تحفة البنز

[عقاب بن سقيان العتيبي]

اول الليل اوله واخر الليل الهزيع =اطيب اوقاته واحضه واخصه وازوده
قبل نور الشمس يكشح على الكون ويشيع=وقبل يقلع ناجع الحي طنبه ووتده
راكب اللي شان ركابها شان رفيع=جرمنية صنع وبلاد والجمش بلده
تحفة من بنز مرسدس في الخط السريع =كنها برق سحابه يهشمه رعده
لو تمر نخيل الاحسا غدى سدحا صريع=كوكب وش تدرك العين لونه وجسده
من ملكها ما شكى الفقر والوقت الضريع=منوة اللي وقته الشين ضامه وجحده
صنعة اللي جعل ماله تحت ربه شفيع=لو يضيفه والده حط قدره وجلده
دنيوي داني اخلاق وكلابه قطيع=جاره انقص قدر منهن ولو هن نكده
من وصايف باشة الذوق والحسن البديع =ماترك حتى التفاته بردفه ونهده
درة تلمع بصندوق تاجرها لميع=مال عن ماله تغالاه وحده وفرده
ماشري من معرض الفرد والشاص الصديع=من رخام كنه يقول ضيفه وعده
ماتجي بالحلم والنوم والكاع اللكيع=قسم نوام الضحى بس نومه ورقده
يشتريها اللي ليا قام قاموا له تبيع=نصف ما يرد المواني من من المال ورده
عدها اللي ما ذكر غير بالذكر الوضيع=يلتوي وجهه ليا جاع ورعه وشحده
تقرع لحيه على اعراض خلق الله قريع=ما بقا للزور والعور سيف ما جرده
ذاك عنه ابعد عنه لو تهيم ولو تصيع=ليت ما هجد حماس المساكين هجده
لين يقلع رمس مثله عن الدنيا قليع=ينسف الله ساس بيته وبابه وعمده
لين يسمع من ورى الحي لسقوفه قضيع=قضعة اللي سوس السوس ساسه ووفده
انت مجبول على الطيب جبل ولا تضيع=والهدف بيت ليا شافه الضيف قصده
نصها اللي ماقعد للخطا في كل ريع=جعل يبطي به زمانه ولا يقرب غده
طيب من ساس اطيب من انفاح الربيع=صاحب من خيرة الصحب لو كنت ولده
ما وطا في ام الشحم والنقا شوك النقيع=عبده اللي مشتريني وملكه وسنده
قل له اللي ضاق كونه ولو صدره وسيع=ماله الا عون من دان فضله وعبده
ودنا بالرجله مير عيت لا تطيع=ما تبا اللي يكرم الضيف لو كل جهده
ودها باللي ليا مر في الشارع تميع =واجهة بنك المرابح وهو وسط مهده
يشتري من كثر ماله ولا ينوي يبيع=يحسب ان المرجله كلما تجمع يده
مادرا ان المرجله نصفها حسن الصنيع=والحيا والدين مافيه قبله وبعده
والشجاعه كلها كلها عند الشجيع=ضدها في الرجل كذبه بقوله ووعده
وان جمعهنه مع الجود رجال جميع=وزادهن بالعرف والصبر وش كبر سعده
عانهن في اللي على كرسي القصر المنيع=مانضب مع كثر جوده بكفه وزهده
راحته تندا مثل صيب الغيث النفيع=مايقول الا عطه لين تقنعه وزده
ما يعوز المال من مدته حتى المجيع=وان نصاه مقل ذات ارتكاله ورفده
رحمة الراحم ونوره على اصحاب البقيع=غيرهم مانبتت الا بشيحه وجعده
ماذكر للهرج في فسحة الايام ريع=حنظله لو علها الغيث وبله وبرده
العلوم انواع وانواع لو فيهن نويع=ودك انك تتركه ترك مره وشهده
القبر ماحد كنز في ثراه ولاش بيع=غير ماقدم تشوفه لياصك لحده
من ملى جيبه بوجهه من اسوار الشبع=ماجلس في مجلس بين نمره وفهده
السباع لياضوت لو ضوا معهن سبيع=ما تعشا كان نابه وكفه ما انجده
لو تصب العلم كله على القلب الطبيع=لو غفى راعيه غفوه على الكوع فقده
جعل رملى ميتم طفلها الحدث الرضيع=حرمة اللي سطح بيته على الجار صعده
ماطلع من صدر راعيه عند الناس ذيع=غير زفرة من قلع هم نفسه ووجده
لو زفير الصدر صيحه صحا الحي الهجيع=مج عرف النذل تسلم نفاقه وحسده
صحبة الجاهل ولا صحبة الخبل الخليع=من جرفه الوقت خاوا طفيحه وزبده
وان زرعت الطيب واثمر بعد زرعه زريع=اعرف انه في لئيم فرح به وحصده
لو بكا شالح ببيته على اخوه الفديع=ما اقضى به من عتيبه بسيفه وجرده
ولا تلى وضح المصاغير بالقبا الطليع=من شرا صنف بماله تخير في اجوده
عاقل واشوف بالقلب والعين وسميع=وابخص القول المتمم بضاده وابجده
اكثر الاصوات حدي على هبد وطعيع=زود نعمة وقتنا اللي نبيض في اسوده
ما بقى الا نرضخ لحاكم الشعر ونطيع=طاعة في غير اهلها معيل مانقده

