من لا يخاوي في حياته عصيمي في ذمتي ماذاق طعم المخاواه

[أقطم محزم]

لحفظ الحقوق ..



بيت اشتهر وذاع صيته وهو في من يستحقون لاشك ... ولاكن تعرض للسرقه اوالتحريف وهو لاشك غنيين عنه سواء من اقتبسه او قبيلة العصمه لاكن بيت من قصيده رايعه لشاعر رايع فيجب حفظه ..




من لايخاوي في حياته عصيمي .. في ذمتي ماذاق طعم المخاواه





القاف أنا فالشعر مانـي (اعليمـي)=أنحت جلاميده,, واحده علـى أقصـاه
ياكـم قنعنـا بالـنـوادر حكيـمـي=وياكـم خبيـر بالجـزايـل قنعـنـاه
قينـا جبلـه مـن زمـان قديـمـي=ورثة أبو عـن جـد,, حنـا ورثنـاه
والشعر فصـدور العـوارف مقيمـي=وحنـا عـن دروب المباديـل صنـاه
نصح وفخر واحيـان سـم سقيمـي=واللـي ينومـس فالمدايـح مدحنـاه
واليوم أبا أمدح فالعـوارف حشيمـي=وش عاد حتى مكسبه.. لو مدحناه..؟!
قدره عظيم ,, وفالوصايف عظيمـي=وقافي يشيـب ولا حصرنـا مزايـاه
(شباب) راع الطيـب زبـن العديمـي=كفـخ الجنـاح اللـي قليـل حلايـاه
ذخر الصحيب.. وضد عين الخصيمـي=ياكم خصيـم يشتكـي حـر شلفـاه
أمر المراجـل فـي يمينـه حتيمـي=ونفسه على كسب العوالـي مضـراه
أبـو هـلا,, راع المقـام المديمـي=طلق الحجاج,, مدلع الضيف لا جـاه
فـي مجلسـه للعـز حـد صريمـي=واللي جهل ينشد هل العرف والجـاه
كريم .. مار أحيان ماهوب,, كريمـي=فوق الكـرم تلقـى محلـه وتلقـاه
ولـو للوفـا والعـز رجـل يتيمـي=أنا أشهـد انـه يالمطاليـق مربـاه
هو محزمي لا ثار عـج وعسيمـي=وهو محزمي.. لا حان وقت المـلالاه
ورجـل تحيـزم بالحـزام القطيمـي=لا ميلت.. ماخاب مـن هـو تعـزواه
والله ليبطـن زاهـيـات الزميـمـي=وهن ما أنجبن مثله ,,ولا قيل شرواه
وياللي تمر ( عصيل) كانـك فهيمـي=حـاذور خيـال الكحـيـلا تـعـداه
وان كـان وانـك للمراجـل نهيمـي=أرد القـراح ودلـه النفـس بـرواه
وسير على (شبـاب ولـد العصيمـي=عبيد). اللي ياعسـى الخلـد مثـواه
وليا حصل فالعلم سيـن"ن" وجيمـي=رد الخبر عنـي وهاتـه مـن أتـلاه
وقول المقاطي قـال.. والله عليمـي=قـول علـى عـز ومعـزه حملنـاه
(من لا يخاوي في حياتـه عصيمـي=في ذمتـي مـا ذاق طعـم المخـاواه
الشـاعـــر/ عايض المقاطي

[بعيد الخطوه]

صح السانك والسان الشاعر
ويستاهلون العصمه وعتيبه كلها نعم الخوه

[أقطم محزم]

بعيد الخطوه


ومن يقول لاهنت

[عزارم]

صح السانك والسان الشاعر
ويستاهلون العصمه وعتيبه كلها نعم الخوه



شكرا لك ياطيب

[سلمان المرشدي]

والله وسبعة انعام يامركى عتيبه الاد عاصم
أنا اشهد انهم يستاهلون المدح

وصح لسان المقاطي

ولاهنت على النقل

[أقطم محزم]

عزارم

لاهنت على المرور يالذيب

[أقطم محزم]

سلمان المرشدي



لاهنت على المرور وماعليك زود يالذيب