ومن المعروف ( وابصم بالعشره ) انه دواء لكل داء ولكل بلاء وجرب وشف بعينك .

[الطيبه كلها]

اذن اللي طلعنا به ان الناس في مقابلت البلوى ثاثة انواع :-

	1- محروم من الخير منهو يااخوان ؟؟؟ ( انه الى يقابل البلوى بالسخط والتذمر وسؤ الظن بالله واتهام القدر والاعتراض على امر الله ) نسأل الله العافة والسلامة وحسن الختام . ( وانتبه تكون منهم تصير لا حصلت لادنيا ولا اخره ) 2- موفق . ومنهو ياخواني ؟؟؟ ( هو الى يقابل البلوى بالصبر وحسن ظن بالله ان الله بيفرج كربته ) 3- راض . ومنهو ياخواني ؟؟( انه الذي يقابل البلوى بالشكر والحمد والرضا التام بما كتب له ويحمد الله في كل وقت وحين )

[الطيبه كلها]

وكلمة ختامية :
ياخي المبتلا والمظلوم احتسب الاجر واتصف بالتسامح والعفو . ( يعني كيف يخطي عليه واسامحه ) اجل فان المسامح كريم ومن صفات المرسلين شوف نبينا محمد عندما فتح مكه وصار بيده كل شيء . وش تتوقع سوى لعيال عمه اللى اذوه كثيرااااااا لدرجة انه تركلهم مكه باللى فيها . قال لهم وش تضنون اني مسويلكم قالو ا اخ كريم ولد عم كريم . قال لهم اذهبوا فانتم الطلاقاء . شفتوا نبل اخلاق قدوتنا نبينا محمد عليه الصلاة والسلام ( راعى القرابة والنسب فحطها في اعتبارك) . كذلك نبينا يوسف عليه السلام ظلمه اخوانه لدرجة انهم رموه في البير والقصة معروفه وفي نهايتها عندما نصره الله عليهم . وش قالهم ( خنا لو حنا محله كان بالرشاش على طول مافيه مشاوره ) قالهم لاتثريب عليكم اليوم يغفر الله لي ولكم . ما اعظم اخلاق الانبياء والرسل وياليتنا ندرس سيرهم ونسوي مثلهم بدل ماحنا مشغولين في تتبع عورات الناس ومسك الزلات والهفوات لاخواننا المسلمين .

ياخي المظلوم صاحب البلوى . اعلم انها صعبة لكن اعط الدنيا حجمها وتعلم التسامح والعفو وتنظيف قلبك اول باول كيف ؟؟؟؟؟ !!!! (وش لون - القاموس- ؟؟)

قبل ماتنام تقول اللهم اني اشهدك اني عفوت عن كل مسلم ظلمني راجيا عفوك عني يوم الدين .

وكذلك مهما عملنا فسيظل عملنا قليل وهذه البلاوي تزيد الرصيد الاخروي فقل بعد صلاتك اللهم اني اشهدك اني تصدقت بعرض على الناس . فليبلاك من شياطين الانس من يبلاك . فما عاد يهمك ؟ لانه كلما زاد في الاساءة كانك متصدق عليه وهذا الشي يرفعك يوم الدين . ويزيدك وينقصه وبكيفه يعني بصره -القاموس ياشباب - كل انسان بيلقى ماقدم وسلااااااااامتكم




( تم الترجمة الى الهجة العتيبية العريقة بواسطة الطيبة كلها )
( وحقوق النشر لكل مسلم ومسلمه والله يجزاكم خير ( مالم ترى الادارة غير ذلك )
شاكر لكم تواجدكم معي وتفاعلكم الطيب .

والسام عليكم ورحمة الله وبركاته

آخر تعديل الطيبه كلها يوم 04-Sep-2007 في 04:53 PM.

[الطيبه كلها]

هذه هديه للظالم مع كل الحب والتقدير والاحترام

وكذلك الجزء الاخير منها للموقع ومرتاديه وكل من يعمل به .
فارجوا قبولها .

	ماني معاب ماني معاب ماني معاب ماني معاب ماني معاب ماني معاب ان المعاب الي يقول معيوبين يحسبنا صفر بهامشه يقول ذولا محرولين حنا همم حنا قمم خلقنا رب العالمين حنا أجر حنا فجر وأبشرك مستانسين مانبتغي الا الإله هو اللي يجزي الصابرين يجزينا جنة عدن سلام فيها امنين ماني معاب ماني معاب ان المعاب الي يقول معيوبين ماني معاب ماني معاب ان المعاب الي يقول معيوبين يحسبنا صفر بهامشه يقول ذولا محرولين يحسبنا صفر بهامشه يقول ذولا محرولين والدنيا ياعابر سبيل ترانا فيها مسافرين دنياك هذي زايله عمرك بها عدة سنين ان كنت بهالدنيابسرور او كنت بهادنيا حزين او كنت سامي بالعلا او كنت بسجن رهين جهز جهاز الاخره خلك ذكي خلك فطين موعدنا جنة ربنا يستقبلنك حور عين تشونا في طولنا كننا متساويين لافرق الا بالعمل مرفوع شان الصالحين والابتلا من ربنا أصاب حتى المرسلين ثم الّذين يلونهم والله يعوض المبتلين ماني معاب ماني معاب ان المعاب الي يقول معيوبين ماني معاب ماني معاب ان المعاب الي يقول معيوبين يحسبنا صفر بهامشه يقول ذولا محرولين يحسبنا صفر بهامشه يقول ذولا محرولين واختامها مني سلام للعتبان المكرمين الناصرين المتقين الباذلين المحسنين ولوالديني والاهل والى علينا مشرفين سلم ياغلا اهل سلامنا للمسلمين ماني معاب ماني معاب ان المعاب الي يقول معيوبين ماني معاب ماني معاب ان المعاب الي يقول معيوبين يحسبنا صفر بهامشه يقول ذولا محرولين يحسبنا صفر بهامشه يقول ذولا محرولين حنا همم حنا قمم خلقنا رب العالمين حنا أجر حنا فجر وأبشرك مستانسين مانبتغي الا الإله هو اللي يجزي الصابرين يجزينا جنة عدن سلام فيها امنين

آخر تعديل الطيبه كلها يوم 04-Sep-2007 في 05:22 PM.