نجمــــــة الصــبح

[هلال العتيبي]

نجمة الصبح لك هـذا الخطـاب=اخرجي من ورى الغيم اخرجـي
واعديني على متـن السحـاب=واصدقيني وانا فالوعـد اجـي
لجل افصّل لـك القمـرا ثيـاب=والثريـا سـريـر وهـودجـي
واشتريلك مـن الجـوزا كتـاب=فيـه سـر الغـرام ومنهجـي
مازجة دمـي بلـون الخضـاب=كيـف هـذا بهـذا يمـزجـي ؟!
خبريني عـن اسبـاب الغيـاب؟=قبـل روحـي لربـي تعرجـي
لهفتي وايقـة روس الهضـاب=والولـه فالخفـوق يلجلـجـي
في ضلوعي هجير وشمس{آب}=والعطـش فالعـروق يعجعجـي
في صحاري هواك اتبع سـراب=بين يمكن وليت أرجـي رجـي
لين راسي من الاهـوال شـاب=وصار ليلي كما الصبح ابلجـي
تعب حرفـي وتعبـن الركـاب=وهبّت الريح واطفت مسرجـي
واقتنعت!! الهوى قطعت عذاب!!=وصرت احاول وادوّر مخرجـي
توبة أسريـك ياليـل وضبـاب=وتوبة أمشيـك دربٍ أعوجـي
كان حظي عمى وهو شبـاب!!=وصار هالحين اصـمّ وأعرجـي
دوك قلبي مـن الصكـات ذاب=يالحبيـب الخصيـم الدعوجـي
نجمة الصبح لك هـذا الجـواب=لـو سمحتـي أبـد لاتخرجـي !!

[عبدالرحمن الهيلوم]

هلال
انت بدرا
صح السانك يالغالي
ومافيك حيله
وموفق

[عبدالله الجـــذع]

أخي هلال..

أبارك للشعر بزوغ نجم شاعر أو نقول عمله نادره.

اخوي هلال قصيده لاتستطيع الألسن وصف جمالها..

واصل اخوي هلال على هذا النهج وانا من متابعينك يالغالي..

الف صحه وعافيه ارجوا ان تكون بها دوما وابدا..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[معلا إبراهيم الأسعدي]

اخوي هلال

صح السانك يالغالي

قصيده جميله وموفق

التوقيع

[رايدالجعيد]

أبو شادي


صح لسانك مليااااااااااااااااااااااااار


و الله شهادتي فيك مجروحة



ما أقول ألا وفقك الله


يا مبدع

تحياتي

رايد الجعيد

[مرزوق حمدان العتيبي]

..
. قصيده رائعه بروعة شاعرها ..
صح لسانك يابو شادي ..
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[هلال العتيبي]

المشاركة الأصلية كتبت بواسطة عبدالرحمن الهيلوم

هلال
انت بدرا
صح السانك يالغالي
ومافيك حيله
وموفق

عبدالرحمن الهيلوم
مرورك وسام ياوجيه
لاخلا ولاعدم

[معجب العتيبي]

صح لسانك ياهلال

مبدع طال عمرك

التوقيع

[هلال العتيبي]

المشاركة الأصلية كتبت بواسطة عبدالله الجـــذع

أخي هلال..

أبارك للشعر بزوغ نجم شاعر أو نقول عمله نادره.

اخوي هلال قصيده لاتستطيع الألسن وصف جمالها..

واصل اخوي هلال على هذا النهج وانا من متابعينك يالغالي..

الف صحه وعافيه ارجوا ان تكون بها دوما وابدا..

اخوي عبدالله
صح نبضك يالغالي
مرورك أسعدني
مودتـــــــــي

[أبو نجر النفيعي]

..

الله الله يا هلال

صح لسانك واعتلا شانك على هالقصيده الرائعه ..

وفي انتظار جديدك ..



أخوك

التوقيع

.....