اقتباس:
فاحان الحارثي:
أما بالنسبة لهذي المعركة والتي سميتها بالسويبق, فلم أسمع بها أبداً
وليس لقبيلة ابن الحارث علاقة في قصتك لا من قريب ولا من بعيد!!!!
حتى القصيدة ما تدل على ابن الحارث أو حتى أسم شخص من ابن الحارث!!!
ألا أن كان القصيدة قيلت في معارك الجعده مع الثبته أو النفعه عند الديار!!!!
عاد هذي مصيبة كبيرة تحرف التاريخ وتدخل ابن الحارث بينكم!!!!
وقصيدتك ذكرتني بأبيات قالها أحد شعراء النخشه من النفعه في معارك الجعده مع النفعه:
حنا حمى الديرة من يمين وايسار = أليا هبا عنها الجعيد الشـرودي
بمسلبات ٍ تخلط الملـح والنـار = بأم الضرايب محتمين الحـدودي
ولا تواخذني يالعاني يوم ذكرت الأمور الخصوصية بينكم يا عتابه لكن معاركم مع النفعه والثبته معروفة والحقيقة تنقال سوى لنا أو علانا..
أما سالفتك هذي فكما ذكرت سابقاً ليس لقبيلة ابن الحارث فيها لا ناقة ولا جمل!!
وأتمنى منك عدم التجني على ابن الحارث والكذب علاهم بأسماء معارك ما حدثت ولم نسمع بها أبداً, وما بيننا وبين الجعده ألا كل طيب وأستغرب من بعض الجعده الكذب على ابن الحارث مثل معركة ((عن)) المشهورة والتي هي في الحقيقة بين ابن الحارث والنفعه والعصمه, وابن الحارث أرجعوا ذلول حامد بن باهج الجعيد بعد ما نخاهم لما كان بين ابن الحارث والجعده من طيب ومواثيق, لكن عيب يا جعده تقابلون الطيب والمعروف بالجحدان والكذب على التاريخ, وغيرها كذبت ((قاصا)) اللي حقيقة هذي كذبه أوضح من عين الشمس ولا لكم فيها يا إجعده لا ناقه ولا جمل وأنا يكفيني هذا البيت من قصيدة هيا الشدادية اللي حرفتوها ووضعتوها في غير موضعها:
لابتي سيل ٍ غطى الجبال مع النفود = أكتبر سيله ولاش ضلع ٍ يردعـه
وأن كان عندك نقاش فأنا مستعد للنقاش والقلوب صافية إن شاء الله ..
ولا تزعل علانا ولا نزعل علاك
|
السلام عليكم ورحمة الله
الأخ فاحان الحارثي
اولا: حياك الله يالشبابي في محلك وعند جيرانك وعوانيك
ثانيا: وسع صدرك وانا اخوك الأمور هذي يبيلها تروي قبل الرد فيها فقصة معركة السويبق المذكورة اعلاه هي قصة معروفة عند الجعدة والقصيدة واضحة ومشهورة ولا فيها كلام والجعدة استدوا بستة عشر لحية من بني الحارث في ذبحة حناش المضفري والمضافره موجودين رح اسألهم عن قصة ذبحة الحرث لحناش بعد اعطائة العهد ونقضهم اياه ومن ثم ثأر الجعدة له والشاهد قول الشاعر ضيف الله بن حنيشان(الملقب بدمغان) وهو ابن اخ حناش وهو شاعر علم عند الجعدة وممن خلدوا معارك الجعدة وممن شارك فيها:
جونا وجيناهم على جيـش ومهـار=جيشٍ عقيده فوق حمـراً عنـودي
خلو قضى حناش في الحزم مزبـار=بين الحشاش وبين خشم العمـودي
تأكل طيور الجو و ذيـاب وجعـار=و تاخذ سنه خشم "السويبق" ترودي
والقصيدة طويله ومنها ابيات اخرى لم اذكرها في الموضوع منها:
منزالنا يوم الــــــردي منزله بار =يهج عن قطر الصــــياح الشرودي
ربعن من ********* ويسار =عيفنــــهم ياناسعـــــــات الرجودي
اقتباس:
فيحان الحارثي:
أما بالنسبة لهذي المعركة والتي سميتها بالسويبق, فلم أسمع بها أبداً
وليس لقبيلة ابن الحارث علاقة في قصتك لا من قريب ولا من بعيد!!!!
حتى القصيدة ما تدل على ابن الحارث أو حتى أسم شخص من ابن الحارث!!!
