كل الطرق تؤدّي إلى؟؟؟؟

[هلال العتيبي]

ياهلا حيّا الله اللي تشرح الخاطر علومه=ساع يحكي ماتمل النفس من روعة كلامه
سلّم وشفت الذرابه واللطافة في سلومه=فاح عطر الورد من طيبه ومن رقّة سلامه
حي من هبّت به ارياح الامل واعلن قدومه=قام يسأل ويتوصّف بين قروى والسلامة
محتشم لابس ثياب العز ضافيةٍ هدومه=مير ماتخفى الاناقة والشياكة والوسامة
القمر شافه وولّى غيره وحقد وخصومه=واكتشفت ان القمر موجود في طرقة لثامه
تل قلبي تل غصنٍ جاه سيلٍ من رجومه=منحدر من عالي جبال السراة اليا تهامه
بعدها دوّرت قلبي مالقيت إلاّ رسومه=انحطم مثل الشهاب ولاقدرت اجمع حطامه
ياظريف الطول لاتبحث خفى القلب وهمومه=لاتردّه للسهر ومصاحب الليل وظلامه
كل درب يودّي لقلبي وكن القلب رومه=عشت ياقلب المروة عشت ياقلب الكرامه
وبعد دليته سألته/قال زاير من تنومه=واختلفت وقمت ارحّب ياهلا ب/اهل المنامة
واشّر بكف الموادع واظلم الجو بغيومه=ولاح برق الشوق وارعد وامطر احساسي غمامة
وغاب عنّي ماتركلي غير بعضٍ من سهومه=غايرة ف/اقصى الحشا وآثارها جرح وعلامة
راح ب/احساسي وشوقي كن الاشواق امعزومه=اتركتني واقفٍ محتار ياالله السلامة
ياظلال الشوق في قيض الزمان وفي سمومه=ياربيع الامنيات وياشذى عطر الخزامه
آه من ليل الحرير اللي كسا صبح النعومة=وآه من ورده وعنّابه ولولوه وحسامه
اعترف طير الهوى عاند فضاه وملّ حومه=اختلف ماكل شي يغريه ويثير اهتمامه
غيرك انت اللي شغلت البال في ليله ويومه=صار طيفك وشم فالخاطر وفالوجدان شامة
من تعلّق في غرامك هقوتي محدن يلومه=والله انّك تلفت الانظار ياظبي العدامة
قبل اشوفك زاهدٍ ف/الحب لااشريه ولااسومه=لو غلافه من حرير المحتوى هم وندامة
شوف ليلي راح نصّه عانها تلمع نجومه=طالبك ياالله تغفر زلتي يوم القيامة

[ابو محمد الدعجاني]

من تعلّق في غرامـك هقوتـي محـدن يلومـه
والله انّـك تلفـت الانظـار ياظبـي العـدامـة


مبدع ياهلال صح السانك واعتلا شانك

[فايز بن سرحان الثبيتي]

القمر شافـه وولّـى غيـره وحقـد وخصومـه
واكتشفت ان القمر موجود فـي طرقـة لثامـه
تل قلبي تل غصنٍ جـاه سيـلٍ مـن رجومـه
منحدر من عالي جبـال السـراة اليـا تهامـه



صح لسانك مبدعنا


هلال العتيبي


دائما ً تطل علينا بعذوبة الشعر فأهلا ً بتواصلك الكريم

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[أبو مرحبا]

قصيده رائعه

صح السانك ياشاعرنا هلال العتيبي

تقبل مروري

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[ابو فايح]

الله الله الله

ماهذا الابداع ؟؟؟

صح لسانك يا هلال قصيده رائعه

واتمنى من كل قلبي ان تطرح كل يوم قصيده

التوقيع

عالم تويتر abofayeh@

[هلال العتيبي]

المشاركة الأصلية كتبت بواسطة ابن غزاي الخظري

من تعلّق في غرامـك هقوتـي محـدن يلومـه
والله انّـك تلفـت الانظـار ياظبـي العـدامـة


مبدع ياهلال صح السانك واعتلا شانك

ابن غزاي
صح قلبك ونبضك
مرورك وسام لاعدمتك
اخووووووووووووك

[عبدالله الجـــذع]

والله ياهلال

ان قصايدك مثل الوبل على الديره اللي صايبها دهر

ماشاء الله تبارك الله

قصيده تعانق اطراف السحاب عذوبه وجمال وانسكاب

الف صح لسانك وانا احد جماهيرك المتعصبين

محبك

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محمد العتيبي]

الله الله

صح لساااانك ياهلااال .. لين ترضى

شموخ وجمالية عاليه في هذا النص الرائع ..

تحيتي
..

التوقيع

للتواصل عبر twitter تويتر al_bargawy@

[سيف عنزه]

صح لساااانك يا الغالي ...ماقصرت

[صنهآت الروقي]

صح قلبك ياهلال

شاعر مُبـدع كمَـا عهدنـآك ,,!