رشاش الضان ومقتل هزاع الدويش

[كفو]

رشاش الضان ومقتل هزاع الدويش
المذكوره قصتها في كتاب شاعرات من الباديه للمولف عبدالله بن رداس والمهدى لجلاله الملك فيصل رحمه الله
جلا ء احد الدوشان وهو الفارس هزاع الدويش عن قبيلته واللتحق باحد قبائل مطير يقال لهم الجدعان وعاش معهم وكان فارس مغوار وبعد مده من الزمن اخذ المشيخه على الجدعان وتزوج وضحى الجدعيه الشاعره المشهورة وكانت تكن له الحب والموده بدون اظهارها له واصبح الفارس والشيخ في نفس الوقت وقام بعده غزوات على القبائل المجاوره
وفي معركه جرت بين الجدعان من مطير على راس قائدهم هزاع الدويش والصقور من الحفاه فتقابل رشاش بن سيف الضان وهزاع الدويش وكان كل واحد منهم يلبس الدرع على الصدر والطاسه على الراس وكان الدرع يغلق بازرار لايبين من صدر الفارس شي وحين بدت المعركه بداء الزرق بالرماح فضربه رشاش بالرمح في اعلى صدره اسفل الرقبه فخرجت من كتفه فخر صريعا ؟ وحين وصل الخبر لزوجته وضحى نعته بابيات من اجمل ابيات الرثاء وكانت تحبه حبا جما ولاكنها كباقي حريم العرب تستحي تبين حبها له
تقول الجدعيه

يقطعك ياكنان حب المودي ******** وش عاد ينفع به عشيرك بعد راح
الضان يشرب له شراب معدي ******* وانا شرابي دمع عيني ليا فاح
الحق والمفرود ماله يلدي ******* ولايشلع الا كل شقحاء ومضياح
هاذي جواده عند راجح تشد ******* تفز اذا سمعت وراء النزل صياح
ماجاضرت وجناه من شين بد ******* ولاهوب يشناني على كثر ماراح
ماحلاه قدام المناسر يفد ******* ضار بشلعتهن وسهيل ماطاح
ولا قال ابي اشري لك حياك يكد ******* والقز والقيلان يشرى بالارباح
جذت به الشقراء عساها تلد ******* لا واخساره برنا عندهم راح
ليته دراء عن كثر حبي وودي ******* ماكان يقعد لو تهاوته الارماح
واصاحبي يوم اول الجيش ردي ******* حول بمسلوب عليه الدرم لاح


وبعد مده حصل عليها وعلى قومها دهر ومجاعه فركبت ذلولها وتوجهت لرشاش الضان وحين جلست امامه قالت يارشاش الرجال وراح والحلال راح ولابقى شي قال ليه قلتي في القصيده جذت به الشقراء عساها تلد
وانا متقابل انا وياه وضاربه بالشلفاء والعرب تشوف قالت ماغير ابي ازين بها القصيده فنادى جماعته الصقور وطلب من كل رجال ناقتين وجمع لها ذود كامل واعطاها قعودين واركبها عليهم وذهبت وطلب منها ان تاتي كل عام وتاخذ جملين من نقوة ابله ويذكرالشيخ نايف بن سيف الضان انه شاهد ابنتها وهي عجوز حين اتت لتاخذ العاده في وقت الملك سعود ثم انقطع نسلها

[فـهــيد]

كفو معلوماتك قيمه وانت كفو

تقبل مروري

[الجعيد العريب]

كفو والله يالذيب بالضان وربعه

[الامير حريبيش]

بيض الله وجهك علي القصه الموثقه

[يوسف الشمري]

وكفو بعتيبه ومطير رجال لهم مجد وتاريخ

[العــــــــابر]

كفوا بضان والصقور من الحفاه مروين حد الرهافي

والشيخ نايف بن سيف رجل يعد الحق وراعي دين

بيض الله وجهك على هالموضوع وعلى هالرطح الراقي

دمت بود

التوقيع

سبحان الله وبحمده سبحان الله العظيم سبحان والحمدلله ولااله الا الله والله اكبر ولاحول ولاقوة الا بالله

[عيسى الرحيمي]

الله يرحم هزاع الدويش والله يرحم رشاس الضان وجميع اموات المسلمين كليهما شجاعان بهما نفتخر ومن لم يمت بالسيف مات بغيره وهذه حال الجزيرة في تلك الحقبة قاتل ومقتول اليوم ذابح و بكرة مذبوح الله لا يعيدها من ايام وحنا اليوم رايتنا وحدة تحت ظل ال سعود والعتبان والمطران متاحبين ومافي قلوبهم على بعض شيء الا المحبة والاحترام والتقدير وجزاكم الله خير.

[كفو]

الاخوان فهيد والجعيد العريب والعابر والامير حريبيش والرحيمي شكرا على مروركم وتقبلو تحياتي

[كفو]

اضافه
درع رشاش الضان لمن يريد التعرف على اللباس الحربي في تاريخ الجزيره موجود متحف مدينه الشعراء