قصيده للشاعر فهد القثامي بمناسبة زيارة سمو ولي العهد لإبن حميد

[عبدالرحمن الهيلوم]

بسم الله الرحمن الرحيم

قصيدة قالها الشاعر فهد القثامي بمناسبة زيارة سمو ولي العهد الأمير سلطان بن عبدالعزيز آل سعود حفظه الله ورعاه للشيخ محمد بن سلطان بن حميد :






الحمد لله أمطـرت غـر الامـزان
والليله الهيـلا لوجـه الله سجـود
أصدورها من وابل الغيـث بستـان
وعيونهـا ترعـاه وقلوبهـا شهـود
من السرور افراحها اشكال والـوان
والارض مفروشة من الفرحـه ورود
ولا ظنتي باقي من احزانهـا احـزان
ما دام ابو خالد مع الجمع موجـود
مرحب تراحيب المطر عنـد عتبـان
زود على ترحيبة الشعب الـك زود
ترحيبة من قلـب ترجامـه لسـان
ممزوجة مع ريحـة المسـك والعـود
يا مرحبا بسلطان عند ابن سلطـان
ترحيبـة الهـا مواثيـق وعـهـود
ماهي جديده عمرها ازمان وازمـان
اكتابها ابن احميد وحروفهـا العـود
ايام ما ابن بجـاد للديـن سلطـان
ويمنى لأخو نوره على كـل نمـرود
جمعهم الرحمـن فـي ساعـة ايمـان
قبل حدود المملكه تصبـح حـدود
واللي يقود الحرب في كـل ميـدان
بذل لامامه كـل طاعـه و مجهـود
انتم اصحاب الدار ما انتم بضيفـان
وحنا لكم في ساعة الفزعـة جنـود
على السعة تشريفكم يـا كحيـلان
ما انتم ترى في الارض في عيوننا قعود
ياسيدي سلطان يا رمـز الأحسـان
يا أبو الارامل واليتامى وابو الجـود
فتحت قلبـك للمساكيـن بيبـان
فتح لك الله من سما الرحمـة سـدود
ترى كريم النفس بـأذن الله معـان
لا صار مثلك في سجايـاه محمـود
ما دام ابو متعب لهـا صـار ربـان
وانته ولي العهد وأخوانـك عضـود
ماهمنا من يعتدي كـان مـن كـان
وشرع الله الدستور والسيف محدود


صح السانه
والسان شعار الهيلا