التفاني لاجل الخوي =الدواسر

[عبدالعزيز فهد]

حدثت هذه القصة ابان حرب اليمن عام 1963 م / 1383 هـ , , , وكان ابطال هذهالقصه هــم : حمد بن هندي أل حنيش الودعاني الدوسري , حمود أبوفاس الودعاني الدوسري , مرضي بن محمد بن شماء الودعاني وابنه محمد بن مرضي الودعاني , فهد بن راشوف , فرحان بن سفر الشكره الدوسري, دغش بن محمد آل شاهر الصخابره الدوسري و مبارك لن منصور الفرحان الودعاني الدوسري ( رحمة الله ) وعبدالله وأخوه مضحي وهتيمي بن عبدالله ورفيقهم الشمري وأخوه حمود .
وكانوا ينقلون قوات عسكريه وعتاد عسكري بأمر من أمير نجران سابقا ألامير خالد السديري يرحمه الله , وكان معهم الشريف صالح الهبيلي حاكم بيحان , , , التي انزلوا القوة التي معهم عندهم ( ديرة بيحان ) وقد كانوا لايمشون الا ليلا بسبب الخوف من الطائرات المصريه التي تناصر الجمهوريين ,وبينما هم في الطريق يمشون انفجرت ماكينة سيارة الشمري خويهم وكانا الشمري واخوه هم الغريبين من بين الدواسر وعلى الفور ترجل الشمري من سيارته آخذا أمتعته الشخصيه معه . ولقد كان أول من قابله من الدواسرحمد بن هندي وعندما علم بما حصل بسيارة الشمري رفيق دربهم قام بأعطائه مفاتيح سيارته عوضا في سيارة الشمري ولكن الشمري رفض قبولها وقال انقلوني معكم بسيارتكم واخوه معه فنخا ألشمري بعزوة ياولاد( زايد) باسم الحمية وحق الخوي – صحبته الدواسر – أن لايتركوة وسيارته لا يملك سواها في هذا المكان الخطر الذي لايمكن ولن يمكن إصلاح سيارة رفيقهم ألشمري . وطلب الشمري احراق سيارته حتى لايستفيد منها الجمهوريين وعندما خلص من كلامه تزاهم الدواسر بعزوتهم الزايديه , فقال حمد بن هندي الودعاني لن تتعالم القبائل بأننا تركنا سيارة رفيقنا فقام الرجال بتفكيك سيارة الشمري قطعه قطعه الذي كان الشمري يمنعهم خوفا عليهم من الخطر الذي هم فيه ولكنهم لم يهتموا بكلامه وكان اهون لهم الموت على ان تأخذ سيارة رفيقهم . وكلفوا محمد بن مرضي بالطلوع الى ظهر احدى السيارات لمراقبة الطريق والمكان حتى لايؤخذون على غره , وقبل ظهور خيوط الفجر الاولى كان الرجال يضعون أخر قطعه من سيارةالشمري وفجأة صرخ محمد بن مرضي . . . جاكم القوووووووووووووووووم فتجهز الرجال كلا ببندقيته والاختباء وراء الشجر وبداء بأطلاق النار فأذا بصوت عاااااااااااال يقول اشهد والشاهد الله أني ابو ساق خريم وكان ابوساق رفيقا لهم في بيحان ولكنه تأخر من مرافقتهم لظروف ( وابوساق أحد شيوخ قبيلة يام ) وعلم بما قاموا به وطلب منهم ان يشركوا حتى يكون معهم في الفعل الطيب اللي يبيض الوجه , ولكنه لم يبقى شيء في الارض . فطلب منهم بنقل الشمري على الاقل معهم ولكنهم رفضوا لان من قام بتفكيك السيارة ليس بعاجزا عن نقل صاحبها , فما أن وصلوا الى نجران وعلم الامير خالد السديري بالامر فألتزم بتصليح السياره وتجميعها وقام بأعطاء الشمري 10,000 ريال شرهة .

لقد قال الشمري هذه القصيده في هذا الامر

من يريد المجد يرثله فعـــــــايل ^&^&^&^ مثل ما قال القريفه فـي
لحـــونـه


بالحلايل وعند قوت الــــــدبايل^&&^ كــل مـا جالـه مجـال يمدحــــونـه


ندري أن المال والعمـــــر زايـل^&&^ والفعايـل بالتوالـي يذكـــــــرونـه


غير هذا واجـد فعل الحمــــــايل ^&&^ يدركـــــون الطيـب نـاس يفعلونـه


للدواســــر قصة ماله فعــــــايل ^&&^ الخـوي وموتــــــره جـاو ينقلونـه


ذا وهم في خوف من شر القنابل^&&^ وطايرات في سماهــــم يطــردونه


ذي عوايد عند زينيين الحمـــايل ^&&^ كـــل حزة ضيق ( زايد ) يندبــونه


قصيدة الشمري الثانيه:

