حصريا" لمنتدى الهيلا لـقــاء مع الشاعر القدير: مرزوق بن قعيد العتيبي...!!

[أبو مرحبا]

بسم الله الرحمن الرحيم



السلام عليكم ورحمة الله وبركاته


أخواني وابناء عمومتي وضيوفنا الاعزاء

تحية طيبه وبعد .......

ها نحن نعود الى سلسلة اللقاءات ونستضيف


الشاعر القدير: مرزوق بن قعيد المسعودي العتيبي

شاعر من الطبقة الاولى لا يذكر الابداع والجزالة الشعرية

الا ويذكر مرزوق العتيبي أبدع الاسماع وابهر الابصار والعقول وصفق له

الكبار واثنى عليه الجميع وامتزجت شاعريته وأقترنت بنسبه الطيب

وخلقه الدمث النابع من الاصالة اسم اقترن به الابداع و الشموخ وتاثر به

الكثيرين ذاع صيته في الخليج العربي .

وقد شارك في كثير من الامسيات والمهرجانات المعروفه مثل (مهرجان فبراير + مهرجان الاحساء ...الخ

(ويعتبر شاعر عتيبه الاول وممثلا" لها في دولة الكويت ولا قصور بالشعراء الباقين)



هذه بعض قصائده :

عليك شرهه ياقصيدي ومنقود = لو غبت عن حزة حضورك ثواني
وتهايـل الهيـلا مـن حـجـاز لنـجـود=وحذف العزاوي واحتقـار الهوانـي
وان حك عود بعود وانا بن مسعودو=الله لـعــلــي بـالـرفـيـعـه مـكــانــي

والقصيدة أطول

قصيدة آخرى:

ما تسرك حالة البدو في وقت المحـول=في الوجيه نشوف كسره وضيقة من نبا
وانت تدري بانتسابي وتدري في الميول=ابدوي يعشق الغيـث وايحتـل الضبـا
وانت في غرتك غيمي وبسمتك الهطول=بلل عيوني بـلا مـاك والبعـد ايهبـا

والقصيدة أطول


قصيدة آخرى:

ياناشدة بـلاش نشـده وأقاويـل=عابر سبيل وباكر الصبح ماشـي
ماجيت سايح يالرموش المظاليـل=ولاجيت ادور في بلدكم معاشـي
لو انها معكـم تطيـب التعاليـل=ياهل الطرب والفرفشة والتماشـي
ولا جيت في راسي ضرم للفناجيل=يااهل الدلال اللي تجيب المغاشـي
انا قهوتـي مكرمـات المعاميـل=يوم قهوتكم في قـزاز الغراشـي
والبن لامنه نجض وارته الهيـل=هذيـك والله نشوتـي وانتعاشـي
في مجلسن ماضم رعديد واخبيـل=ولا ضم لاش ولا حتفا فيه واشي
ولا تمركابـه خطـاة المهابيـل=اللي تشابه في الحيـاة المواشـي
تاكل وتشرب من حساب الازاويل=ولا تهـوش ولا تـرد الهواشـي
أوادم في ضـف أوادم معاويـل=تسرح وتضوي للعلف والعراشي
لا والله الا مجلس(ن) يعدل الميل=ويضم حلويـن النبـا والنقاشـي
حديثهـم كنـه عبيـر الاكاليـل=وعن الكرم مايعرفـون التحاشـي

والقصيدة أطول

قصيدة آخرى:

نحبك يالتراب وكـل عـدوان التـراب تراب =على هذا الثرى نحيـا وموتتنـا علـى خده
عهـد منـا ولا منـا وفينـا للعهـد كذاب =صدقنـا والشهـاده دورة الأيــام والـشـده
تحزمنـا وصبرنـا صبـر جميـل وصاب=ضبطنا عدنـا والمعتـدي لا مـا ضبـط عـده
دخرنا للفيافي كل مـا نملـك ستـر وحجاب =من البحر الجنوبـي للشمالـي لا بحـر جده
الا يا صيتنـا يـا بيتنـا حنـا لـك الأطناب=وعمدان ترزك فوق وأخذ مـن الجـدي حده
مشارقنا بيارقنا ومن مـوج الخليـج احـراب =وعشق البحر للتربه يبيـن اذا اصطفـق مده
وفالقبله لنا قبلـه منـارة مسجـد ومحراب =وحيـا للفـلاح ومصحـف نـقـراه ونعده
وفي شام الجزيره نجمنا البادي على المرقاب =تدل ابه السواري مـن قديـم الوقـت والمده
وجنوب المركب اللي قاد ابن ماجد مع الاصحاب=ودرب في ضلام البحـر منهـو غيرنـا قده
ولنا في نجد مجـد يتعـب القاريـن والكتاب =ودله هيلها طيـب ورثـه الابـن عـن جـده
وسيف وبندق ومحزم وباكور ورسن وركاب =وبيـت للكـرم والجـود مالـه بـاب يسده
وهب من الحجاز انجاز وجباه سمـر وكتاب=وبـاس مـا نشـد الليالـي معـه او ضده
وعلم ومعرفه وبشوت نور ونورنا مـا غاب =هبل واللات والعزه مـن اللـي غيرنـا هده
وحدث عن صلاله والشموخ وطورها الجذاب=نسايم عزها عـن جونـا مـا هيـب مرتده
وجنبيه وفي حـد الجنابـي صـارت الاسباب =يمـوت المعتـدي والباقيـه تبقـى لـنـا رده
وفي سبع الخوات هناك عزوتنا ولا مـا خاب=صدق ظن نظنه وأبيـض الكفيـن جـاء هده
لنا فيها الوفا ومن الوفا نلبـس جديـد ثياب=وحر يعجبـك طلعـه ويحـري بالعشـا مده
وفي دوحة قطر وأهلا وسهلا وأجزل الترحاب =وطيب فالصحاري لـه جـذور حيـل ممتده
وخيل تسبق الريح الهبوب وفارس مـا هاب =على الخفجي لبس ثوب الجساره واستوى قده
وعود ودهن عود فاح ساعة ما فتحت الباب=عن أسوار المنامه والملامـه طـرت الصـده
وراي وقدح زند وشب شب النـار يـا شباب=حفظنـا سدنـا واللـي نوانـا انبيـح سده
وموعدنا شمال وفالكويـت وللكويـت أحباب=على هذا الثرى نحيـا وموتتنـا علـى خده
وطنا والوطن حقه علينا لـو تـروح أرقاب=على هذا الثرى نحيـا وموتتنـا علـى iiخـده
على حده تفرشنا الخنادق والسمر لـه طاب= ينام وللسهـر عيـن تلـد اللـي نـوى يلده
حضرنا والحرار أرزاقنا في سطـوة المخـلاب =تلج بنـا العـزاوي فـأول الميـدان والهداه
تزاحمنا على فـال المعـزه والنصـر ينسـاب =قـراح وسلسبيـل ونشربـه ويطولـنـا وده
وهذا اليوم فرحه والبلد غـاده وبنـت أعـراب =أصيله وأهلها ساس ومناسب ضدهـا ضده
ولا تكمل لنا فرحه سوى فـي عـودة الغيـاب =ويالله بالفـرج وآخـر أسيـر بلطفـك ترده

وكثير من القصائد التي لاتحضرني الان


يامرحبا تراحيب المطر يا أبوقعيد

هذا بيت ترحيب للشاعر مرزوق بن قعيد العتيبي

يامرحبا ياابوقعيد على الطيب =بسمي وبسم عتيبه في منتدانا

نتمنى أن يتسع صدرك ( وانا اكيد من ذلك) للجميع


والرد على تسألاتهم وأستفساراتهم أخونك وابناء عمك والضيوف الكرام:


...ولك كل المنى بالتوفيق بكل لحظه..


أخوك
أبومرحبا العتيبي

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي