وحدةٍ نفتديها

[أبو عبد الملك الرويس]

بسم الله الرحمن الرحيم


وحدةٍ نفتديها
( يا بلاد العزّ )

يا بلاد العزّ ما نسْمَعْ وكيد = كلْمة الخاينْ ولا راي الحسود
دولة التوحيِد وابْدًا ما تبِيد = باذْن ربٍّ نعبده ركّعْ سجود
دولةٍ قامتْ على نهْج رِشِيد = شِرْعة المختار درٍّ معْ ورود
به رضينا ما حيينا ما نِحِيد = عن طريق الحقّ نبْقَى للحود
ومن طمَعْ فيها تَرَى عمْره فِقيد = دونَها الاحْرار في الهيجا أسود
ما تهاب الموت مِن قلْبٍ حديد = ما تذيب النار صِلْبه بالوقود
عَزْمها مع اللظَى دايمْ يزِيد = وتبْتسم للموت لا جالهْ رُعود
لو تقِيسهْ بالبَحَرْ فاقه بِعِيد = ولو تِعِدّه فاق رَمْلٍ في النفود
ومِن سَعَى في الشرّ معْ راي البلِيد = وينَفخ المقرود في نار الحقود
نلْجِمهْ بالحق والسيف الحديد = ونلْزِمه يَمْشي على رسْم الحُدود
وحْدةٍ فِي اظْلالها عيشٍ رغِيد = نفْتِديها بالنفايسْ والنقود
وحدةٍ مَسْقيَّها دمّ الورِيد = نفْتديها بالوَلَدْ مع الجُدود

أبو عبد الملك الرويس
4 / 4 / 1432هـ

[عناد الشيباني]

صح الساااااااااانك


ولاهنت

قصيدة جزله

[حزام العتبان]

صح لسانك لاهنت .. عز الله ماقصرت .. وبيض الله وجهك

[فايز بن سرحان الثبيتي]

ومن طمَعْ فيها تَرَى عمْره فِقيد
دونَها الاحْرار في الهيجا أسود


سلم راسك يابو عبدالملك "


قصيده فااااخره تفوح بالاصالة والشعر العذب "


مودتي "

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[سيف نت]

صح لساااااااااااااااانك

[جزاء العتيبي]

سلم راسك يابو عبدالملك "


قصيده فااااخره تفوح بالاصالة والشعر العذب "


مودتي "

[ابو ضيف الله]

صح لسانك يا ابو عبد الملك وبيض الله وجهك

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين

[أبو عبد الملك الرويس]

المشاركة الأصلية كتبت بواسطة عناد الشيباني

صح الساااااااااانك


ولاهنت

قصيدة جزله

صحّ بدنك ، وأهلاً بك .


وزانت الجزلة بعبارتك العذبة

فشكرًا لك .


وتحيّة طيّبة .

[الطرفاوي]

مشكور اخي الكريم

[أبو عبد الملك الرويس]

المشاركة الأصلية كتبت بواسطة حزام العتبان

صح لسانك لاهنت .. عز الله ماقصرت .. وبيض الله وجهك

صحّ بدنك ، وسلمت ، والله يرفع قدرك .


وأشكرك على مشاركتك بعاطر عبارتك .


وتحيّة طيّبة .