يا حمود هات الفرت وكمـل زهابـه
كمـل زهابـه يازبون المشافيـق
أسـرح عليـه ولا تحـن الوطابـه
أجنب عسى دربك ودربـه توافيـق
صلهم ترى الممشى يبي من هقابـه
خص إلي زانـت دروب الطواريـق
أنص السد يري زابن منهـو لجابـه
سعد الركاب وسعد أهلها من الضيق
سلم عليه اعداد منشـى السحابـه
وما ورقت لشجار من الويل توريـق
قله ترى فعله فخر مـن حكـا بـه
فعل على عـزم الردييـن ماطيـق
ثم ثنها يـا حمـود فهـل الحزابـه
( دواسرآ) قامـت بفعـل المطاليـق
سلم عليهم كـل مـن هـم بنابـه
سلام أحلى من غبـوق المفاهيـق
ياويش اقول بمدح سرب (إذيابـه )
يوم استناخ الفرت ثم نشف الريـق
تعصبـوا والكـل يضحـك بنـابـه
وقالوا لي أبشر بالفرج ساعة الضيق
الفـرت حطـوه الذيابـه أنهـابـه
كـل يعلـق نبلتـه فـوق تعليـق
شالـوه ربـع للخطـر مـا تهابـه
حتى الكرد شالوه ما واحـدا عيـق
كل يقـول الفـرت عنـدي وانابـه
خوينـا مـا يلحقـه يـوم تعويـق
يا لبيض يا للي تنقشـن الخضابـه
بالله عليكن للنشا ما عشـا شيـق
يا كيـف ممدحهـم وازيـد الثنابـه
من حد حايـل ليـن حـد العواليـق
مدح على فعل ينـو مـس جوابـه
ماهوب حكي مـا يعـزز بتصديـق
يستاهلـونـه بالثـنـا والوفـابـه
مدح إلي جا الصدق ماهوب تلفيـق[/size]

قصيده للشاعر الفحل شلعان بن ظافر الودعاني الدوسري رحمه الله واسكنه فسيح جناته

طاب كيفي ورجلي زان ممشاهـا
والمعاني وزنهـا عـدل ميزانـي
مـا نبـي ناقـد بالنقـد يقفاهـا
خايف من بعض الاشخاص يقفاني
مـن شو اذيبهاعليّـت مرقـاهـا
نازله فـي منـازل كـل ديقانـي
ياحـرار رفعهاطيـب مجنـاهـا
من كرمها لها بالطيـب عنوانـي
تشبع اضعوفها من ظرب يمناهـا
تكسب المدح شيبانـن وشبانـي
مرحبـا عـد ماهلـت رفايـاهـا
والتراحيب للقاصي مـع الدانـي
من بني عمنـا واللـي توحاهـا
وكل قرم إلي من جيت له جانـي
ليلة مـن ليـال العمـر فدناهـا
وقفتي بين ربعي تبعـد أحزانـي
لابة للمراجـل تشقـح أخطاهـا
تكرم الضيف والجيران والعانـي
لابتي مايـدوس الضـد بحماهـا
من على عصر زايد وبن بدراني
لابتـي زايـد الملطـوم منشاهـا
ممنـة جارهامـن كـل عدوانـي
ترتفع روسنـا لامـن ذكرناهـا
ذا كلامي ونا مـن لاد ودعانـي
لاد ودعان راس الرجـم مرقاهـا
كاسبين المراجل سـر وعلانـي
لابتي من يريـد العـز ينصاهـا
يستريح بذرا ذربيـن الايمانـي
قصت الشمري يانـاس محلاهـا
يوم ثور عسـام الجـو دخانـي
فوق سيارتـه والقـوم تشعاهـا
اجنبـي وحيـد مامعـه ثـانـي
قل عزم المكينـه ونقطـع ماهـا
قال هـذا قعـد مافيـه عقلانـي
ياوداعيـن بحرقهـا وبنسـاهـا
والعوض عند ربي عالي الشانـي
عودولـه ولا واحــد تعـداهـا
حذفو بالهـدوم طيـور حورانـي
شلحوهـا بنـي عمـي وشلاهـا
لابـة فاللقـا مـاهـم بـذلانـي
والقنابـل تخطفهـم شظايـاهـا
ماختلف واحد مـن لاد ودعانـي
حملوها ونـار الحـرب تصلاهـا
اشهد انهـم مناعيـر وشجعانـي
عقب يومين في نجـران ملفاهـا
وشترو نقصها من سوق نجراني
ماتعـدو مكانـه ليـن شـداهـا
وشتغل صافين ماهوب خربانـي
ذي سوالف بني عمي شرحناهـا
ماضياتـن لهـا فعـل وبرهانـي




من كتاب (واحة الشعر الشعبي )المجموعة
الخامسة ( ص )(204 )

[مرزوق حمدان العتيبي]

....
الاجواد لا جاورتهم ماتملهم
------- والانذال لاتغزي ولا ينغزابها..
اشهد بالله ان الاد زايد للطيب يقولون ويفعلون..
ولاهيب غريبه من الاجواد ... في كل مكان وزمان
الله يعطيك العافيه على ايراد هذه القصه الطيبه...
والقصايد الطيبه كذلك...
كل الشكر لك...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ابن مشيب]

فعلاً قصة وفعل يبيض الوجة , والحمدلله على سلامتهم , والفعل الطيب يبقى ويبقى ذكر صاحبة , وبيض الله وجيههم عيال زايد مع خويهم الشمري


الله لايهينك ياعبدالعزيز على هذة المشاركة الرائعة , وتثبيتها بمصدرها



تحياتي

[عبدالعزيز فهد]

اخوي مرزوق العتيبي ماااااعليكم زود يالغالي وتسلم علي كلامك الطيب اللي يدل علي طيب اصلك ومايحتاج انتو مدرسة طيب واحناااااا تلاميذ

[عبدالعزيز فهد]

ابن مشيب مرحبا هيل عد السيل هذي ترحيبه دوسريه بخوالي الشيابين وتسلم يالغالي علي كلامك الطيب

[بن مسعر]

لاهنت على نقل هذه القصيده المشرفه

[الغريب؟؟؟]

تسلم وتدوم والله يرحم ابطال القصه
والله انه علوم رجال ترد الروح
لاحرمنا سويليفاتك الطيبه

[فالح الكرنافـ]

بيض الله وجهك

والله يعطيك العافيه

[الهضيباني]

لا هنت على القصه والقصيد

وتقبل مروري