شعر / عقاب بن سقيان

[عبدالرحمن الهيلوم]

صح السااااااااااااااااااااانك والسان قايلها

[ابن صنهوت]

لا اله الا الله عقاب فالك البيرق ؟؟؟؟؟؟؟


صح السانك ابداع يا مبدع اشهد انك غنيت يوم غنيت

[سعود بن سعد الحافي]

صح لسانك يا عقاب

ابداع × ابداع

لاهنت

،،،،،،،،،،،

[فهد النفيعي]

القبر ماحد كنـز فـي ثـراه ولاش بيـع
غيـر ماقـدم تشوفـه لياصـك لـحـده


انا اشهد انك صادقوصح لسانك ياعقاب على هالرائعه وانا من اشد المتابعين لقصائدك هنافي المنتدى او في جريدة الرياض

بالتوفيق...

[عبدالمجيد العطاوي]

عزّ الله انّه شعر ليا قالوا شعر وانا اخوووك

ابك بيّض الله وجهك مليون x مليون على الطلاق انّها تكتب بماء الذهب

تقبّل اعجابي المبجّد فيها ياذيبان

[عقاب بن سقيان العتيبي]

عبدالرحمن الهيلوم
ابن صنهوت
سعود سعد الحافي
فهد النفيعي
عبدالمجيد العطاوي

مروركم شرف اتشرف به مع الرجال
اشكركم جدا
واتمنى لكم التوفيق دائما..............

[سيف عنزه]

صح لسااااانك يا عقاب...ماقصرت يا الغالي

[عبدالله الجـــذع]

ابو زياد وش اقول

نص كُتب بالخبره ماشاء الله عليك

حبك وسبك ومعاني وجزاله

ليست الا لـ عقاب

ماذكر للهرج فـي فسحـة الايـام ريـع
حنظله لـو علهـا الغيـث وبلـه وبـرده

لله درك ياعلم

ننتر جديدك

محبك
.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عقاب بن سقيان العتيبي]

الاخ سيف عنزه
الف شكر لك وصح بدنك

الاخ عبدالله الجذع
الف شكر لك استاذي الكريم على مرورك
جعلك عزيز دايم

ولانفقدك
ولا يفقدك هذا الصرح اللذي انت واحدا من اركانه
الف تحيه لك وكل رمضان وحنا وانت والجميع بخير وعافيه وعفو من الله

شكرا