اختيار تصميم الجوال
|
|
|
« آخـــر الـــمـــشـــاركــــات » |
أدوات الموضوع | انواع عرض الموضوع |
|
27-Aug-2006, 02:49 PM | رقم المشاركة : 1 | |||
|
قصيدة غازي بن جبر بن عبدالله بن فرحان السيحاني
القصة :- مرت مزنه بنت ثامر السلات العطاويه مع أهلها شادين مرو على بيت غازي بن جبر وأمه وشافته أمه متولع فيهم وقالت لولدها أبروح أشوف الحلال وراحت وراء البيت وتغطت وقال غازي هذه القصيدة ما يدري أن أمه تسمعه 0
يا مرحبا يالى على بيتنا مــــــر *** رد السلام ولا معي فيه حيله يا مرحبا عدد حصا كبس وأكثر *** وعد جراد طأيـــر من مقيلــه أتلا العهد له قاعـــــــــد ويتفكر *** في ظل قيف قاعد في ظــليلـه ياليتها معي على البوش تنجــر *** أذن عيني بالمــودة تخــيــــله وجدي عليها وجد عد مجهـــــر *** لا قل ماه وغتربوا في نثيـــله شدو دنـــوله عبادين أصـــفـــر *** عليه غيرالجوخ عيدان تـيـله ياحلو زوله يوم لبس المشجـر *** كنه شنا جزر مع الى يشـيله ما يلبس الأ كل ثوب مشجـــــر *** يطأ بمصبوب القدم في شليله هي بنت من يثني خلاف المثبر *** اليى حل في تالي السرايا دبيله ثم رد صالحه بنت مرزوق بنت فرحان السيحاني وراك يا غازي تجــر الهوى جـــر *** وأنهاك عن طرد الهوى وتغديله يا غازي أن الــــود أعقوبته شـــر *** مثل الهبوب الي تطــش المخيله أن الهوى حسك الوبر زانة الدار *** لا ريعت حيرانهم في المـســيــله أن الهوى رمحا على حارك أشقر *** يا زين وشال الــدمي مع شــليله وأن الهوى نجر مع الصبح ينجر *** يا زين خذاف الــبـداوي تجـيــــله وأن الهوى هزعة ركيب ليا مــر *** ليا جــــن من بعد النكايف سحيله يازين هزعتهن للبيت الأســمـــر *** عن بيت خمعن ما ينشط مقــيـــله أذبح لهن كبش البخيل المــتجـــر *** عطه ثلاثه ديــن والديــن حــيـــله وليا تغضب خاطره زدله أكـــثـــر *** لين يسمح باله وبـــال الحــلــيــله |
|||
|
|
27-Aug-2006, 07:51 PM | رقم المشاركة : 2 | |||
|
«®°·.¸.•°°·.¸¸.•°°·.¸.•°®» بسم الله الرحمن الرحيم الأخ / يوسف السيخاني مشكوووووور والله يعطيف الف عافيه «®°·.¸.•°°·.¸¸.•°°·.¸.•°®» |
|||
|
|
28-Aug-2006, 12:28 AM | رقم المشاركة : 5 | |||
|
قصيده مشهوره ومعروفه ويعطيك العافيه
يا مرحبا عدد حصا كبس وأكثر *** وعد جراد طأيـــر من مقيلــه اخوي الروايه اللي خابرها مدري عن صحت روايتي يا مرحبا عدد حصا كشب وأكثر *** وعد جراد طأيـــر من مقيلــه . أخوك جبر العتيبي |
|||
|
|
28-Aug-2006, 01:30 PM | رقم المشاركة : 7 | |||
|
أشكر كل من الاخوه اللي شاركوا بموضوعي
وخاصتا :- الـــغــــبيـــــوي نواف الذيابي ؟ لكن يا نواف انا يوسف السيحاني ماني يوسف السيخاني أرجو التعديل . جبر الذيابي سيحان البدر 2006 وشـــكــرا |
|||
|
|
28-Aug-2006, 01:35 PM | رقم المشاركة : 8 | |||
|
مشكور يا جبر الذيابي على أهتمامك بالموضوع لكن يا طويل العمر البيت الصحيح هو :-
يا مرحبا عدد حصا كبس وأكثر *** وعد جراد طأيـــر من مقـــيــله |
|||
|
|
28-Aug-2006, 07:05 PM | رقم المشاركة : 9 | |||
|
اخوي يوسف البيت الصحيح
مامرحبا عدّة حصى كشب واكثر ......... وعدّة جراد (ن) طاير من مقيله |
|||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|