ألا أن كان القصيدة قيلت في معارك الجعده مع الثبته أو النفعه عند الديار!!!!
|
سمعت بها ام لم تسمع بها فهذا شأنك المعركة نسمعبها وحنا ورعان من شياب الجعدة اهل الفعل والصدق ومعروف ان الناس يذكرون انتصاراتهم ويتوارثونها بعكس المهزومين فأنهم يحاولون يتجاهلونها ولا يذكرونها لأولادهم وهذا طبع البشر في كل العصور
واكبر دليل انكاركم لقصة سلوم العيلي وهي معروفة عند جميع القبائل اما انتم فأنكم تنكرونها او تغيرون فيها مع ان وثيقة الصلح اللي صارت بينكم وبين قبائل النفعة عند الشريف كانوا الجعدة شهود فيها ومع ذلك تنكرونها وعلاها وثايق وانتم اخذين الديرة دية في قتلاكم
اقتباس:
فاحان الحارثي:
وقصيدتك ذكرتني بأبيات قالها أحد شعراء النخشه من النفعه في معارك الجعده مع النفعه:
حنا حمى الديرة من يمين وايسار = أليا هبا عنها الجعيد الشـرودي
بمسلبات ٍ تخلط الملـح والنـار = بأم الضرايب محتمين الحـدودي
|
وانت الصادق شاعر النخشة يقول في الجعدة في احدى الوقعات مع قبيلة مطير ويتمنى حضور الجعدة:
سود الله لحيته يوحي البندق تثور=يوم كلن جات فزوعه وليا اني خلا
ليت الادجعيد عندي مفجرت النحور=حزةٍ فيها **** يهج مع الخلا
اقتباس:
فاحان الحارثي:
وأتمنى منك عدم التجني على ابن الحارث والكذب علاهم بأسماء معارك ما حدثت ولم نسمع بها أبداً, وما بيننا وبين الجعده ألا كل طيب وأستغرب من بعض الجعده الكذب على ابن الحارث مثل معركة ((عن)) المشهورة والتي هي في الحقيقة بين ابن الحارث والنفعه والعصمه, وابن الحارث أرجعوا ذلول حامد بن باهج الجعيد بعد ما نخاهم لما كان بين ابن الحارث والجعده من طيب ومواثيق, لكن عيب يا جعده تقابلون الطيب والمعروف بالجحدان والكذب على التاريخ, وغيرها كذبت ((قاصا)) اللي حقيقة هذي كذبه أوضح من عين الشمس ولا لكم فيها يا إجعده لا ناقه ولا جمل وأنا يكفيني هذا البيت من قصيدة هيا الشدادية اللي حرفتوها ووضعتوها في غير موضعها:
|
الأخ فاحان التجني والكذب لسنا اهله واهل الفعل معروفين واهل الأنكار والتدليس وتغيير الحقائق معروفين
اولاً: معركة قاصا هي من اكبر معارك الجعدة ضد بني الحارث وفي عقر دارهم وانتصر فيها الجعدة ويقول شاعر الجعدة في عصرة الشاعر الكبير عوض الله بن رجا(الملقب بالمصرفد) وهو من اكبر شعراء الجعدة واشهرهم ويعد علم من اعلام قبيلة النفعة والقصيدة موجودة في ديوان الشاعر في منتدى الجعدة تقدر ترجعلها وكاتب الديوان من سلالة الشاعر والشاهد قوله:
ترعى في ذرى سمو الجعيـد=اللي لبسهـم صافـي الحديـد
والمخطي عليهـم مـا يزيـد=نثني شاربه لـو كـان طالـي
أبن الحارث القيـف العصـاه=اللي ما أحـد يلحـق منتهـاه
ردينـاه عـن طـاري هـواه=وأسقينـاه مـن مـرٍ وحالـي
جزينـاه فـي ذبـحـة قـيـا=درى عنهـم اللـي مــا درا
فـي قاصـا ذبحناهـم ضحـا=على وضح النقى الأبيض يلالي
أخذنـا الـلـوازم باليـديـن=مـن الأجنـبـي والأقربـيـن
وقضينـا مـن الدّيـان ديـن=أن هبت صبا وأن جت عوالي
والله و القبـائـل خابـريـن=جزيناه فـي طـول المهالـي
كلام جعيد ما جـاه القصـور=ولامنه هـرج مـا قـال زور
ولامن قال أله قـول مخبـور=ينقـد جابتـه نقـد الريالـي
ولا ينكر هذا الكلام الا مجادل او احمق فالأبيات واضحه واسم القبيلة موجود حتى لا يكون لكم عذر ولكنكم تنكرون حتى في وجود الأسماء والقصيدة مشهورة ولا تحتاج نقاش
والجعدة هم درع عتيبة من جهت بني الحارث والشاهد قول شاعر النخشة:
يا سلامي على درع جنبٍ ما يبور
وقول شاعر الثبتة مخاطباً شاعر الجعدة:
مرحبا يا ذرى راسي ودرع الجنوب
وبخصوص صباح "عن" بين الجعدة والحرث وانتصر الجعدة فيه كذلك وافهم كلام الشاعر حامد بن باهج زين يوم يقول:
يقولـه حامـد اللـي رد قــاف=من بـالٍ كنـون عـن الـذراف
وانشر هرجتي جـوف المضـال=
في مامضى أمشي من بلاد ليا بلاد=واليومه كمـا اللـي فـي القيـاد
أمشـي بيـن عـمـدانٍ ثـقـال=
وأنا اللي كان نصري مـن زمـام=عسـى قبـرٍ ذرابــه للـرحـام
واعـد شيخهـم يـوم الخميـس=واعدهـم ولـه فيهـم مـهـال
جيناهـم سحـر وقـت السحـور=مثل الصاعقـه جـوف البحـور
وآخذنـا الدقـاق مـع الـجـلال=
ولحقـونـا سراحـيـنٍ ذيــاب=مرمـيـن العمـايـم والثـيـاب
وفيهـم كـل قـرمٍ مـا يـهـاب=
وياذيـب العقيـلـه والـغـراب=عيـد فـي النـوادي والصـواب
مـن ظفـر طعـم حـد الحـراب=دمه فـي ايسـر المدحـال سـال
وعـطـن الـعـذارا بالصـيـاح= علـي راس مـدرا يـوم طـاح
نصر نـا بـه الخلـف الهجـال=
فهل نصدقك كلامك انت وانكارك لمعركة "عن" وقولك انها ضد العصمة والنفعة وتزويركم لأحداث المعركة وقولكم ان حامد بن باهج الجعيد شارك في المعركة مع النفعة والعصمة لأنه صاحب القصيدة ولا تستطيعون تجاهله فقلتم نقول انه شارك لوحده مع عيال عمه واقحامكم قصة الذلول فيها وهي اقدم من صباح "عن" والمعروف ان حامد بن باهج صوبه الفارس زمام الحارثي وكسر رجلة ولكن حامد استطاع قتل زمام وهو صواب ويقول حامد بعدها:
ولحقـونـا سراحـيـنٍ ذيــاب=مرمـيـن العمـايـم والثـيـاب
وفيهـم كـل قـرمٍ مـا يـهـاب=
وياذيـب العقيـلـه والـغـراب=عيـد فـي النـوادي والصـواب
مـن ظفـر طعـم حـد الحـراب=دمه فـي ايسـر المدحـال سـال
فمن احق بالتصديق انت ام الشاعر الشجاع حامد بن باهج الجعيد وهو من من حضر المعركة وشهد انتصار الجعدة واخذهم حلال الحرث والشاهد "وآخذنـا الدقـاق مـع الـجـلال"
اقتباس:
فاحان الحارثي:
وابن الحارث أرجعوا ذلول حامد بن باهج الجعيد بعد ما نخاهم لما كان بين ابن الحارث والجعده من طيب ومواثيق, لكن عيب يا جعده تقابلون الطيب والمعروف بالجحدان والكذب على التاريخ,
|
اما قصة الذلول
فهل انت تعرف قصة حامد بن باهج وسالفة الذلول ام انك تكذب وانت تجهل السالفة وهنا تصبح المصيبة اعظم
اخي فالح
بخصوص الأبيات
وا بكرتي يا صفرة ٍ مالهـا نـاب=صفراً مقاريهـا سـوات الغرابـي
يا بكرتي حني وارمـي بالاسـلاب=وانخي من القطمان ربع ٍ غيابـي
انخي ذوي مهرس وجازع وشبّاب=وحجيل يا مروي صقيل الحرابـي
وانخي الرواما عزوة ٍ تخلف الطاب=والحر يخر لـه حـرار ٍ عرابـي
ان كان قمتوا يا عريبين الانسـاب=جات الذلول وشاقي العيـن طابـي
وان كان ما قمتوا فلانيب سبّـاب=حطيت سموا المتعبي في هبابـي
الشاعر حامد بن باهج كان له لزمة مع المتاعبة من بني الحارث قبل صباح عن وقصة الذلول ليس لها علاقة من قريب ولا من بعيد في صباح عن
ويوم اخذوا بعض الحرث ذلوله ارسل لشيوخ الحرث يبلغهم ان عيال عمهم نقضوا اللزمة بينه وبينهم وفي القصيدة تذكير بأن يعيدوا الذلول حسب سلوم العرب بدون قتال والدليل قوله في اخر القصيدة:
وان كان ما قمتوا فلانيب سبّـاب=حطيت سموا المتعبي في هبابـي
هنا الشاعر الشجاع حامد بن باهج يهدد ويتوعد بالفعل وليس بالقول والسب وهي من شيمة الشجعان و يقول اذا ما عادت الذلول حسب سلوم العرب فأنه سوف يأخذ حقة بالقوة والشاهد "حطيت سموا المتعبي في هبابـي"
الكلام واضح وضوح الشمس لمن يفقه كلام العرب وتغييركم للحقائق وخلط القصص مع بعض دلالة على الخواء والجهل المطبق واذا تبي تتأكد فأحفاد الشاعر حامد بن باهج الرداني الجعيد موجودين واستفسر قبل تغير في حقائق معروفة ويحفضها الشياب بشواهدها الشعرية وتفاصيل احداثها مما يوافق العقل والمنطق
« آخـــر الـــمـــشـــاركــــات »
26-Jul-2008, 05:19 PM
العرض العادي
