((يقولون البشر عنتر )) وانت يالمحيا عنتر الهيلا

[عبدالرحمن الهيلوم]

السلام عليكم ورحمة الله وبركاته

مساءكم خير يالطيبين :

لازال عنتر الشعر وفارس الهيلا وشاعرها وممثلها تحوده تباشير الامل وتحوم في افكار ابناء عمومته امل في الله اولا ثم في همتهم بان يكون
شاعرها المبدع في الجوله الاخيره ومن ثم لكل حادثة حديث 0








عليــــــــــــــــــــاء........... ........

تهب الريح فـ اوراق الشجر ويغرد العصفور
...................وانا تحت الهجير وصمتي احياناً يكون ظلال

وتتكسر خلاخيل الرعد في بارق ٍ مغرور
....................واحس اني تكسرت وبقى في داخلي رجال

أطش بفم هذا الضي حزن وبعض من ديجور
...................واغمض جفن من تحته سديم ٍ واقف ٍ مامال

يالارض اخذي سنابل وجهي اللي مانبت فالبور
....................تعب حتى اساريره غدت بعد الغياب اطلال

خذي بعض الجهات ومن ملامح شاعر ٍ مجبور
....................وهو يذبح من عروق الزمن ساعه على الترحال

يالارض البارحه همّ الستاير والنجف والدور
.....................وحزن امي وجوعي والفراغ ودفتر ٍ دجال

خذت اغلى دموعي فالعيون وخاطري مكسور
....................وصوتي ينسكب فوق الورق واحس به لاسال

قبل ذيك المدينه والنعاس وبابها المبتور
....................تعلمت البداوه والحضاره هي سراب اللال

امانه قولي لـ(عليا) قراح الما وطهر النور
.....................تراني طفل مامل البكا لو ملت الأطفال

طفل مات بهدبها والخدود وشعرها المنثور
.....................قبل يمشي بزهو ويلبس الغتره بدون عقال

طفل كان يتشيطن فالسطوح ويّدرج فالسور
....................ويسرح فالنياق مواعد ٍ عشره وهو جمال

يشوف بعين عليا صورته وبثغرها البلور
...................ويْتنفس غلاها ويهذي لامرّته بالشــال

يالارض الوقت خليّته مزيف واحترف لي دور
...................وانا مالي سوى عليا وحلمي والهوى القتال

فبعض احيان احس اني كذا ..شاعر وله جمهور
....................واحس اني في بعض احيان اقول اشياء ماتنقال

ورى هذا الكلام يحسّب الشاعر بليد شعور
...................لوى معصم حديثه والقلم بيدينه الاغلال

وخيول ٍ تركض بصدري وتجمح ويْغشاها عثور
...................وتعاود ركضها عقب المطيح ويرتجل خيال

يجيني من قبل هالحال ..حال..وحالي المستور
...................رضيت بقسمتي لو نصف تفاحه على ايّة حال

يقولون البشر عنتر وهو عنتر يخاف الثور
...................وانا اقول المخافه وارده في سيرة الابطال

اجل ..مليت انوّخ حيرتي لعتابي المقهور
..................ومليت آتسلل فالسطور المظلمه واختال

يالارض اخذي يديني مالقيت اللي يمد الشور
..................وانا تحت الهجير وصمتي احياناً يكون ظلال




**
الشاعر : بندر بن محيا العتيبي
__________________

’’

[عبدالله الجـــذع]

صح الله لسانه والله شاعر مبدع الله يوفقه يارب..

مشكور يابوداحم..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عبدالرحمن الهيلوم]

مشكوووووووووووورين علي المرور يالغالين

[ابن سعّيد]

والله شاعر مبدع ابن محيا

ومشكور عبدالرحمن

[عبدالرحمن الهيلوم]

مشكوووووووووووورين علي المرور يالغالين

[يزن الهيلوم]

يستاهل والله انه فخر لعتيبة الهيلا

[زياد المغيري]

كفوو ياشنب

صح لسان الشاعرر ويعطيك العافيه ياعبدالرحمن

[عبدالرحمن الهيلوم]

مشكوووووووووووورين علي المرور يالغالين

[%الخنفري%]

الله يوفق بندر وبيض الله وجهك

[العتيبي المميز]

يستاهل قسم انه شاعر جزل ويستحق البيرق

وبيض الله وجهك يالغالي