حاكم الغنامي
سلام ردية على معناها .. نرفع بيارقها وروس قناها =واللي يدورها يبا يلقاها .. واحد من الشعار يطلع برى
الهرش ابو طايل وراه مقيد ..والعيد زل وصاحبي ماعيد =وان جات بين ابا العلا وشديد.. واحد من الشعار يطلع برى
سعود العصيمي
يامرحبا ترحيبة ٍ مرفوعه ..رفع العلم مثنية مربوعه= بالشاعر اللي كلمته مسموعه.. محدآ من الشعار طالع برا.
الهرش مانته جاهله ياحاكم .. لاراحت الدعوى طعن وملاكم = ماهوب ياحاكم على مشهاكم .. واحد من الشعار يطلع برا.
حاكم الغنامي
دام البقا وانت الدليله معنا ..وليا مشينـا للهدف ماضعنـا=ولاقد شرينا بالرخيص وبعنا ..واحد من الشعار يطلع برى
العام ماشفنا شعار النادي ..ياللي تصيّح فالعرب وتنـادي=فوق الجبل ولا بوسط الوادي..واحد من الشعار يطلع برى
سعود العصيمي
فاتلى الزمن جاك الحمام الزاجر .. حده زمانه لين جاك مهاجر=واكبر مصيبة فالعميل الفاجر .. لكن شوته ليـن يطلـع بـرا
العام راع البيت والطرقيه .. نظامهم مجهـول حتـى الهئيـه=واليوم بان الجنس والجنسيه .. واحد من الاثنين يطلع بـرا
حاكم الغنامي
وجودها حض العطيب الجارح ..اللي ماغير يروبج من البارح=على غدير الموت ضاوي سارح..واحد من الشعار يطلع برى
الشجره اللي عرقها سباحي ..احسبلها من عمرها وش راحي=وانته بنعمة ضلها مرتاحي ..واحد من الشعار يطلـع بـرى
سعود العصيمي
ماكل رجال ٍ بصير بروحه.. لوكان يقرأ ماكتـب فاللوحـه=واخصامنا طول الدهر مجروحه.. واحد من الاثنين يطلع برا
الله يحفظها لمن قام ابها .. لوكان اشوف ابليس يلتف ابها=وانا بخير وموفي ٍ واجبها.. واحد من الشعار يطلـع بـرا
حاكم الغنامي
عسى الهلال الي مع اول شهره ..مايكمل بعالي سماكم بدره=هذاه رايي والعصيمي بصره..واحد من الشعار يطلع بـرى
اللي تغير في الزمان التالي ..كبر الصغّير والقصّير طالـي=ثم سد بيشه صار سدً عالي ..واحد من الشعار يطلع بـرى
سعود العصيمي
ماقول غير الله يصلح خلقه .. ويحط في راسك ياحاكـم فلقـه=هذاه رايي في هاذي الحلقه.. واللي يبا يخطي نشوتـه بـرا.
ذرية اللي مايصلي المغرب .. هاذي وصايفهـم ولاتستغـرب=شمس الحقيقه من سماها تغرب .. ويصير حاكم والجلاهي برا.
حاكم الغنامي
ياواسم الحية وطيت الحية ..مار احسب حسابي وصف النية=هندامنا مانلبسه عارية ..واحد من الشعـار يطلـع بـرى
بكره لياذعذع نسيم الغربي ..صحيب عينك مايجي في دربي=وانا وناصر مانسوق الجربي..واحد من الشعار يطلع بـرى
سعود العصيمي
الحيه اللي بالقدم مديوسه .. زلك خطرها وانقضى فيروسه=ياللي تجيب السالفه منكوسه .. ودك تطلع كل شاعر برا.
انا حسبت لكل علم حسابه .. والسيف ماسله لذبح عتابـه=لاعاد ياحاكم ترد الجابه .. وازعل وقول اطلع وخلك برا.
حاكم الغنامي
خابرك راعي خنجرٍ مصبوبه ..وتحوّل العبري وتاخذ ثوبه=واليوم تاجر سلعتك مجلوبه..واحد من الشعار يطلع بـرى
العلم ياصل مسمعك هالليله ..الحمل كايد والجمـال تشيلـه=ماعاش مصر الا وهايب نيله ..واحد من الشعار يطلع برى
سعود العصيمي
انا معي خنجر وعندي قوه .. والطيّب المعروف يشعم ضوه=لكن ماتقواه معنا سوه .. واحد من الشعـار يطلـع بـراا
الله مطيب صاحبي ياطيبه .. لكن ياخوفي يجيـب مصيبـه=ثم عاد راع السالفه يدريبه.. وتروح دعوى كلبوها بـرا.
« آخـــر الـــمـــشـــاركــــات »
22-Nov-2010, 06:53 AM
العرض العادي
